Keshe SIM-de Qazaqstan Respýblıkasynyń Katardaǵy Tótenshe jáne ókiletti elshisi Asqar Shoqybaevtyń jýrnalısterge arnalǵan brıfıngi boldy. Onda elshi Katar eli týraly tolymdy aqparattar berýmen qatar, Qazaqstan men Katar arasyndaǵy saıası, ekonomıkalyq jáne mádenı baılanystarǵa toqtalyp ótti.
Katar Parsy shyǵanaǵy aımaǵyndaǵy ǵana emes, álemdegi joǵary damyǵan elderdiń biri. Tabıǵı gaz óndirýden jáne onyń qory jaǵynan álemde úshinshi oryn alady. Sondaı-aq, munaı men munaı ónimderiniń álemdegi eń úlken eksporterleriniń qataryna jatady. Jan basyna shaqqandaǵy IJО́ kólemi jóninen álemde birinshi oryn (100 myń dollarǵa jýyq) alady. Eldiń osyndaı jetistikteri baryn aıta kelip, elshi Katardyń asa iri ekonomıkalyq áriptesteri kimder ekenin de atap ótti.
Elde óndiriletin barlyq munaı óniminiń 54 paıyzy Japonııaǵa tasymaldanady eken. Odan keıingi oryndarda Sıngapýr, Ońtústik Koreıa elderi tur. Eki eldiń de ımportqa shyǵaratyn taýarlary birkelki bolǵandyqtan, Katardyń Qazaqstanmen aradaǵy saýda-ekonomıkalyq baılanysynyń kólemi shaǵyn. 2015 jyly ol bar bolǵany 463,5 myń AQSh dollaryna teń bolǵan.
Katardyń Astanaǵa bólgen grantyna salynǵan «Nur-Astana» meshiti eki eldiń arasyndaǵy jyly qarym-qatynastyń sımvoly sekildi bolyp turady. Elbasy Nursultan Nazarbaevtyń Katarǵa 2015 jylǵy resmı sapary barysynda Astanada sheıh Tamım atyndaǵy mektep salý úshin 13 mln. dollar bólinetindigi týraly kelisim bolǵan. Sonymen qatar, Katar tarapy Qazaqstannan qoı etin, kókónister men jemister jáne t.b. ónim túrlerin satyp alýǵa múddeli ekenin jetkizgen.
Jaqsybaı SAMRAT,
«Egemen Qazaqstan»