TARAZ. 16 mamyr. M.H.Dýlatı atyndaǵy TarMý-dyń uıymdastyrýymen «M.H.Dýlatı jáne túrki álemi» taqyrybynda «IH Dýlatı oqýlary» halyqaralyq ǵylymı-praktıkalyq konferensııasy ótti. Bul týraly TarMÝ-nyń medıa qyzmetiniń aqpary boıynsha egemen.kz tilshisi habarlady.
El táýelsizdiginiń 25 jyldyǵyna oraı uıymdastyrylǵan konferensııa jumysyna bıylǵy jyly da alys – jaqyn shet eldiń ǵalymdary belsene qatysyp, Dýlatıdyń ómiri men sońyna qaldyrǵan murasy jónindegi tyń derektermen bólisti.
«Orta ǵasyrdaǵy qazaq tarıhynyń kórnekti ókili, Muhammed Haıdar Dýlatıdyń máńgilik jasaıtyn ǵajaıyp baı muralaryna sońǵy jyldary arnalǵan, kóptegen qundy zertteý eńbekteri, jekelegen maqalalar jazyldy. Bul baǵyttaǵy jumystarǵa ǵulamanyń esimin ıelenýshi Taraz memlekettik ýnıversıteti de ózindik deńgeıde nátıjeli juystar atqarýda jáne aldaǵy ýaqytta da jańa ǵylymı izdenisterge yqpal jasaı bermek», dedi konferensııada sóz alǵan ýnıversıtet rektory, professor Mahmetǵalı Sarybekov.
Plenarlyq májiliste «M.H.Dýlatıdyń Úndistandaǵy zertteýshisi» taqyrybynda baıandama jasaǵan R.Súleımenov atyndaǵy Shyǵystaný ınstıtýtynyń dırektory, fılologııa ǵylymdarynyń doktory, professor Ábsattar Derbisáli uly tarıhshy murasyn Úndi elinde zerttep júrgen ǵulamalar jaıynda sóz qozǵady.
«Búginde Úndistanda Dýlatıtaný baǵytynda zertteý júrgizip júrgen 3 ǵalymdy jaqyn bilemin. Sonyń biri Mansýra Haıdar hynym. Onyń eńbekterinde M.H.Dýlatıdiń tulǵalyq qyry tolyq sıpattalǵan», deıdi Ábsattar Derbisáli.
Osymen toǵyzynshy jyl qatarynan konferensııa jumysyna qatysyp, árkez Dýlatı baǵytyndaǵy tyń derekterimen bólisip, júrgen Ábsattar Baǵysbaıulyna ýnıversıt rektory Mahmetǵalı Sarybekov TarMÝ-dyń «Qurmetti professor» ataǵyn berip, úzdik jetistikteri úshin «Dýlatı» tós belgisimen marapattady. Plenarlyq májilis barysynda Shyńǵyshan áýletiniń shejirelik derekteri týraly zertteýleri men bólisken tarıh ǵylymdarynyń doktory, professor, ál-Farabı atyndaǵy QazUÝ janyyyndaǵy Ortalyq Azııadaǵy dástúrli órkenıetterdi zertteý ortalyǵynyń dırektory, QR UǴA Qurmet akademıgi Talas Omarbekov orta ǵasyrdaǵy Qazaqstan tarıhynyń áli de jańa derektermen tolyǵa beretindigin aıtty. О́z kezeginde, belgili dýlatıtanýshy Muhtar Qazybek M.H.Dýlatıdiń «Tarıh-ı-Rashıdı» eńbegin aýdarý máselesine nazar aýdardy. Baıandama sońynda M.H.Dýlatı «Tarıhı-Rashıdı» (haq jolyndaǵylar tarıhy) kitabynyń tusaýy kesildi.
Plenarlyq májilistiń sońynda Dýlatı murasynyń tarıhı, ádebı jáne saıası-álleýmettik mańyzy jóninde tarıhshy–ádebıetshi ǵalymdar óz zertteýlerin ortaǵa saldy.
Oralhan Dáýit.
Derek, foto: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e