«Joldaýdan jaqsy jaýap aldyq» – deıdi ýnıversıtet ustazdary men jastary

Keshe Shákárim atyndaǵy Semeı memlekettik ýnıversıtetiniń konferens-zaly El­ba­symyzdyń qazaqstandyqtarǵa arna­ǵan bı­ylǵy kezekti Joldaýyn tyń­daý maq­sa­ty­men jınalǵandarǵa lyq to­ly boldy. Sonyń basym bóligi stýdent jastar edi. О́ıtkeni, sonyń aldynda ǵana mun­da «Nur Otan» ha­lyqtyq-demo­kra­tııalyq partııasynyń jastar qana­ty­nyń sapyndaǵy stýdentter referendým ót­kizý jónindegi bastamashy top­tyń jetekshisi, oqý ornynyń rektory Erlan Sy­dyqovpen kezdesip, sol refe­ren­dýmǵa oraı qol jınaý qorytyndysy týraly áńgimege molynan qanyǵyp qana qoımaı, óz oı-pikirlerin de ortaǵa sal­ǵan-dy. 90-jyldar­dyń orta­synda ýnı­versıtettiń quramyna osyndaǵy tórt birdeı ınstıtýt – tehnolo­gııa­lyq, zooteh­nıkalyq-maldárigerlik, pe­da­gogı­kalyq jáne qarjy ınstıtýttary engen bo­latyn. Solaısha elimizdiń shyǵysynda irgeli oqý orny paıda bolǵan-dy. Sol úlken ýnıversıtettiń stýdent jas­tary men ustazdar qaýymy Elba­sy­myz­dyń otandastarymyzǵa arnaǵan kezekti Jol­daýyn erteńge degen kepildik retinde zor senimmen zeıin qoıa tyńdady. Jáne bıylǵy Joldaýdan da ózderiniń kóńil­derindegi saýal­darǵa naqty jaýap taba bilgendikteri kórinip turdy. Sonyń biri – gýmanıtarlyq fakýltettiń deka­ny, professor Arap Espenbetov Prezıdent Nur­sultan Nazarbaev­tyń bıylǵy Jol­daý­yn­da ǵylym men bilim máselesi tııanaqty qozǵalǵanyna óz rıza­shylyǵyn bildirip jatty. Al zooteh­nı­kalyq-maldárigerlik fakýltetiniń deka­ny, professor Zeınolla Toqaev bolsa álemde beıbitshilikti ny­ǵaıtyp, qaýip­sizdik máse­lesin nasıhattaý bizdiń elimiz úshin basty másele bolyp qala beretindigine ún qosty. Bul – El­basy Jarlyǵymen Semeı atom polı­go­nynyń bıylǵy jıyrma jyldyǵy álem­dik deńgeıde atalyp ótiledi degen sóz, dedi ol. Al Elbasynyń referendým ótkizý jónindegi bastamashy bolǵan azamat­tarǵa, búkil qazaqstan­dyqtarǵa bildirgen rıza­shylyǵyna oraı tórtinshi kýrs stýdenti, ýnıversıtettegi «Jas Otan» jastar qanatynyń atqarýshy hatshysy Saltanat Myr­zas­paeva óz qýanyshyn jetkizgenshe asyqty. Osyndaı tamasha bastama ordasy bo­lyp tabylatyn ýnıversıtette ońdy ja­ńa­lyqtar az emes. Ýnıversıtet ǵalym­da­ry óz jańa­lyqtarymen elimizdiń azyq-túlik qaýip­sizdigin nyǵaıtýǵa, alashtaný, shákárimtaný máselelerin zerttep, jerine jet­kizýge úles qo­sýmen birge, el táýel­siz­di­gine arnaǵan syı-taral­ǵydan da kende emes. Sonyń aıǵa­ǵyndaı, qazirde munda Semeı qalasy men oblys ensıklo­pedııa­sy daıyndalý ústinde. Al el táýelsizdigin nasıhattaý da Elbasy Joldaýynda keńi­nen qamtylǵany belgili. Endi biz Elbasy Joldaýyn keńinen tal­qylaýǵa birden kirisip ketpekpiz, deıdi ýnıversıtet rektory, professor Erlan Sydyqov. Dáýlet SEISENULY, Semeı. Sýrette: konferens-zaldan kóri­nis­.