Alqaly jıynǵa ázirlik aıaqtalýda

Qazaqstan Respýblıkasy Par­lamenti Senatynyń Tóraǵa­sy, Álem­dik jáne dástúr­li din­der lıder­leriniń sezi Hat­shy­ly­ǵynyń Basshysy Qasym-Jomart Toqaev bıylǵy 31 mamyrda bolatyn «Dinder terrorızmge qarsy» halyqaralyq konferensııasyna ázirlik jáne ony ótkizý máseleleri boıynsha jumys babyndaǵy keńes ótkizdi, dep habarlady Senattyń baspasóz qyzmeti. Qazirgi zamandaǵy qaýipti qaterler­diń biri retindegi terrorızmge qarsy is-qımyl máselelerin talqylaýǵa parlamentshiler, dinı qaıratkerler, halyqaralyq uıymdardyń basshylary men dıplomattar, sondaı-aq, otandyq jáne sheteldik sarapshylar qatysady. Forýmnyń jumysyna álemniń 41 elinen 63 delegasııa keledi dep kútilýde. Keńeste Álemdik jáne dástúrli dinder lıderleri sezi Hatshylyǵynyń 1 maýsymǵa belgilengen otyrysyna ázirlik barysy da qaraldy. Kún tártibindegi máseleler boıynsha Senattyń Halyqaralyq qatynas­tar, qorǵanys jáne qaýipsizdik komıteti­niń tóraǵasy Ikram Adyrbekov, Syrt­qy ister mınıstriniń orynbasary Erjan Ashyqbaev, Mádenıet jáne sport mınıstriniń orynbasary Marat Ázilhanov habardar etti.