Maqsat – bir, mindet – ortaq

Aqordada Memlekettik hatshy Gúlshara Ábdiqalyqova BUU Bas hatshysynyń kómekshisi, Eýropa men TMD elderi úshin BUU Damý baǵdarlamasynyń aımaqtyq bıýrosynyń basshysy J.Sultanoǵlýmen kezdesti. Taraptar Qazaqstan men BUU-nyń eldik komandasynyń 2016-2020 jyldarǵa arnalǵan Seriktestiktiń negizdemelik baǵdarlamasyn iske asyrý aıasyndaǵy Qazaqstan men BUU DB yntymaqtastyǵynyń keleshegi jóninde pikir almasty. G.Ábdiqalyqova óziniń sózinde «Qazaqstan-2050» Strategııasyndaǵy, «Nurly Jol» memlekettik baǵdar­lama­syndaǵy, «100 naqty qadam» Ult Josparyndaǵy negizgi baǵyt­tar BUU-nyń Turaqty damý maq­sattarymen jáne BUU Bas hat­shy­sy­nyń besjyldyq is-qımyl jasaý baǵdarlamasynyń maqsat­tary­men úndesetinin atap ótti. Son­daı-aq, ol BUU DB seriktes­tikti yn­ty­­maqtastyqtyń barlyq baǵytyn­da – birlesip qarjylandyryla­­tyn joba­­lar aıasynda, Astanadaǵy mem­leket­­tik qyzmet isteri óńirlik ha­byn odan ári ilgeriletý baǵytyn­da jalǵas­ty­rý­ǵa múddelilik bar ekenin bildirdi. «BUU men Qazaqstan arasyndaǵy yntymaqtastyq jyl ótken saıyn jańa ári joǵary satyǵa kóterilip keledi. Biz BUU Bas hatshysy Pan Gı Mýn myrzanyń 2015 jyly Astanaǵa jasaǵan saparyn joǵary baǵalaımyz. Sonymen qatar, biz BUU bas­­­shylyǵy men uıym agent­tikteri jetekshilerin Astana eko­no­­mıkalyq forýmyn ótkizýge qoldaý kórsetkenderi úshin rıza­­­shylyǵymyzdy bildiremiz. Siz­derdiń bul forýmǵa jyl sa­ıynǵy qatysýlaryńyz onyń ju­mysyna úlken mańyz beredi», – dedi Memlekettik hatshy. Sonymen qatar, G.Ábdi­qaly­qova Qazaqstan Prezı­denti­niń byltyrǵy jyly BUU Bas As­sambleıasynyń 70-shi mereı­toı­lyq sessııasyna qatysyp, on­da birqatar mańyzdy usynys­tar jasa­ǵanyn, sonyń biri 2045 jylǵa deıingi Strategııa­lyq bastamalar jospary ekenin aıtty. «Prezıdent N.Nazarbaev AQSh-taǵy jahandyq sammıtte «Álem. HHI ǵasyr» manıfesin jarııalap, ol BUU Bas Assamb­leıa­sy tarapynan resmı qujat retin­de qabyldanǵan bolatyn. Stra­tegııalyq bastamalar jospary men manıfest bir-birimen tyǵyz baı­lanysty. Bul eki bastama da qaqtyǵys jaǵdaılaryn bol­dyrmaýǵa, búkil dúnıejúzinde beıbitshilikti ornatýǵa baǵyttalyp otyr», – dedi G.Ábdiqalyqova. Memlekettik hatshy Qazaqstannyń BUU-men kóptegen baǵyt boıyn­sha áriptestik baılanys ornatqa­nyn, onyń ishinde genderlik saıa­sat máselesine qatysty da úl­ken ju­mys­tar júrgizilip jatqanyn aıtyp ótti. «Bizdiń aldymyzda úlken maqsat-mindetter tur. Demek, biz olardyń árqaısysy boıynsha áriptestik ornatýǵa daıynbyz», – dedi Memlekettik hatshy. Kezdesý sońynda G.Ábdi­qalyqova BUU Bas hatshy­synyń kómekshisi J.Sultanoǵlýǵa tyǵyz yntymaqtastyq úshin alǵys bildirip, tabys tiledi. Jýrnalısterge bergen suh­batynda J.Sultanoǵlý óziniń Qazaqstanǵa osymen 4-shi márte kelip otyrǵanyn tilge tıek ete kele, bıylǵy sapar Astana eko­no­mıkalyq forýmymen baı­lanysty ekenin jetkizdi. «Qazaqstannyń Memlekettik hatshysy bizge árdaıym qoldaý kórsetip, ózara áriptestik ornatyp kelemiz. Sol sebepti, biz aldaǵy ýaqytta da yntymaqtastyǵymyzdy damytyp, jańa maqsattarǵa qol jet­kizý joldaryn birlese qaras­tyrýymyz kerek», – dedi BUU ókili. Láıla EDILQYZY, «Egemen Qazaqstan»