ASTANA. 23 mamyr. Túrkııanyń jańa premer-mınıstri bolyp, Bınalı Iyldyrym taǵaıyndaldy. Bul týraly lenta.ru-ǵa silteme jasaǵan egemen.kz tilshisi habarlady.
Keshe, ıaǵnı 22 mamyr kúni bılik basyndaǵy «Ádildik pen damý» partııasynyń jıyny ótip, partııa tóraǵasy saılandy. Bınalı Iyldyrym bul orynǵa jalǵyz úmitker bolatyn. Reuters agenttiginiń málimeti boıynsha, onyń kandıdatýrasyn sezge kelgen 1470 delegattyń 1405-i qoldaǵan. Osydan keıin Túrkııa prezıdenti Rejep Erdoǵan premer-mınıstr bolyp kelgen Ahmet Davýtoglýdyń otstavkasyn qabyldady.
Túrkııada atalǵan partııanyń tóraǵasy úkimet basshysy qyzmetin atqarady. Bınalı Iyldyrym osyǵan deıin eldiń transport, teńiz kóligi jáne baılanys mınıstri bolyp kelgen.
Aıta keteıik, Ahmet Davýtoglý 2014 jyly eldiń premer-mınıstri bolyp taǵaıyndalǵan.
Aıan Ábdýálı.
Derek, foto: lenta.ru.