PETROPAVL. 25 mamyr. Máskeý qalasynda «Matematıka jáne jobalaý» atty 10-shy halyqaralyq ǵylymı saıysta Qyzyljar óńiriniń oqýshylary birneshe júlde ıelendi. Bul týraly bilim basqarmasyna silteme jasaǵan egemen.kz tilshisi habarlady.
Aıtýly dodaǵa Qazaqstan, Reseı, Belarýs jáne Bolgarııa memleketterinen kelgen 280 oqýshy qatysyp, baq synady.
Soltústik Qazaqstannan qatysqan 11-synyp oqýshysy Madııar Súleımen modeldeý baǵyty boıynsha júldeli úshinshi orynǵa ıe boldy. Al 10-synyp oqýshysy Alına Saqtaǵanova men 11-synyp oqýshysy Malıka Shaıahmetova altyn medalǵa qol jetkizdi.
«Bilim dodasynda biliktilik tanytqan oqýshylar lıseıdiń ǵana emes, elimizdiń namysyn qorǵap, ózderine artylǵan senimdi aqtaı bildi», – deıdi qazaq-túrik lıseı-ınternatynyń muǵalimi Asyl Ysqaqova.
О́mir Esqalı.
Derek: Soltústik Qazaqstan oblysynyń bilim basqarmasy.
Foto: pstgu.ru.