ASTANA. 23 mamyr. Sırııanyń Djabla jáne Tartýs qalalarynda jarylystardan qaza tapqandar sany 100 adamǵa jetti. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Djabla qalasynda jergilikti avtovokzal men aýrýhanada tórt jarylys bolǵan. Tartýs aımaǵynda sodyrlar úsh birdeı terakt uıymdastyrǵan. Qaza tapqandardyń kóbisi beıbit turǵyndar.
Qazirgi tańda tergeý amaldary júrip jatyr. Ekstremıstik áreketterden ondaǵan adam túrli deńgeıde jaraqat aldy. Olardyń bári jaqyn mańaıdaǵy aýrýhanalarǵa jetkizildi. Resmı málimetter boıynsha, lańkestik áreketterdi «Ahrar ash-Sham» jáne TGIL uıymdary óz moınyna aldy.
Aıta keteıik, osy jyldyń aqpan aıynyń sońyna taman Sırııanyń prezıdenti Bashar Asad úkimeti men oppozısııalyq kúshterdiń arasynda beıbit kelisim ornaǵan. Alaıda, bul kelisimniń atalǵan lańkestik uıymdarǵa esh qatysy joq. Osyǵan baılanysty úkimet áskeri arnaıy operasııa kezinde júzdegen ekstremıstiń kózin joıǵan.
Aıan Ábdýálı.
Derek, foto: RIA «Novostı».