QOSTANAI. 24 mamyr. Qostanaıda elimizdiń kóshi-qon týraly zań normalaryn buzǵany úshin Kalıfornııa shtatynan kelgen 25 jastaǵy Gılbert Vaskes degen azamat ákimshilik jaýapkershilikke tartylyp, aıyppul salyndy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
Qostanaıdyń arnaıy mamandandyrylǵan soty Amerıkanyń azamatyn ákimshilik jaýapkershilikke tartty. Oǵan ákimshilik quqyq buzýshylyq týraly kodekti buzǵany úshin 85 myń teńge kóleminde aıyppul salyndy. Sheteldik Qostanaı qalasynda tirkelgen meken jaıynda turmaǵan, basqa páter jaldaǵan. Sonymen qatar, ol bizdiń elge kelý maqsatyn vızada «oqý» dep kórsetkenimen, ruqsatsyz Step kýrsynda aǵylshyn tilinen sabaq bergen.
Oblystyq kóshi-qon polısııasy basqarmasynyń bastyǵy Qaırat Dútpaev: «Eger elimizdiń zańyna sáıkes ruqsat qaǵazy bolsa, amerıkalyq azamattyń til úıretý kýrsynda sabaq berýine, jalpy jumys isteýine eshkim kedergi bolmaıdy. Sonymen qatar, ol qalaǵa kelgende Qazaqstannyń zańdaryn tolyq oryndaýy tıis», – dedi.
Názıra Járimbetova.
Derek: Qostanaı oblystyq sottyń baspasóz qyzmeti.
Foto: vk.com.