TALDYQORǴAN. 23 mamyr. Almaty oblysy, Saryózek kentindegi áskerı bóliminde ǵımartta bólshekteý jumystary júrgizilip jatqan kezde bir qatardaǵy jaýynger qaza tapty. Bul týraly Qorǵanys mınıstrligi baspasóz qyzmetiniń deregine súıengen egemen.kz tilshisi habarlady.
Baspasóz qyzmetiniń habarlaýynsha, 21 mamyr kúni ǵımaratta bólshekteý jumystaryn júrgizip jatqan kezde qurylystyń bir bóligi qırap túsip, onyń bólshekteriniń biri 12740 áskerı bólimniń sarbazy E. Jaqashevtiń ústine qulaıdy. Osynyń saldarynan aýyr dene jaraqatyn alǵan soldat Saryózek áskerı lazeretinde qaıtys boldy.
Atalmysh áskerı bólimniń jedel qyzmet áskerı qyzmetshisi Eskendir Jaqashev1997 jyly týǵan. Ásker qataryna 2015 jyly Jambyl oblysynyń Qordaı aýdanynan shaqyrylǵan. Bólimde atqysh-zenıtshi qyzmetin atqarǵan.
«Tótenshe oqıǵanyń basty sebebi jumys júrgizý kezinde qaýipsizdik erejeleriniń saqtalmaýy. Qazirgi ýaqytta qaza tapqan áskerı qyzmetshiniń otbasyna barlyq materıaldyq tólemder júzege asyryldy», - delingen habarlamada.
Qarýly kúshterdiń Tártip jarǵysyna sáıkes materıaldar is júrgizý úshin áskerı quqyq qorǵaý organdaryna jiberildi.
Nurbol Áldibaı.
Derek: Qorǵanys mınıstrliginiń baspasóz qyzmeti.