Memlekettik basqarý akademııasynda dáris oqydy
Qazaqstan Respýblıkasy Prezıdentiniń janyndaǵy Memlekettik basqarý akademııasynda Estonııa Respýblıkasynyń Qarjy mınıstri Sven Sesterdiń qonaq dárisi bolyp ótti. Oǵan Memlekettik basqarý akademııasynyń magıstranttary, doktoranttary men professor-oqytýshylar quramy qatysty.
Akademııa rektory Bolatbek Ábdirásilov Estonııa mınıstrin qarsy alyp, Qazaqstannyń jas memlekettik qyzmetshileriniń Estonııanyń memlekettik saıasat jáne ekonomıka salasyndaǵy ozyq tájirıbesine erekshe qyzyǵýshylyq tanytatynyn bildirip, is-sharanyń mańyzdylyǵy men ózektiligin atap ótti.
Dáris barysynda Sven Sester myrza Qazaqstanmen aradaǵy syrtqy ekonomıkalyq qatynastardyń damýynyń negizgi baǵyttary, Estonııadaǵy tabysty memlekettik jáne ákimshilik reformalar týraly aıtyp, qarjy resýrstaryn utymdy basqarý tájirıbesimen bólisti. Sondaı-aq, mınıstr estonııalyq memlekettik qyzmet úlgisiniń basty basymdyqtary, tıimdi elektrondy úkimetti qalyptastyrý máseleleri men Estonııa Úkimetiniń sybaılas jemqorlyqty boldyrmaý boıynsha basymdylyqtary jaıly jan-jaqty málimet berdi.
Sven Sester myrza bıylǵy jyldyń 26 mamyrynda Astana ekonomıkalyq forýmy aıasynda ótetin «Instıtýsıonaldyq reformalardy tabysty júzege asyrý úshin kásibı memlekettik apparat» atty Jahandyq konferensııaǵa negizgi spıkerlerdiń biri retinde qatysyp, sóz sóıleıdi.
«Egemen-aqparat»