ATYRAÝ. 23 mamyr. Búgin Atyraý oblysynyń Mahambet aýdanyna jańa ákim taǵaıyndaldy. Bul týraly egemen.kz tilshisi habarlady.
Atyraý oblysynyń ákimi Nurlan Noǵaevtyń ókimimen Mahambet aýdanynyń ákimi laýazymyna Álımuhammed Quttymuratuly taǵaıyndaldy. Ol buǵan deıin Atyraý oblystyq tabıǵı resýrstar jáne tabıǵat paıdalanýdy retteý basqarmasynyń basshysy qyzmetin atqardy.
Ol 1983 jyly týǵan. Bilimi joǵary: 2007 jyly K.Jubanov atyndaǵy memlekettik ýnıversıtetin, 2012 jyly Qazaqstan-Reseı Halyqaralyq ýnıversıtetin bitirgen. Ekonomıst, ıýrısprýdensııa bakalavry mamandyqtaryn meńgergen.
Eńbek jolyn 2004 jyly «Ara-A» seriktestiginde bastaǵan. 2008-2010 jyldary – Batys Qazaqstan oblysy ekonomıka jáne bıýdjetti josparlaý basqarmasynyń bas mamany, ákim apparatynyń ekonomıka jáne bıýdjetti josparlaý máseleleri boıynsha bas mamany bolyp istegen. Budan keıingi 2010-2012 jyldary Batys Qazaqstan oblysy ákimi apparatynyń jalpy bólim meńgerýshisi, 2012 jyldyń qańtarynan tamyz aıyna deıin – Oral qalasy ákiminiń orynbasary laýazymyn atqarǵan.
Al 2012-2013 jyldary – Atyraý oblysy ákimi apparatynyń jetekshisi, 2013 jyldan osy kezge deıin Atyraý oblysy tabıǵı resýrstar jáne tabıǵat paıdalanýdy retteý basqarmasynyń basshysy boldy.
«Qazaqstan Konstıtýsııasyna 20 jyl» mereıtoılyq medalimen marapattalǵan.
Joldasbek Shópeǵul.
Derek: egemen.kz.