ASTANA. 23 mamyr. Ulybrıtanııanyń Nottıngem graftyǵynda ornalasqan Imperial Tobacco kompanııasyna qarasty temeki fabrıkasy jumysyn toqtatty. Bul týraly VVS (Bı-bı-sı) aqparyna súıengen egemen.kz tilshisi habarlady.
Osymen Albıon jerindegi shylym shyǵaratyn eń sońǵy óndiris orny óz jumysyn toqtatty. Endi Imperial Tobacco óziniń zaýyttaryn jumys kúshteri meılinshe arzan elderdiń terrıtorııalaryna qaraı birtindep kóshire bastaıdy. Kompanııa ókiliniń aıtýynsha, óndiristi Germanııa men Polsha jerine kóshirý kompanııanyń túsimin £320 mln. ($464,2 mln.) aqshaǵa arttyrady.
Nottıngemdegi fabrıka 1972 jyly salynǵan. Kompanııa onyń satylǵanyn budan birneshe aı buryn jarııa etti. О́ndiris óziniń jumysy shyńyna shyǵyp turǵan kezde jylyna 52 mlrd. sıgaret shyǵaryp turdy. Kásipshilder odaǵynyń ókili Krıs Nıdhemniń aıtýyna qaraǵanda, keıingi jyldary Brıtanııada temekige degen suranys qatty túsip ketken. «Másele óndiristiń quldyraýynda ǵana emes, mundaǵy negizgi faktor qoǵamnyń temekige degen kózqarasynyń nasharlap ketýinde bolyp otyr», - dedi ol.
«Qazir olar temekige degen áleýmettik jekkórýshilik sezimi áli kúshti emes Azııa elderine qaraı bet burǵaly tur. Men Imperial Tobacco kompanııasynyń Irak, Sırııa, Reseı, Qytaı elderiniń naryǵyna úmit artyp otyrǵanyna senimdimin», - dep túıindedi kásipodaq ókili.
Talǵat Raıymbek.
Derek, foto: VVS.