Prezıdenttiń baspasóz qyzmeti Memleket basshysy Nursultan Nazarbaevtyń qatysýymen ótetin aldaǵy is-sharalar ańdatpasy týraly habarlady
24 mamyrda Qazaqstan Prezıdenti Astana ekonomıkalyq forýmy aıasynda elimizge Halyqaralyq valıýta qorynyń óńirlik konferensııasyna qatysý úshin keletin Halyqaralyq valıýta qorynyń basqarýshy dırektory Krıstın Lagardpen kezdesý ótkizedi.
25 mamyrda Memleket basshysy Qazaqstan ekonomıkasynyń negizgi damý baǵyttaryn, sondaı-aq, Dúnıejúzilik saýda uıymyna músheliktiń basymdyqtaryn paıdalaný jáne elimizdiń halyqaralyq arenadaǵy bastamalaryn ilgeriletý qadamdaryn talqylaý úshin Halyqaralyq konsýltatıvtik keńes múshelerimen kezdesedi.
26 mamyrda Nursultan Nazarbaevtyń IX Astana ekonomıkalyq forýmyna qatysýy jáne «Astana» halyqaralyq qarjy ortalyǵyn basqarý jónindegi keńestiń múshelerimen, sondaı-aq, Nobel syılyǵynyń laýreattarymen, halyqaralyq uıymdardyń basshylarymen kezdesý ótkizýi josparlanǵan.
27 mamyrda Qazaqstan Prezıdenti janyndaǵy Shetel ınvestorlary keńesiniń kezekti otyrysyn ótkizý josparlanǵan. Onyń aıasynda Keńes múshelerimen – transulttyq iri kompanııalardyń basshylarymen jekelegen kezdesýler ótedi.