Semeı qalasynda retro avtokólikterdiń sherýi ótti. Shahar turǵyndary men qonaqtary kóshelerge erekshe kórik bergen kóne kólikterdi tamashalaýmen birge, rýlge otyryp ta kórdi. Retro kólikterdiń arasynda «Volgaǵa» nazary aýǵandar kóp. Avtozaýyttan jarty ǵasyr buryn shyqqan GAZ-21 markaly mashına minsiz saqtalǵan eken.
Kóne zattardyń qataryn kóliktermen birge kóne buıymdar jáne retro ánder shyrqalǵan konsert tolyqtyrdy. Semeıdegi F.Dostoevskııdiń ádebı-memorıaldy mýzeıi ǵylymı-ekspozısııalyq bóliminiń meńgerýshisi Irına Solovevanyń aıtýynsha, irgetasy ótken ǵasyrdyń 60-shy jyldary qalanǵan murajaıda sol kezeńde paıdalanylǵan ydys-aıaqtar men kıimder mol.
– Biz jastardyń kóz aldyna ótken ǵasyrdyń turmys-tirshiligin elestetýge tyrystyq. Al sol zamannyń kýágerleri ótken shaqqa saıahat jasap qaıtqandaı áser aldy, – dedi murajaıdyń bólim meńgerýshisi.
Dýman ANASh,
«Egemen Qazaqstan»
SEMEI