ASTANA. 23 mamyr. Áıgili saıahatshy Hrıstofor Kolýmbtyń urlanǵan haty Italııaǵa qaıtaryldy. Bul týraly inform.kz-ke silteme jasaǵan egemen.kz tilshisi habarlady.
Bul hatta onyń Soltústik jáne Ońtústik Amerıkada ashqan jańalyqtary jazylǵan. The Telegraph basylymynyń málimetteri boıynsha, tarıhı hat ótken ǵasyrdyń ortasynda Florensııa kitaphanasynan urlanǵan.
Amerıkaǵa ekinshi saıahatynda, ıaǵnı 1493 jyly Hrıstofer Kolýmb ekspedısııany qarjylandyrǵan Ispanııa koroli men hanshaıymyna hat jazdy. Ol Espanola men Kýba túbekterindegi janýarlar álemi, ósimdikter álemi, sol jerdiń halqynan alǵan áseri jaıly jazǵan. Qazirgi tańda hattyń 30-ǵa jýyq kóshirmesi saqtalǵan.
Italııaǵa qaıtarylǵan hat Florensııadaǵy Rıkardıan kitaphanasynda saqtalyp kelgen. Kitaphana dırektory 1950-51 jyldary jasalǵan hatty bireýler urlap, onyń ornyna jasandy kóshirmeni almastyryp ketkenin málimdedi.
Shveısarııadaǵy sırek kitaptardy jınaýshy 1990 jyly urlanǵan hatty satyp alǵan, al 1992 jyly qujat aýksıonda satylyp, 2004 jyly ıesi ony Vashıngtondaǵy Kongress kitaphanasyna syılaǵan.
AQSh-tyń ádilet departamentine 2012 jyly Kolýmb hatynyń urlanǵany týraly qupııa málimet kelip tústi. Sarapshylar hattaǵy Rıkardıan kitaphanasynyń mórin joıý úshin ury hımııalyq reagentti paıdalanǵanyn anyqtady. Hatty AQSh-qa kimniń ákelgeni belgisiz. Qazir osy oqıǵa boıynsha tergeý júrgizilip jatyr.
Aıan Ábdýálı.
Derek, foto: inform.kz.