Saǵadat Nurmaǵambetov týraly derekti fılm Sevastopolden júldemen oraldy
Keńes Odaǵynyń Batyry, Halyq qaharmany, táýelsiz Qazaqstannyń tuńǵysh Qorǵanys mınıstri týraly túsirilgen derekti fılm taıaýda Sevastopolde ótken HII halyqaralyq derekti fılmder kınofestıvali men «Pobedılı vmeste» telebaǵdarlamasynyń úzdik portrettik teleocherki retinde moıyndaldy.
Sháken Aımanov atyndaǵy «Qazaqfılm» kınostýdııasy» AQ túsirgen «Saǵadat Nurmaǵambetov. Sońǵy suhbat» dep atalatyn kartına rejısseri Satybaldy Tekeev.
Sonymen, 14-19 mamyr aralyǵynda ótken derekti fılmder festıvalinde armııa generaly Saǵadat Nurmaǵambetov jaıly lenta kórermenderine kóp áser syılaı otyryp, kınematograftar tarapynan tamasha baǵaǵa ıe bolǵan.
Asa mártebeli sanalatyn atalmysh kınofestıval 2006 jyldan beri Qyrymda turatyn Keńes Odaǵy Batyrlarynyń bastamasymen úzdiksiz ótkizilip keledi. Maıdandas dostar men ekinshi dúnıejúzilik soǵysty jáne onda qan tókken qatysýshy elderdiń qaharmandaryn umyttyrmaý maqsatynda uıymdastyrylyp kele jatqan kınofestıval qorjynyna 24 memleketten 150 jumys kelip túsken. Onyń ishinde AQSh, Kanada, Kýba, Qytaı elderinen qatysqan derekti dúnıeler de bar.
Aınash ESALI,
«Egemen Qazaqstan»