Keshe Májiliste «HHI ǵasyrdaǵy Uly Jibek joly: túrkitildes elderdiń róli men keleshegi» atty parlamenttik kezdesý ótti. Mańyzdy sharaǵa Parlament Májilisi, TúrkPA Hatshylyǵy, Halyqaralyq Túrki akademııasy uıytqy boldy.
Jalpy, bıyl TúrkPA-ǵa Májilis Spıkeri Baqtyqoja Izmuhambetovtiń basshylyǵymen Qazaqstan taraby tóraǵalyq etýde. Sondyqtan bul jolǵy kezdesý osy tóraǵalyqtyń, sonymen qatar, elordamyzda ótip jatqan «Jańa ekonomıkalyq shynaıylyq: ártaraptandyrý, ınnovasııalar jáne bilim ekonomıkasy» taqyrybynda IH Astana ekonomıkalyq forýmy aıasynda ótkizilip otyr. Basty maqsat – Túrkitildes memleketter arasyndaǵy ekonomıkalyq qarym-qatynastardy talqylaý, ıntegrasııa máselelerin qarastyrý.
Sharanyń alǵy sózinde túrkitildes memleketter arasyndaǵy qatynastyń jyl sanap joǵary deńgeıge kóterilip kele jatqandyǵyn alǵa tartqan Májilis depýtaty, Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev mádenıet, ǵylym salalarynda aýyz toltyryp aıtarlyqtaı jetistikterdiń bar ekenine toqtala kelip, ásirese, ekonomıka baǵytyndaǵy áleýetterdiń zor ekenin eskerip: «TúrkPA parlamentshileriniń bizdiń elderimiz arasyndaǵy, onyń ishinde Jibek jolynyń ekonomıkalyq beldeýi aıasyndaǵy ekonomıkalyq ózara is-qımyldy nyǵaıtý jobalaryn talqylaýǵa qatysýy túrkitildes elderdiń yntymaqtastyǵyn nyǵaıtýǵa sózsiz yqpal etetin bolady», – dedi.
M.Áshimbaev álemdik qoǵamdastyqtyń Jibek joly jobalaryna qyzyǵýshylyǵy tarıhı turǵydan Uly Jibek jolynyń boıynda ornalasqan óńirge, atap aıtqanda, bizdiń elderimizge qyzyǵýshylyqty arttyratynyn atap ótti.
Odan ári kezdesýge qatysýshylar baýyrlas memleketter arasyndaǵy kommýnıkasııa, kólik, kórshiles eldermen qarym-qatynas, ıntegrasııalyq odaqtardyń túrkitildes eldermen baılanysy syndy ózekti taqyryptardy talqyǵa saldy.
Osyǵan oraı, Májilistiń Ekonomıkalyq reforma jáne óńirlik damý komıtetiniń hatshysy Merýert Qazbekova, Qarjy jáne bıýdjet komıtetiniń múshesi Qojahan Jabaǵıev, Senattyń Agrarlyq máseleler jónindegi komıtetiniń múshesi Serik Bilálov, Májilistiń Agrarlyq máseleler jónindegi komıtetiniń múshesi Amangeldi Dáýrenbaev, t.b sóz sóıledi.
О́z sózinde Shyǵys pen Batysty baılanystyratyn Uly Jibek joly kóne zamannan beri adamzat tarıhyndaǵy álemdik deńgeıdegi órkenıetter arasyndaǵy beıbit damý baılanystardyń kórinisi ekenin alǵa tarta kelip, A.Dáýrenbaev Uly Jibek jolyn damytýdy barynsha jalǵastyra berý ekonomıkanyń barlyq salasynda barsha túrkitildes eldermen ǵana emes, kúlli álemmen ózara is-qımyldyń zor keleshegin ashatyndyǵyn aıtty.
Is-shara barysynda TúrkPA parlamentshilerimen qatar, bizdiń eldegi dıplomatııalyq korpýstyń, memlekettik organdardyń ókilderi, «Ekonomıkalyq zertteýler ınstıtýtynyń», Qazaqstan Prezıdenti janyndaǵy Strategııalyq zertteýler ınstıtýtynyń sarapshylary oı-pikirlerin ortaǵa saldy.
Otyrysqa tóraǵalyq etken Ekologııa máseleleri jáne tabıǵat paıdalaný komıtetiniń múshesi Serik Seıdýmanov kezdesýdi qorytyndylaı kele, aıtylǵan mańyzdy pikir-usynystardyń aldaǵy ýaqytta túrkitildes elder parlamentteriniń birlesken jumysynyń nyǵaıa túsýine yqpal etetindigin jetkizdi.