23-24 mamyrda Prezıdenttiń kómekshisi – Qazaqstan Respýblıkasy Qaýipsizdik Keńesiniń hatshysy Nurlan Ermekbaev qaýipsizdik máselelerimen aınalysatyn Joǵary ókilderdiń VII halyqaralyq kezdesýine qatysty.
Atalǵan shara Reseı Qaýipsizdik keńesiniń bastamasy boıynsha Cheshenstan Respýblıkasynyń astanasy – Groznyı qalasynda shamamen 80 memleket jáne halyqaralyq uıymdar ókilderiniń qatysýymen ótkizildi.
Kezdesýdiń kún tártibine halyqaralyq terrorızm men dinı ekstremızm, zańsyz kóshi-qon áreketterine qarsy is-qımyl boıynsha halyqaralyq yntymaqtastyqty damytý, sondaı-aq, aqparattyq qaýipsizdikti qamtamasyz etý jónindegi halyqaralyq jáne ulttyq deńgeılerde qabyldanyp jatqan sharalar máseleleri engizildi.
Qazaqstan delegasııasy basshysynyń sózinde negizgi ekpin Qazaqstan basshysynyń 2015 jylǵy qyrkúıekte ótken BUU sammıtindegi zorlyq ekstremızmge qarsy is-qımyl tanytý boıynsha bastamalaryn halyqaralyq ilgeriletýdiń mańyzyna túsirildi. BAQ-tarǵa terrorızm men ekstremızm taqyrybyn kórsetýde salmaqtylyq qajet ekeni atap kórsetildi.
Groznyıda bolýy kezinde N.Ermekbaev Cheshenstan Respýblıkasy basshysynyń mindetin atqarýshy Ramzan Qadyrovpen, Reseı Federasııasy Qaýipsizdik keńesiniń hatshysy Nıkolaı Patrýshevpen kezdesip, kelissózder júrgizdi.
Sondaı-aq, sharaǵa qatysqan memleketter delegasııalarynyń basshylarymen, sonyń ishinde, QHR Kompartııasy OK-niń Saıası bıýro múshesi – Saıası-zańdylyq komıssııasynyń hatshysy Men Szıanchjýmen, Aýǵanstan Islam Respýblıkasy Prezıdentiniń ulttyq qaýipsizdik jónindegi keńesshisi – AIR Ulttyq qaýipsizdik keńesiniń basshysy Mohammad Hanıf Atmarmen, t.b. birqatar jumys kezdesýleri ótkizildi.
«Egemen-aqparat»