О́SKEMEN. 23 mamyr. Shyǵys óńirinde HH halyqtyq sport oıyndary ótýde. El Táýelsizdiginiń 25 jyldyǵyna arnalǵan oıyndarda oblystyń aýdandary men qalalarynan kelgen 19 komanda 16 sport túri boıynsha baq synaıdy. Bul týraly Shyǵys Qazaqstan oblysy aqparttyq ortalyǵyna silteme jasaǵan egemen.kz tilshisi habarlady.
Bıylǵy halyqtyq sport oıyndarynyń baǵdarlamasy túrli etnostardyń 15 oıynynyń qosylýymen erekshelenip otyr. Bul oıyndardaǵy upaılar kıiz úıler baıqaýynyń upaıyna qosylmaq. Sonymen qatar, qalalyq ıppodrom aýmaǵynda ornalasqan etnoaýylda balalardyń sporttyq oıyndaryna arnalǵan alańdar ornatylǵan.
«Vostok» stadıonynda kórermenderdi HH halyqtyq sport oıyndardyń ashylýymen oblys ákimi Danıal Ahmetov quttyqtady.
«Dástúrli halyqtyq sport oıyndary – búkil aımaq jurtshylyǵy asyǵa kútetin sport merekesi. Deni saý ult – memleket tiregi. Elbasy Nursultan Nazarbaev júrgizip otyrǵan saıasattyń arqasynda, halqymyzdyń densaýlyǵy myqty, oıy sergek bolýyna, buqaralyq sporttyń damýyna barlyq jaǵdaılar jasaldy. Oblysymyzda turǵyndardy dene shynyqtyrýymen aınalysýǵa shaqyrý boıynsha aýqymdy jumys atqarylyp jatyr. Barlyǵy 3132 sport ǵımarattary men 35 sport mektebi halyqqa qyzmet kórsetedi. Bıyl Semeı qalasynda jekpe-jek ortalyǵy men sportta daryndy balalarǵa arnalǵan ınternat ashylady», – dedi aımaq basshysy.
Oıyn alaýyn voleıboldan ulttyq qurama komandasynyń músheleri, «Altaı» voleıbol klýbynyń oıynshylary Damır Ákimov pen Inna Matveeva jaqty.
Dýman Anash.
Derek, foto: Shyǵys Qazaqstan oblysy aqparttyq ortalyǵy.