Aıtqyshtar Aqtóbede bas qosty

Aqtóbede Qazaqstan Respýb­lıkasy Táýelsizdiginiń 25 jyl­dyǵyna oraı «Aıtqysh­tar A­qtóbede» VII respýblıkalyq ázil-syqaq teatrlarynyń fes­tıva­li ótti. Festıvalǵa ázil-syqaq janryn nasıhattap júr­gen 14 teatr men 3 jeke oryn­daý­shy qatysty. Festıvaldi uıym­dastyrýǵa oblys ákiminiń, sony­men qatar, oblystyq máde­nıet, mur­a­ǵattar jáne qujattama bas­qar­masynyń qoldaýymen T.Ah­tanov atyndaǵy Aqtóbe oblys­tyq drama teatry muryndyq boldy. О́ner dodasynyń aldynda «Eki ezý» satıra teatrynyń arnaıy uıymdastyrǵan kóleń­keli qoıylymy jáne óner ma­gıs­tri Eltaı Kemaldyń re­jıs­­ser­lyǵymen keshegi qazaqy qal­jyń­nyń kósegesin kógertken «Tama­sha­nyń» tarlan­daryn eske alý maqsa­tyn­da teatrlandyrylǵan horeo­grafııalyq kórinis usynyldy. Festıvalǵa halyqaralyq «Alash» syılyǵynyń laýreaty, «Ara» gazetiniń bas redaktory Kópen Ámirbek, oblystyq máde­nıet, muraǵattar jáne qujattama bas­qar­masynyń basshysy Qanat Aıt­baev, T.Ahtanov atyndaǵy ob­lys­­t­yq drama teatrynyń dırek­­tory, «Eki ezý» teatrynyń negi­zin qalaýshy Nurlybek Jubat­qan, satırık jazýshy Tórejan Mán­di­­baı, T.Ahtanov atyn­daǵy ob­lys­tyq drama teatrynyń rejıs­seri Maǵzum Baqytjanov, satırık Muhtar Sherim, oblystyq «Aqtóbe» gazetiniń tilshisi Ardaq Qonaqbaeva qazylyq etti. Bas júldeni «Meniń kúıeýim qyzǵanshaq» komedııasyn qoıǵan Atyraý qalasynyń «Ara-Aty­raý» ázil-syqaq teatry men «Dárigerler álemi» jáne «Psıholog» ıntermedııalaryn qazylar talqysyna usynǵan Almaty qalasynyń «Keremet» ázil-sy­qaq teatry qanjyǵalaryna baı­lap, árqaısysy 150 myń teńge aqsha­laı syılyqqa ıe boldy. Eki birinshi oryndy Taraz qalasynyń «Talas talanttary» ázil-syqaq jáne Ońtústik Qazaq­stan ázil-syqaq jáne satıra teatrlary ıelenip, árqaısysy 100 myń teńge aqshalaı syılyq­pen marapattaldy. Festıval­ǵa qatysqan ázil-syqaq teatr­lary­nyń qaı-qaısy da syı-sııapattan qur qalǵan joq. Bul kórermenniń esinde qazaqy qaljyń men ádemi ázildiń ajaryn ashqan shara retinde saqtalary sózsiz. Satybaldy SÁÝIRBAI, «Egemen Qazaqstan». Aqtóbe oblysy