Qyrdaǵy qaýyrt qımyl

Oblys dıqandary 4,3 mıllıon gektar alqapqa aýylsharýashylyq daqyl­daryn agrotehnıkalyq talap­tarǵa saı ornalastyrýdy belgilep otyr. Teriskeıge kóktem erte kelip, qyrdaǵy eńbek dúbiri jyldaǵydan buryn bastaldy. Qyzyljar aýdanyna qarasty «Peterfeld-Agro» JShS-niń egis tanabynda BAQ ókilderimen ótkizgen brıfıngte oblystyq aýyl sharýashylyǵy basqarmasynyń basshysy Qaırat Omarov 4,3 mıllıon gektar jerge dán sińiriletinin, 3,2 mıllıon jerdi dándi, burshaqty, 469 myń gektardy maıly daqyl­dar quraıtynyn jetkizdi. Onyń aıtýynsha, kóktemgi dala jumys­taryn uıymshyldyqpen ótkerý úshin 1140 joǵary ónimdi tehnıka birligi qatystyrylady. Agroqurylymdar men sharýa qojalyqtary 490 myń tonna birinshi, ekinshi surypty tuqym qorymen, 65 myń tonna dızel otynymen qamtamasyz etilgen. 822 myń gektar alqapqa 50 myń tonna mıneraldy tyńaıtqysh sińirilmek. О́ńir agrarshylary «QazAgro» AQ-tyń enshiles uıymdary arqyly 14 mıllıard teńge jeńildikti nesıe alý múmkindigine qol jetkizgen. Al, ósimdik sharýashylyǵyn sýb­sıdııalaýǵa 8,4 mıllıard teń­ge qarastyrylǵan. Bir sóz­­ben aıtqanda, kóktemgi dala jumys­taryna jan-jaqty ázirlik jasalyp, basty nazar jaýapty naýqandy merziminde aıaqtaýǵa jumyldyrylǵan. Atap aıtqanda, maıly daqyldardy 31 mamyrǵa, bıdaıdy 5 maýsymǵa deıin seýip bitirý mindeti tur. Jerge dán sebý isine qarqyndy kirisken aýdandardyń biri–Mamlıýt. Aýdanda 54 JShS, 183 sharýa qojalyǵy jumys isteıdi. Aýyl sharýashylyǵy bólimi bas­shysy­nyń orynbasary Vasılıı Lısıchkınniń málimdeýinshe, dala jumystaryna 900 traktor, 776 tuqym sepkish, 24 osy zamanǵy egis kesheni qosylǵan. Osyndaǵy iri sharýa­shy­lyqtardyń biri sanalatyn «Mámbetov jáne K» komandıttik seriktestigi astyq óndirisin ártaraptandyrýǵa zor kóńil bólip keledi. 19 myń gektardyń eki myń gektary – maıly daqyldar. Bıdaıdyń «Omskaıa 35», «Omskaıa 36», «Astana» sekildi suryp­taryn aýdandastyryp, mol ónim jınap júrmiz. Arpanyń «Boıarchenko» suryby da óte túsimdi. Naýqanǵa 80 tehnıka, 180 adam tartylǵan. Tuqym, janar-jaǵarmaı jetkilikti, deıdi bas agronom Batyrjan Saýytbaev. «Ishım-Agro-Nord» serik­tes­tigi bıdaımen qosa raps, zyǵyr, kúnbaǵys ósirýge de maman­danǵan. Sharýashylyq dırektory Vladımır Grachev Úkimet tarapynan zor qamqorlyqtar jasalyp jatqanyn, máselen, tyńaıtqyshtardy 50 paıyz jeńil­­dikpen alǵandaryn qýana aıtty. Jumys eki aýysymda uıym­­das­­tyrylyp, tań atqannan qarań­­ǵy­lyq túskenshe en dalada eńbek yrǵaǵy bir tynym tappaıdy. Aıyrtaý aýdanynda kóktemgi egis naýqanyna 1155 traktor, 1153 tuqym sepkish, 114 egý kesheni, 480-ge jýyq júk kóligi atsalysýda. «Dostyq Dán» JShS-niń bazasynda jaýapty naýqandy uıymshyldyqpen atqarý jáne agroónerkásip keshenin damytý jóninde semınar ótkizgen edik. Onda aıtylǵan ǵalymdar men mamandardyń oı-pikirlerin jete eskerýdiń arqasynda agro­tehnıkalyq sharalar qatań saqtalýda. Sharýashylyqtar 44 myń tonna sapaly tuqymmen, 6 myń tonna dızel otynymen tolyq qamtyldy, dedi habar­las­qanymyzda aýdan ákimi Aǵzam Tastemirov. Oblystyq aýyl sharý­ashy­lyǵy basqarmasynyń mamandary bergen málimetter boıynsha, óńirdegi barlyq egistik alqaptyń besten birine dán sińirilip, eńbek qarqyny óristeı túsken. О́mir ESQALI «Egemen Qazaqstan» Soltústik Qazaqstan oblysy