ASTANA. 23 mamyr. Keshe, ıaǵnı jeksenbiden dúısenbige aýysqan túnde Reseıde ótken hokkeıden álem chempıonaty aıaqtaldy. Fınaldyq synda Fınlıandııadan 2:0 esebimen basym túsken Kanada quramasy álem chempıony atandy. Bul týraly egemen.kz tilshisi habarlady.
Sheshýshi kezdesý tolyǵymen Kanadanyń basymdyǵymen ótti. Oıynnyń 12-mınýtynda Soltústik Amerıka qurlyǵynyń ókilderi esep ashyp, alǵa shyqty. Mergendigimen kózge túsken Konnor Makdevıd bolatyn. Qalǵan ýaqytta fın hokkeıshileri saýatty qorǵanyp, kanadalyqtardyń shabýylyna laıyqty toıtarys berip otyrdy. Tipti, sońǵy mınýtqa deıin esep ózgerissiz qaldy. Tek 60-mınýtta ǵana Kanada hokkeıshileri esepti eseleýdiń amalyn tapty. Alaıda, bul joly shaıba bos qaqpaǵa soǵylǵanyn atap ótken jón. Sheshýshi soqqynyń avtory – Mett Dıýsheın.
О́tken jyly da úıeńki japyraqty eldiń hokkeıshileri álemdik dodada top jarǵan bolatyn. Demek, bul joly olar chempıondyq ataqtaryn laıyqty qorǵaı bildi. Osylaısha, Kanada tarıhynda 26-ret álem chempıony atandy.
Reseı quramasy chempıonattyń qola júldegeri atanǵanyn aıta keteıik. Soltústiktegi kórshimiz úshinshi oryn úshin bolǵan oıynda AQSh-ty 7:2 esebimen jeńdi. Al óz tobynda sońǵy oryn alǵan Qazaqstan elıtalyq dıvızıonmen qosh aıtysty.
Elaman Qońyr.
Derek: egemen.kz.
Foto: championat.com.