ASTANA. 16 mamyr. О́skemende elimiz Táýelsizdiginiń 25 jyldyǵyna arnalǵan mektep, kolledj oqýshylarynyń VIII jazǵy spartakıadasynyń kezekti týry ótti. Bul týraly jýrnalıst Ońdasyn Elýbaıdyń aqpary boıynsha egemen.kz tilshisi habarlady.
Oǵan Almaty, Shyǵys Qazaqstan, Ońtústik Qazaqstan, Qaraǵandy oblystary, Almaty jáne Astana qalalarynyń semserlesý, rapıra, shpaga sheberleri qatysty.
«Bıyl elimizde segizinshi ret mektep oqýshylary men kolledj stýdentteriniń spartakıadasy ótkizilip otyr. Ol eki jylda bir ret, qysqy jáne jazǵy sport túrleri boıynsha ótip turady. Búginge deıin ár qalalarda voleıbol, voleıboldyń klassıkalyq túrinen, fýtzaldan jarystar ótti. Onda sportshylar jarystyń 53 túrinen kúsh synasty. Spartakıadanyń maqsaty — buqaralyq sportty nasıhattaý, elimizdiń dańqyn arttyratyn jas urpaqty tárbıeleý, bolashaq Olımpııa oıyndary men álem chempıondaryn daıyndaý», deıdi mektep oqýshylarynyń spartakıdasyn uıymdastyrýshy, Bilim jáne ǵylym mınıstrligine qarasty ulttyq ǵylymı-praktıkalyq ortalyqtyń jaýapty qyzmetkeri, elimizge eńbegi sińgen jattyqtyrýshy, professor Sezhan Áýbákirov. Onyń aıtýynsha, spartakıada oıyndaryn ótkizý elimizdiń bes qalasynda — Shymkent, Taraz, Almaty, Astana, О́skemende josparlanypty. Aldaǵy shildede Shyǵysta velojarys, maýtınbaıg, semserlesýden saıystar ótse, basqa qalalarda sporttyń ózge túrlerinen jarystar ótip, oǵan 10 myńnan astam adam qatyspaq. Semserlesý, shpaga men rapıra – Olımpııa oıyndarynyń baǵdarlamasyna engen sport túri. Sondyqtan bolar, jyl saıyn sporttyń osy túrimen shuǵyldanatyn jetkinshekter qatary ósip keledi. Qazir semserlesýmen elimiz boıynsha 20 myńnan astam adam aınalysady eken. Olardyń ishinde Azııa oıyndarynda top jarǵan sańlaqtar az emes. Ońtústik Qazaqstan oblysynyń aǵa jatyqtyrýshysy, KSRO sport sheberi Qarlyǵash Saıhanova spartakıadaǵa 24 qyz-jigitterdi alyp kelipti. Olardyń ishinde sport sheberi Tańsholpan Aıtjanova, Saıana Saıhanova, Quralbek Baqdáýlet, Tólebı Qaldybekuly semserlesýmen úsh-tórt jyldan beri shuǵyldanyp, el chempıondary nemese júldeli oryndardy ıelengender. Al Quralbek Baqdáýlet osy joly da chempıon atandy.
«Biz sheberlikti jetildirip otyramyz. Jattyqtyrýshymyz Qarlyǵash Rystanbekqyzy qatal, talap qoıa biletin maman. Bıyldyń ózinde Saıana Danııada ótken halyqaralyq týrnırge, al Tańsholpan Fransııada ótken jasóspirimder arasyndaǵy álem chempıonatyna qatysyp, óner kórsetti. Basqa shákirtteri de shetelderge jıi shyǵyp, sheberlikterin jetildire túsýde», deıdi el chempıony atanǵan Quralbek Baqdáýlet.
Áriptesimiz Ońdasyn Elýbaıdyń aıtýynsha, О́skemendegi Jekpe-jek saraıynda ótken spartakıadany respýblıkalyq ǵylymı-praktıkalyq ortalyq pen oblystyq bilim basqarmasy (basshysy Aıjan Sadyqova) joǵary deńgeıde ótkizdi. Spartakıadada rapıradan erler arasyndaǵy komandalyq esepte Shyǵys Qazaqstan oblysynyń sheberleri top jarsa, ekinshi, úshinshi oryndy Almaty qalasy men Almaty oblysynyń ókilderi ıelendi. Al qyzdar arasynda quramynda Gúljan Túsipbekova, Aıaýly О́teýlenova, Daıana Túsipjanova, Iýlııa Býrgýcheva bar sportshylar rapıranyń has sheberleri ekenin dáleldedi. Ekinshi, úshinshi oryndy Almaty jáne Astana qalasynyń ókilderi bólisti. Semserlesý boıynsha komandalyq esepte erler arasynda Almaty qalasy, Ońtústik Qazaqstan oblysy, Astana qalasynyń sheberleri júldeli oryndarmen bólisti. Al qyzdar arasynda Almaty qalasynyń sańlaqtary bet qaratpaı qarsylastarynan basym tússe, odan keıingi oryndarǵa Ońtústik Qazaqstan oblysy men Almaty oblysynyń sportshylary taban tiredi. Shpagadan erler arasynda komandalyq esepte Almaty qalasy, ShQO jáne Almaty oblysynyń serkeleri júldeli oryndarmen bólisti. Al qyzdar arasynda Almaty qalasy, Shyǵys Qazaqstan oblysy men Astana qalasynyń saıypqyrandary ázirshe elimizde myqty ekenderin dáleldedi.
«О́skemendegi dúbirli dodadan baıqaǵanymyz, qylyshtasýdyń úsh túriniń de elimizde kúrt damyp kele jatqanyna kóz jetkizdik», deıdi «Egemen Qazaqstan» gazetiniń qurmetti jýrnalısi Ońdasyn Elýbaı.
Dastan Kenjalın.
Derek, foto: Ońdasyn Elýbaı.
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e