ShYMKENT. 23 mamyr. Keshe keshki saǵat 21:00 shamasynda iz-túzsiz joǵalyp ketken 12 jasar Balnur Nasyr tabylyp, ata-anasyna habary jetkizildi. Bul týraly qalalyq ishki ister basqarmasy baspasóz qyzmetiniń deregine súıengen egemen.kz tilshisi habarlady.
Búgin, 23 mamyr kúni saǵat 15:30 shamasynda balalar keshe joǵalyp ketken Balnur Nasyrdy taratylǵan baǵyttama boıynsha «Nursat» shaǵyn aýdanyndaǵy kóp qabatty úılerdiń biriniń janynan kórip, tanyp qalǵan. Sosyn oqýshylar ózderiniń muǵalimderine qońyraý shalǵan. Osydan keıin oqytýshylar qyzdy ózi oqıtyn mektepke ertip ákelip, polısııaǵa bolǵan jaı týraly habar bergen.
Eske sala keteıik, 2016 jylǵy 22 mamyr kúni túnde Shymkent qalalyq ishki ister basqarmasyna qarasty Qarataý polısııa bólimshesine «Nursat» shaǵyn aýdanynda turatyn 34 jastaǵy áıel óziniń 2004 jyly týǵan, №80 orta mekteptiń 5-synybynda oqıtyn Nasyr Balnur Baqytjanqyzy esimdi jasy kámeletke jetpegen qyzynyń iz-túzsiz joǵalyp ketkenin aıtyp, shaǵymdanyp kelgen. Ol úıden 22 mamyr kúni saǵat 21:00 shamasynda shyǵyp ketip, sodan qaıtyp oralmaǵan. Polıseıler atalmysh faktini tirkeýge alyp, kámeletke tolmaǵan Balnur Nasyrdyń júrgen jerin anyqtaý úshin oblystaǵy barlyq ishki ister bólimderine baǵyttamalar jibergen. Polıseıler tańerteńnen bastap joǵalǵan qyz týraly baǵyttamany kópshilik júretin jerlerge japsyryp shyqqan.
Qazir 12 jasar qyzben psıholog mamandar jumys jasap jatyr. Barlyq tekserý prosedýrasynan ótkennen keıin Balnur ata-anasyna tabys etiledi.
Baqtııar Taıjan.
Derek, foto: Shymkent qalalyq ishki ister basqarmasynyń baspasóz qyzmeti.