Ýkraına men Sırııadaǵy jaǵdaıdy talqylady

Sharaına Reseı prezıdenti Vladımır Pýtın, GFR kansleri Angela Merkel, Fransııa prezıdenti Fransýa Olland jáne Ýkraına prezıdenti Petr Poroshenko telefon arqyly Sırııa men Ýkraınanyń ońtústik-shyǵysyndaǵy jaǵdaılardy retteý máselelerin talqylady. Talqylaý barysynda taraptar ýaqytsha kelisim rejimin qatań saqtaýdyń mańyzdylyǵyn, janjal aımaǵynda EQYU mıssııasy arnaıy monıtorıng qyzmetiniń tıimdiligin arttyrý, oǵan qosymsha ókilettikter berý, sondaı-aq, baqylaý jáne úılestirý jónindegi birlesken ortalyqty nyǵaıtý qajettigin atap ótti. «Normand tórttiginiń» basshylary, sonymen birge, Ýkraınanyń ońtústik-shyǵysyndaǵy áleýmettik-ekonomıkalyq jáne gýmanıtarlyq problemalardy sheshý múmkindikterine qatysty pikir almasty. Budan bólek, olar Sırııadaǵy birqatar daǵdarysty aspektilerge de nazar aýdardy. Qaıǵy-qasiret arqalanǵandarmen kezdesýdi ótindi AQSh-tyń 70-ke jýyq kórnekti mádenıet jáne ǵylym qaıratkerleri Qurama Shtattar prezıdenti Barak Obamany Hırosımaǵa sapary kezinde osy qalaǵa tastalǵan atom bombasynan aman qalǵan japondyqtarmen kezdesýge shaqyrǵan úndeý arnady. «Atom bombasy qurbandarynyń arasynda aman qalǵan adamdarmen kezdesý olardyń tartqan qaıǵy-qasiretin bildirip qana qoımaı, sol adamdardyń ıilmeı, ıadrolyq qarýdy joıýǵa degen umtylysymen tanysýǵa da múmkindik beredi», – dep kórsetilgen Aq úı basshysyna joldanǵan úndeýde. Kórnekti qaıratker tulǵalar, sondaı-aq, B.Obamadan óziniń Hırosımaǵa tastalǵan atom bombasy soqqysy boıynsha keshirim suraýdan bas tartý sheshimin qaıta qaraýdy jáne AQSh-tyń ıadrolyq qarýdy jańǵyrtý jobasyn qarjylandyrýdy toqtatýdy, sonymen qatar, Reseımen ıadrolyq qarýsyzdaný jónindegi kelissózderdi jedeldetýdi ótingen. AQSh prezıdenti Hırosımada 27 mamyr kúni bolady. Sarapshylar keńesin Ahmad Djannatı basqarady Irannyń sarapshylar keńesi 90 jastaǵy konservator aıatolla Ahmad Djannatıdi keńes basshylyǵyna saılady. Sarapshylar keńesi Irannyń rýhanı kóseminiń qyzmetin baqylaý, ony qyzmetke taǵaıyndaý, qyzmetten bosatý ókilettigine ıe. Sarapshylar keńesiniń 88 múshesi Ahmad Djannatıdi 24 mamyrda saılaǵan. Keńes músheleri negizinen dinı dárejesi bar, jasy ulǵaıǵan dinı qaıratker-ǵulamalardan turady. Al A.Djannatı Iran prezıdenti Hasan Rýhanı men onyń Batys elderimen qatynasty jaqsartý arqyly Irandy álemdik oqshaýlanýdan bosatý saıasatyn qoldamaıtyn tulǵalardyń biri sanalady. Sonymen birge, ol parlament saılaýynda júzden astam reformashyl kandıdatty tirkeýden alyp tastaǵan Iran konstıtýsııalyq qadaǵalaý keńesine de basshylyq jasaıdy. Anyq emes derekterge qaraǵanda, sarapshylar keńesi osy eldiń rýhanı kósemi aıatolla Hameneıdiń muragerin tańdaıtyn da sııaqty. Qysqa qaıyryp aıtqanda: Kabýlde terrorshylardyń shabýylynan onnan astam adam qaza tapty. Eldiń IIM baspasóz hatshysynyń málimdeýinshe, terrorshylar shabýylyna shaǵyn avtobýspen kele jatqan apellıasııalyq sottyń qyzmetkerleri ushyraǵan. «AL Arabiya» telearnasy AQSh-tyń 250-ge jýyq teńiz jaıaý áskerleri Sırııanyń Haseke qalasynyń mańyna túsirilgenin habarlady. Onyń quramynda aýyr tehnıkalar da bar. Olar Rakkı qalasyn sodyrlardan bosatý operasııasyna qatysatyn bolýy kerek. Italııanyń Florensııa jaǵalaýynda avtoturaqqa qoıyl­ǵan 20-ǵa jýyq avtomobıl jerdiń opyrylýynan paıda bolǵan shuńqyrǵa qulady. Shuńqyrdyń uzyndyǵy – 20, al eni – 7 metr. Zardap shekkender joq. Tájikstanda mektep túlekterine arnalǵan mereke – sońǵy qońyraýdy ótkizýge tyıym salyndy. Bilim jáne ǵylym mınıstriniń buıryǵynda «Barlyq bilim berý mektepterinde 9 jáne 11 synyp túlekterine arnalǵan «Sońǵy qońyraý» jıynyn ótkizýge tyıym salynsyn», – dep kórsetilgen. Qytaı Sýdanda atom reaktoryn salmaq Qytaıdyń memlekettik ıadrolyq birlestigi Sýdan Respýblıkasynyń sý  resýrstary jáne elektrlendirý mınıstrligimen qýaty 600 megavatt bolatyn atom reaktorynyń qurylysy týraly eki kelisimge qol qoıdy. Qytaılyq «China Daily» basylymynyń jazýy boıynsha, taraptar jasalǵan kelisimderdiń qunynyń qansha ekendigi jáne salynatyn reaktordyń úlgisi, sondaı-aq, ony tapsyrýdyń merzimi jóninde naqty aqparat joq. Sarapshylar bul Qytaı elinde ázirlengen úshinshi býyn Hualong One reaktory bolady degen boljam jasap otyr. CNNC basshysy Sýn Sın osydan biraz ýaqyt buryn atalǵan birlestik 2030 jylǵa qaraı álemniń birqatar elderinde «Jibek jolynyń ekonomıkalyq beldeýi» strategııasynyń aıasynda 30 atom energııalyq blogyn salýdy josparlap otyrǵanyn aıtqan edi. Satqyndyq jasaǵany úshin tutqyndaldy Italııanyń astanasy – Rımde Reseı jaǵyna tyńshylyq áreketter jasady degen kúdikpen Portýgalııa barlaý qyzmetiniń ofıseri men reseılik azamat tutqyndaldy. Aqparat agenttikteriniń habarlaý­ynsha, reseılik portýgalııalyqtan NATO men Eýroodaq týraly qupııa aqparattardy satyp almaq bolǵan. RTP málimetterine qaraǵanda, operasııa ıtalııalyq jáne portýgalııalyq kúshterdiń, sondaı-aq, Eýroıýst qyzmetkerleriniń qatysýymen júzege asyrylǵan. Kúdiktiler jaqyn kúnderi Lıssabonǵa beriledi. Portýgalııalyq azamat endi memlekettik qupııany jarııa etkeni úshin qylmystyq jaýapkershilikke tartylady. Derek kózderi boıynsha, eki azamat ta naqty is ústinde, ıaǵnı Portýgalııa barlaýshysy reseılikke qupııa málimetterdi berip jatqan kezde qolǵa túsken. Tutqyndalǵan portýgalııalyqtyń aty-jóni – Frederıko Karvalıý. Ol eldiń memlekettik qaýipsizdigi men syrtqy barlaýǵa jaýapty qurylym – aqparat jáne qaýipsizdik qyzmeti jetekshileriniń biri sııaqty. Bir áıeldi eki er adamǵa aıyrbastady Reseı túrmesinde jazasyn ótep jatqan ýkraınalyq áskerı qyzmetshi Nadejda Savchenkonyń advokaty Ilıa Novıkov jaqyn ýaqytta Savchenkonyń taǵdyry týraly mańyzdy aqparat aıtylatynyn málimdegen edi. «Men qazir Dondaǵy Rostovtamyn. Endi eki-úsh saǵattan keıin Nadejda Savchenko jóninde mańyzdy jańalyq aıtylady», – dep atap ótken-di I.Novıkov. Budan buryn birqatar agenttikter Ýkraına prezıdenti Petr Poroshenkonyń ushaǵy sársenbige qaraǵan túni Dondaǵy Rostovqa kelgenin habarlaǵan edi. Bul aqparat ras bolyp shyqty. Sondaı-aq, «Interfaks» agenttigi Ýkraınada sottalǵan reseılikter – E.Erofsev pen A.Aleksandrov bar prezıdenttik bort Kıevten ushyp shyqqany jóninde aqparat taratty. Senimdi derek kózderine qaraǵanda, eki eldiń áskerılerin aıyrbastaý rásimi Dondaǵy Rostov qalasynyń áýejaıynda ótken. Internet materıaldary negizinde ázirlendi