Halyqtyń qalaýy, kóptiń tileýi

Elbasymen birgemiz!

Qazaqstandyqtar N.Nazarbaevtyń prezıdenttik ókilettigin uzartýdy qoldaıdy

Halyqtyń qalaýy, kóptiń tileýi Elimizdegi táýelsizdik tu­syn­daǵy jetistikterdiń bárine El­ba­symen birge, Elbasynyń ar­qasynda qol jetkeni barsha jurtqa, búkil álemge aıan. Son­dyq­tan  Prezıdenttiń ókilet­ti­gin uzartý ıdeıasy búkil Qazaq­stan halqynyń oıyn, tilegin bildiretinin atap ótý  lázim. О́t­ken jyly Ult Kóshbasshysy týraly ıdeıany da qarapaıym halyq túsinistikpen qabyldap, biraýyzdan  qoldaǵan bolatyn. Nursultan Ábishuly kópten beri adamı kapıtal jóninde aıtyp keledi. Elimizdiń, halqy­myz­dyń, búkil qazaqstandyq­tardyń baǵyna bitken eń basty adamı kapıtal – Elbasymyzdyń ózi, onyń saıası uıymdasty­rý­shy­lyq qabileti, mol tájirıbesi, kóregendigi, qajymas jigeri, iskerligi, tabandylyǵy men tap­qyrlyǵy, shet elderdiń  kánigi qaıratkerleri men saıasatkerlerin moıyndatqan halyqaralyq bedeli. Mundaı kapıtaldyń  bú­gin-erteń jınala qoımasy anyq. Qolda bardy tolyq paıdalana bilgenimiz abzal. Ishtegi, syrttaǵy qoǵamdyq pikir­men sanasyp otyrý kerek. Bizder qazir basqa eldermen damý úrdisi uqsas qoǵamda ómir súrip jatyrmyz. Biraq  keıbir jaǵdaılarda túıindi másele­lerdi ózimizshe sheship, ózimizshe áreket jasaýǵa týra keledi. Istiń jaıy osyny talap etedi. Nege biz óz  sheshimderimizge «anaý qa­laı qaraıdy», «mynaý qalaı qa­raıdy» dep alańdaı berýimiz kerek? Nursultan Ábishulynyń el basqarý isindegi erekshe qasıeti – ol kóptiń pikirimen sanasady, biraq ózinshe sheshim qabyldaı­dy, ózinshe áreket jasaıdy. Qudaıǵa shúkir, osy kezge deıin onyń bastamalary men sheshim­deriniń burys ketken jeri joq. Uly Marks Danteniń myna sózin únemi betke ustaıdy eken: «О́z jolyńmen júre ber, meıli, jurt ne dese, o desin». Erejeni, zań talabyn, árıne, betke ustaý kerek. Biraq keıde ómirde erejege de saı kelmeıtin jaǵdaılar bolady. Prezıdent bel­gilengen ýaqytta – bes jyl­da ma, jeti jylda ma – saı­lanyp otyrýy kerek. Zań qaripi (býkva zakona) osyny talap etedi. Mysaly, 1999 jyldyń ba­synda kezekti Prezıdent saı­laýy ótti. Tórt adam bılikten úmitker boldy. Biraq N.Nazar­baevqa qarsy turatyn laıyqty balama bolǵan joq. Muny jurt­tyń bári túsindi. Biraq alty aı boıy saılaýǵa ázirlik jumysy júrdi. Kóptegen kezdesýler bol­dy. Kóptegen adamdar óz ju­mys­taryn qoıa turyp, saılaý naýqanyna tartyldy. Aqyry, saılaýshylardyń 90 paıyzdan astamy qazirgi Prezıdentimizdi jaqtap daýys berdi. Formaldy turǵydan alǵanda zań erejesi saqtaldy. Al is júzinde nátı­jesi aldyn-ala belgili shara úshin qansha ýaqyt, qansha kúsh, qarajat jumsaldy? 2012 jylǵy saılaýda da – eger ol bolatyn bolsa, –  N.Na­zar­baevqa laıyqty balama joq. Sondyqtan el-jurtty alańda­typ,  qoǵamnyń damý qarqynyna nuqsan keltirip, saılaý ótkizý­diń qajeti joq. Jurtshylyqtyń pikiri osyǵan saıady. Demokratııa degen halyqtyń qalaýy. Halyq aıtsa, qalt aıt­paıdy, deıdi qazaq.  Halyq qol­dasa, halyqtyń erkine jol berý kerek. Prezıdenttiń ókilettigin uzar­tý jóninde  búkilhalyqtyq referendým ótkizýdi ońdy dep esepteıtinimiz – mundaı referendým Ata Zańymyzǵa qaıshy kelmeıdi, kerisinshe, ony naqty tarıhı jaǵdaıǵa saı naqty qoldaný bolyp tabylady. Referendým da – naqty demokratııa­lyq qadam. Sebebi ol – búkil halyqtyń, jalpy jurttyń erkin bildiretin sheshim. Halyq Qazaqstandy búkil álemge tanytqan, tanytyp qana qoımaı, moıyndatqan basshy­syn oryndy maqtan tutady.  Ha­lyq elimizdegi tynyshtyq­tyń, turaqtylyqtyń, qalypty damýdyń saqtalýyn Elbasynyń dana basshylyǵymen baıla­nys­tyrady. Osyndaı aýyzbirliktiń, yntymaqtyń arqasynda biz, ót­ken jyly Táýelsizdik kúnine arnalǵan saltanatty jınalys­ta Nursultan Ábishulynyń ózi atap kórsetkendeı, «ulttyq rý­hy berik, saıası júıesi turaqty, ekonomıkalyq áleýeti myqty, básekege qabiletti, halyqara­lyq bedeli zor qýatty memleket qurdyq». Tulǵanyń tarıhtaǵy róli qandaı bolatynyn biz Nursul­tan Ábishulynyń ómiri men qyzmetinen anyq kóre aldyq. Bizde buryn prezıdenttik bı­lik bolǵan joq, biz onyń ne ekenin bilmeıtin edik. Endi, mine, táýelsizdik alǵannan keıingi on toǵyz jylda prezıdenttik bıliktiń jasampaz jaqtaryn ań­ǵarǵandaı boldyq. Sonyń ar­qa­synda biz jas memleketimizdi aıaǵynan tik turǵyzyp,  ony osy jolmen ǵasyr boıy damyp kele jatqan elder qataryna qostyq. Elbasynyń ókilettigi jalǵasa bergenin qalaýymyzdyń  mánisi osy. Nursultan Ábishuly bir el­diń ǵana, óz halqynyń ǵana qor­ǵaýshysy, joqtaýshysy bolyp qoıǵan joq. Az ýaqyttyń ishinde ol sózi dýaly, isi ónegeli búkil álemdik tulǵaǵa – «Álem adamyna» aınaldy. «Jeti ata­syn bilgen er, jeti jurttyń qa­myn jer» degen danalyq sóz bar. Buǵan uly fransýz jazý­shysy Romen Rollannyń pikirin qosaıyn: «Naǵyz ulylar – jú­regi barsha jurt úshin soǵatyn­dar». Nursultan Ábishulyn tap osyndaı ulylar qataryna qosýǵa bolady. Kóripkel sarapshylar, saıasatkerler Elbasymyzdy Mus­tafa Kemal Atatúrikpen, Mahatma Gandımen, Djavaharlal Nerýmen, Lı Kýan Iýmen, Den Sıao Pınmen salystyryp júr. Túrki jurtshylyǵy Nursultan Nazarbaevqa astanasynda eskertkish ornatyp, kóshe atyn berip, «Túrki áleminiń kóshbas­shysy» dep atap júr. Munyń bári tekten tek emes. Qyr­ǵyzstan da, Aýǵanstan da, Grýzııa da, qalasańyz, alpaýyt el Reseı de Nursultan Nazar­baevqa úmit artady. Bizder, О́skemendegi respýb­lı­kalyq yntaly  toptyń jıy­nyna qatysqandar, «Egemen Qa­zaq­stan» gazetiniń basshysy Saýytbek Abdrahmanov keltirgen elimizdiń abzal aǵasy Baıken Áshimovtiń Elbasynyń eń­begi týraly aıtqan myna sózin tebirene tyńdadyq: «Eki tizgin, bir shylbyrdy qolyna erkin bergenniń ar­qasynda, el basta­ǵan erimiz dep búkil ha­lyq bo­lyp sengenniń ar­qa­synda, aza­ma­tymyz alǵa apa­rady dep sońynan ergenniń arqasynda Nursultan Ábish­uly eldiń kóshin bir belesten bir beleske bıiktetip alyp bara ja­tyr. Ana talapty saq­taı­myz, my­na jer­diń kóńi­linen shy­ǵamyz dep jú­rip, saıası tartys­tardy qoldan uıym­dastyryp, kósh qar­qy­nyn qoldan kidirtetin, ha­lyqty tek­ke yryń-jy­ryń etetin, ja­sam­pazdyq isten alań­datatyn qadamdardyń esh­­qaısysynyń da qajeti joq. Eldiń tizgini Nur­sultan Ábish­uly Nazarbaevtyń qo­lyn­da ba­rynsha uzaq bolýy úshin biz qol­da bar múmkindik­terdiń bárin jasaýymyz kerek. Toqsannan ja­sy asqan myna maǵan endi eshteńeniń de keregi joq. Tek eldiń ty­nysh­tyǵy, jerdiń bú­tindigi, eldiń mereıi kerek. Sonyń bárine halqy­myzdy jumyldy­ra­tyn, alys asqar­larǵa umtyl­dy­ratyn Azamat bizde bar. Nursultan Ábish­ulynyń bas­taýymen bizdiń alar asýlary­myz áli alda. Elbasy­myzdyń bergeni kóp, bereri odan da kóp. Endeshe azamattyń tileý­in tileıik». Mine, amanatqa barabar abyz aǵanyń ulaǵatty sózi! Budan artyq ne aıtýǵa bolady? Bizdiń baǵytymyz – durys, jolymyz – sara. Oıdaǵydaı jú­zege asyp jatqan, ekonomı­ka­ny da, óndiristi de, saıası-áleý­mettik salalardy da qamtı­tyn strategııalyq baǵdarlama­lary­myz bar. Olardy belgilegen El­basy jáne olardy júzege asyrý da Elbasy – Nursultan Ábish­uly arqyly múmkin bol­maq. Qazybaı BOZYMOV, Jáńgir han atyndaǵy Batys Qazaqstan agrarlyq-tehnıkalyq  ýnıversıtetiniń rektory. Oral. Damý tizginin tejemeıik Qoǵamymyzda Prezıdent Nursultan Nazarbaevtyń prezıdenttik ókilettigin 2020 jylǵa deıin uzartý týraly referendým ótkizý máselesi qyzý talqylanýda. Osyǵan baılanysty biz «Nur Otan» HDP Astana qalalyq fılıaly tóraǵasynyń birinshi orynbasary Ámirhan RAHYMJANOVQA jolyǵyp, pikirlesken edik. – Halyqtyń saıasatqa belsene ara­lasýy damyǵan memleketterde aıqyn kórinbeıdi. Turaqty damý jolyna túsken memleketterde onymen tek qana saıası elıta aınalysyp, eldiń damý jolyndaǵy saıasatyn belgileıdi. Al bizdegi jaǵdaı erekshe, táýelsizdik alǵan tusymyzdaǵy ekonomıkalyq qıyn­shylyqtar halyqty únsiz otyr­ǵyzbaı, keı jaǵdaıda bul salanyń oń men solyn boljaı almasa da belsendi jurttyń bári saıasatker bolyp shyǵa keldi... Qazir kóbimiz sol kezderdegi qıynshylyq­tardy umytyp ta kettik. Tipti olar bolmaǵan da sııaqty. Shyndyǵynda, Qazaqstandaǵy ekonomıkalyq, saıası reformalar kópjyldyq totalıtarlyq júıeden keıin polıetnostyq memlekette júrgizildi. Olardy júrgizýde aza­mattyq qoǵam ınstıtýttarynyń róli artty, ıaǵnı memleket pen áleýmettik qatynasta aza­mattyq qoǵam, ásirese, saıası reformalardyń eń mańyzdy sýbektisine aınaldy. Atyn atamaı-aq qoıaıyq, biraq táýelsiz eliniń alys bolashaǵyn oılamaı, baryn bazarlap, tynysh qana ómir súre bergisi kelgen keıbir memleket basshylary artynan naryqtyń bul­qynǵan ózgeristeriniń qalypqa syımaı, bu­zyp-jaryp, elin tynyshtyqtan aıyrǵan jaǵ­­daılaryna tap boldy. Al Nursultan Ábishuly ózine tynysh ómirdi emes, elge qajetti ty­nyshtyqty, alys kókjıektegi jarqyn bola­shaqty oılady, sol úshin de uly táýekelge bar­dy. О́te kúrdeli kezeńde astanany Almatydan Aq­molaǵa kóshirý týraly batyl sheshim qabyldady. Halqymyzda «Táýekel túbi jelqaıyq – minesiń de ótesiń, Ýaıym túbi tuńǵıyq – bata­syń da ketesiń» degen támsil bar ǵoı. Pre­zıdenttiń táýekeli de halyqty ekonomıkalyq tyǵyryqtan alyp shyqty. Árıne, Prezıdent N.Nazarbaevtyń táýekeli kózsiz táýekel boldy deýge bolmaıdy, onyń qadamdary aldyn ala zerttelgen, keıbiri saraptan ótken sheshimder bolatyn, biraq sony is júzine asyrý úshin uly qaıratkerlerge ǵana tán qarym-qabilet kerek bolǵany anyq. Qazaq halqynyń, barsha qazaq­stan­dyqtardyń baqytyna oraı sondaı qasıet­ter Nursultan Ábishulynyń boıynan tabyldy. – Prezıdentimizdiń saıası qadamdaryn­daǵy jetistikterinen neni aıryqsha atar edińiz? – Qazirgi zamanda saıasattyń mańyzy óte zor ekeni bárimizge belgili. Búginde árbir adam­nyń taǵdyry saıasatkerlerdiń qabyldaǵan sheshimine tikeleı baılanysty, ıaǵnı qoǵam saıası elıtanyń sheshimi men is-áreketine táýeldi. Olaı bolsa, táýelsizdik alǵannan keıingi Qazaq eliniń bolashaq taǵdyry Tuńǵysh Prezıdentimiz Nursultan Nazarbaevtyń tańdaǵan saıasa­tyna tikeleı baılanysty boldy. Nazarbaev saıasatynyń óte durys, sarabdaldyǵyn qazirgi ýa­qyttaǵy elimizdiń turaqty damýy tolyq dáleldep otyr. Osy arada, Elbasynyń eldegi ultaralyq tynyshtyqty saqtaýdaǵy batyl da sheber sheshimderin aıryqsha atar edim. Ultaralyq máse­le barynsha názik, shetin dúnıe ǵoı. Onyń qaıshylyq qolamtasy kúni búginge deıin kóptegen elderde óziniń oty sónbegenin bildirip qoıady. Al bizdiń Elbasymyz sony sheshý­diń aıryqsha jolyn tapty. Ol Qazaqstan hal­qy Assambleıasy dep atalǵan álemde bala­masy joq erekshe ınstıtýt qurdy. Sol ınstıtýt arqyly ulttardyń máseleleri aıtylyp jáne sheshilip otyr. Solar arqyly Qazaq­stannyń ulttar arasyndaǵy tatýlyqqa baǵyt­talǵan saıasaty barlyq ulttar ókilderine jetkizilip, olardyń rızashylyǵyna bólenýdemiz. – Al endi Prezıdentimizdiń ókilettigin 2020 jylǵa deıin uzartýdyń qanshalyqty qajettiligi bar dep oılaısyz? Kezekti saılaý bolyp, 2012 jyly soǵan tússe de N.Na­zarbaevtyń jeńiske jeteri belgili emes pe? – Búgingi kúni Elbasymyzdyń basshylyǵy­men eldegi údemeli ınnovasııalyq-ındýstrııa­lyq damý baǵdarlamasy iske asyrylýda. О́tken jyldyń jetistigi retinde osy baǵdarlamanyń birinshi jylynyń tabysty aıaqtalýyn aıtýǵa bolady. Jeltoqsan aıynda elge tikeleı efır arqyly habarlanǵan 152 ındýstrııalyq joba iske qosylyp, sonyń nátıjesinde 800 mlrd. teńgeniń qarajaty ıgerildi, 24 myńnan astam jańa jumys orny ashyldy. Bul tek qana birinshi jyldyń nátıjesi. Ǵajap emes pe? Eń bastysy, endi osy ekpindi azaıtpaý kerek. Al ol úshin, ıaǵnı aldymyzdaǵy toǵyz jyldaǵy jos­pardy nátıjeli aıaqtaý úshin respýblıka jurt­shylyǵynan úlken jaýapkershilik jáne eńbekpen qatar, eldi jumyldyra alatyn Elba­symyzdyń memleket basynda qala bergeni durys. Konstıtýsııamyzǵa sáıkes prezıdenttik saılaý 2012 jyly ótýi tıis. Qazirgi ýaqyttaǵy Elbasymyzǵa degen eldiń tolyq senimin eskeretin bolsaq, 2012 jylǵy saılaýda Nursultan Nazarbaevtyń asa basymdyqpen jeńiske jeteri eshqandaı kúmán týǵyzbasa kerek. Olaı bolsa, elimiz osyndaı qarqynmen, shapqan attaı zýlaı damyp kele jatqanda taǵy da saılaý naýqanyn júrgizip, eldi de, bılik organdaryn da ábigerge salyp, aıtarlyqtaı qarjy shyǵyndaýdyń qandaı qajettiligi bar jáne onyń eldiń qazirgi damýyna keri áserin tıgizýi de yqtımal ǵoı. Sondyqtan shyǵysqazaqstandyqtardyń Tuń­ǵysh Prezıdentimiz, kóregen saıasatker N.Na­zarbaevtyń ókilettigin 2020 jylǵy 6 jeltoq­sanǵa deıin búkilhalyqtyq referendým arqy­ly uzartý týraly bastamasyn tolyq qoldaı­myn. Sebebi, referendým da demokratııanyń belgisi, ıaǵnı saılaý quqyǵy bar Qazaqstan azamattarynyń óz erki boıynsha saıası pozı­sııasyn bildirýi, el basqarý isine aralasýy. Iаǵnı, biz el damýynyń qyzýyn sýytpaýymyz, shabysymyzdy irikpeýimiz kerek. О́tken jyldyń 24 jeltoqsanynda elimizdiń barlyq aımaqtarynda «Nur Otan» halyqtyq-demokratııalyq partııasynyń keń aýqymdy eseptik-saılaý sharasy bastaldy. Shara birneshe kezeńdi qamtıdy. Eń aldymen, partııamyz­dyń negizgi kúshi – bastaýysh partııa uıymda­rynda uıymdastyrylýda. Olardyń jalpy sany elimiz boıynsha 6 myńnan assa, Astana qalasynda olardyń sany 267, osylar tikeleı halyqpen jumys jasaıtyndyqtan, «Nur Otan» partııasy bastaýysh uıymǵa basa nazar aýdaryp otyr. Eseptik-saılaý jıyndary barlyq bastaýysh partııa uıymdarynda ótýde. Atap aıtarym, kún tártibindegi máse­le­ler­men qatar, elordalyq nurotandyqtar shyǵys­qazaqstandyqtardyń elimizdiń Tuńǵysh Prezıdenti ókilettigin 2020 jylǵa deıin uzartý jó­ninde referendým ótkizý týraly bastamasyn da nazardan tys qaldyrǵan joq. Partııa mú­sheleri referendým ótkizý máselesin biraýyz­dan tolyq qoldaıtyndyqtaryn bildirýde. Dál osyndaı qoldaý «Nur Otannyń» Astana qalasyndaǵy barlyq bastaýysh partııa uıymdarynda aıtylatynyna senimim mol. – Áńgimeńizge rahmet. Áńgimelesken Jaqsybaı SAMRAT. Elge tireý bolǵan erge súıeý bolýǵa daıynbyz «Aq orda» respýblıkalyq qozǵalysy men «Nur Otan» HDP Almaty qalasy Medeý aýdandyq fılıalynyń uıymdastyrýymen jıyn ótip, elimizdiń birqatar zııaly azamattary, qoǵamdyq uıymdar, bıznes ókilderi Memleket basshysynan Parlament palatalarynyń sheshimine kelisim berip, Tuńǵysh Prezıdent ókilettigin aldaǵy on jylǵa uzartý týraly referendýmǵa qoldaý kórsetýdi suraǵan úndeý qabyldady. Alǵashqy sózdi alǵan belgili zań­ger, memleket, qoǵam qaırat­keri Sultan Sartaev áńgimeni áriden bastap, elimizde táýelsiz­diktiń saltanat qurýyndaǵy El­ba­synyń sińir­gen eńbegine, taǵ­dyr­ly she­shim­­der men tarıhı ke­zeńderge toq­tala kele: «Elimizde jasalyp jat­qan jaqsylyq ister­diń bári Nure­keńniń is-áreketiniń, eren eńbeginiń qorytyndysy, jemisi. Endeshe, biz Nurekeń qansha ýaqyt jumys isteı alsa, sonsha­lyqty merzim, múmkin­dik berýimiz kerek» dedi. Odan keıin óz tilegin bildirgen dańqty qolbasshynyń uly, jazýshy Ba­qyt­jan Baýyr­jan­uly óz otbasy­nyń Elbasy­nyń talaı jylyly­ǵyn sezip kele jatqanyn, ásirese, ákesine Kreml­diń qamalynda jar­ty ǵasyrdaı jatqan juldyzyn alyp berýin zor maqtanyshpen eske aldy. «Bul ataq ákemiz úshin de, biz úshin de emes, halyq úshin kerek edi. Sondaǵy maǵan jibergen qut­tyqtaý jedelhatynda «Baýkeń jul­­dyzdy bolǵan kún, halyqtyń juldyzy janǵan kún» degen sózi búginde qanatty sóz aınaldy. Nure­keńniń jaqsylyǵyn umyt­saq kim bolǵanymyz?» dese, QR ha­lyq ártisi Eskendir Hasanǵa­lıev «Nurekeń óziniń alǵa qoıǵan mindetterin aıaǵyna deıin jetkizýi tıis, ol úshin áli qanshama jumystar bar, sonyń bári bir qoldan shyqsa deımiz» degen oıyn bildirdi. Basqosýda, ásirese, «Voshod» JShS bas dırektory Valıko Mat­kavanyń sózi áserli shyqty. Ol óziniń Abhazııada týǵanmen, Al­matyda áskerı boryshyn óte­gen soń, osynda qalyp, úılenip, urpaq súıgenin, biraq týǵan elinde qalǵan ata-anasynyń ómirine alańdaıty­nyn, onda azamat soǵy­sy júrip, so­nyń kesirinen búgin­de birge tý­ǵan­dar bir-birine jaý bolyp, qaýipti ómir keship jatqa­nyn sóz etti. «Dúnıede erkindik pen beıbitshilikke esh nárse teń kelmeıdi. Sondyqtan Nurekeńniń ókiletti­gin uzartý jaıynda, tipti, oılaný­dyń qajeti joq der edim. Ol te­k óz elinde emes, búkil Ortalyq Azııada beıbitshilik ornatyp otyr», – dedi. Til janashyry Asyly Osmanova da Elbasynyń jaratylysy bó­lektigin, barshanyń balasyn baýy­ry­na basyp, adamzatty jat­syn­baı­tyn, arazdy tatýlas­tyra­tyn, alys­ty jaqyndas­tyratyn kisilik, adam­gershiliktiń negizi qalan­ǵan, álem moıyndaǵan Nazarbaev ekenin erekshe sezimmen jetkize kele: «Nure­keńe qansha ómir berse, sonsha Qazaqstannyń Kóshbasshy­sy bol­syn» degen óz yqylasyn bildirdi. Sondaı-aq, dóńgelek ústelde Qo­naev atyndaǵy halyqaralyq qor­dyń tóraıymy Janna As­qa­rova, belgili qalamger Sultan Qa­lıev, Almaty qa­lasynyń bas ıma­my Q.Mahanbet, Elbasynyń sy­nyp­tastary R.Sera­zıt­dınova, R.Tilemisova, ardaqty ana­lar, ustazdar atynan aq tilegin bil­dirgen Batyr ana Márzııa Tur­ly­ha­nova jáne basqalar Elbasynyń óki­lettigin uzartý jóninen referendým ót­ki­zýdi qoldaıtyn­daryn bildirdi. Gúlzeınep SÁDIRQYZY. El birligin saqtaǵan Iá, adam qartaıǵan saıyn ár nárse oıyńa kele me deımin. Ba­la­lyq dáýir qıyndyqpen ótkeni ózime aıan. Arystaǵy aýylda joq-juqa ómir súrdik. Qazir bári ertegi sııaqty. Aýyldan Qajyqtan qala­ǵa qonys aýdardyq. Qala or­ta­syn­daǵy Astana atty dańǵyl­men jal­ǵasqan «Sáýlet» shaǵyn aýdanynda qoldan salǵan bes bólmeli úıde jeti janbyz. Taıaýda páterimizge gaz keldi. Úı gazben jylytylatyn halge jettik. Zeı­netaqymyz ýaqy­tyly. Nemereler ósýde. Biriniń aty – Nursulý, ekinshisi – Nur­dáýren! Alla Elbasymyz bastaǵan Nurdáýren odan ári jalǵasqaı dep tileımin. Bastaǵy baqty baǵa­laıyq, baýyr­lar! Senator, bir kezde rektor, odan soń qala ákimi bolǵan Baqbergen Dosmanbetovtiń: «Bul – saıasattyń jalaýy emes, júrekterdiń qa­laýy» dep bir kezdesýde tógilte sóı­legeni este qalarlyqtaı bol­dy. Aqjúrek qalaýy ádette bir qudiretten de bıik bolmaq! – dep oı túıdi senator. – Qazaqstan halqy aldaǵy on jylǵa da týyndy tulǵamen birge barýdy qoldaýy bıik parasattyq, – desti jurtshylyq. Áste, aqyndar sózi ádette asyl marjanǵa uqsas qoı. Aqyn Mahmutbaı Ámireuly: Buljymaıdy múddemiz, Buzylmaıdy irgemiz. El birligin saqtaǵan, Elbasymen birgemiz! Mine, sóz! Osy óleń jer-jerde uranǵa aınaldy. Muny referendým saltanatynyń áseri deý­ge bolady. Qazaq halqynyń baǵy men berekesi bizdiń Elbasymyz. Qazaq­stan­da ulttyq jáne rýhanı lıder bar, ol – Nursultan Ábishuly! Bir suhbatynda Shyńǵys Aıtmatov: Nazarbaev – óte daryndy tulǵa. Qazaqstan halqy tipti arman­maǵan, qııaldamaǵan myqty ju­mys­tar atqardy. Úlken táýekelge baryp, Astana syndy dúnıeni tańyrqatqan qala saldy dep tebirengeni bar. О́rkendeýdiń naǵyz asýy alda tur. Osy kezeńde el basqarýdyń qabilet darynyn ómirlik tájirı­besi mol Elbasyna senip tapsyrý, referendým ótkizý, Elbasynyń ókilettigin 2020 jylǵa uzartý halyq oıynyń naǵyz kemel­denýiniń kórinisi. О́sken eldiń, órkendegen eldiń qan soǵysy bul! Qaıyrbek MYRZAHMETULY, zeınetker, eńbek ardageri. Qyzylorda. Temirjolshylar  koalısııany  jaqtaıdy Táýelsiz elimizdiń Tuńǵysh Prezıdenti Nursultan Nazarbaevtyń ókilettigin 2020 jyldyń sońyna deıin uzartý jónindegi búkilhalyqtyq bastamany Aqmola temir­jol­shylarynyń ujymy qyzý qoldaýda. Bólimsheniń barlyq eńbek býyndarynda jumysshylar jıyny ótkizilip, qol jınaý rásimi belsendilikpen aıaqtaldy. Býrabaı-Kýrorty stansasy lokomotıvterdi paıdalaný deposynda temir jol tora­bynyń ókilderi óskemendikter basta­ma­synyń ýaqyt talabyndaǵy mańyzyn ashyp kórsetti. Temir jol torabynyń bastyǵy Bó­kenbaı Jadyrasynov, depo dırektory Qýa­nysh Nurjanov, ınjener Amanjol Baı­januly táýelsizdigimizdiń qadirin biletin otandastarymyz osynaý uly ózgerister kóshin tańqalarlyq jeńisterge bastaǵan Elbasymyzdyń eren eńbegimen, ólsheýsiz qa­jyr-qaıratymen baılanystyratynyn kún­delikti jarqyn mysaldarmen aıshyqtady. – Biz elimizdiń 90-shy jyldardaǵy jappaı daǵdarys kezeńindegi jaǵdaıdy óz basy­myzdan ótkerdik, – dedi sıgnalızasııa jáne baılanys dıstansııasynyń dırekto­ry Nıkolaı Bondarenko. – Halyq óz bolasha­ǵyn ózi saılaǵan Prezıdentke senip tap­syr­dy jáne dana basshynyń jaqsylyq pen molshylyq aıdynyna alyp shyǵatynyn bildi. El onyń tereń oılastyrylǵan baǵ­dar­lamalaryn ju­my­la júzege asyrýǵa kiristi. Senim serpiliske bastap, qazir álem­niń aıtýly memleketterimen qatarlas kún keshýdemiz. Bizdiń barsha­myz da Elbasynyń uzaq merzimdi strategııa­lyq baǵdarlamasy­nan, jyl saıynǵy joldaý­larynan jaqsy­lyq kútip daǵdylandyq. Sol jaqsylyq­tardy Tuńǵysh Prezıdentimizben birge jasap, ıgilikke bólenýimiz kerek. Odan keıin Kókshetaýdaǵy temirjolshy­lardyń mádenıet saraıynda Aqmola jurt­shylyǵynyń keńeıtilgen jınalysy bolyp, «Nur Otan» HDP-nyń «Qazaqstan-2020» jalpyhalyqtyq demokratııalyq kúshter koalısııasyn qurý jónindegi bastamasy biraýyzdan qoldaý tapty. Forým jumysy­na saıası partııalar men ulttyq birles­tikterdiń, úkimettik emes uıymdardyń, kásipodaq jáne jastar birlestikteriniń, ardagerler uıymynyń belsendileri qatysty. Osynyń ózi jergilikti temirjolshylardyń qalyń qaýymdy erteńgi bolashaqty Elba­sy, Ult Kóshbasshysy Nursultan Nazarbaevpen birge kórkeıtip damytýǵa bastaǵan toqtaýsyz lokomotıvke aınalǵa­nyn aıǵaq­tap turǵandaı áserge bóledi. Aqmola temir jol bólimshesi dırek­to­ry­nyń orynbasary, oblystyq más­lıhat­tyń depýtaty Baqyt Shamıǵanov, oblystyq kásipodaq federasııasynyń tóra­ǵasy Keńes Bekishev, Kókshetaý stansasy­nyń jyldam­dyq­ty retteýshisi Danııar Toǵaev, oblystyq kommýnıstik halyqtyq partııa uıymynyń hatshysy Naılıa Samıgýllına, baılanys elek­trmehanıgi Gúlme­reke Baıtýbekova, «Rý­hanııat» partııasy oblystyq fılıalynyń tóraǵasy Valerıı Tarasov, «Bolashaq – bizdiń qolymyzda» korporatıvtik qorynyń atqarý­shy dırek­tory Janat Jaqypov «Nur Otan» partııa­synyń referendým ótkizýde jalpyha­lyqtyq kúsh biriktirýge shaqyrǵan bastama­synyń mańyzdylyǵyn atap kórsetip, ony jurtshylyqtyń jappaı qoldaıtynyna senim bildirdi. Oblys jurtshylyǵyna úndeý qabyl­dandy. Baqbergen  AMALBEK, Aqmola oblysy.