Demokratııanyń tarıhı taǵylymy

Otandastarymyz Elbasy sheshimin osylaı baǵalap otyr Birazdan beri kóp kóńilin kúpti etken, barsha jurtty eleń­det­ken máseleniń túıini tarqatyldy keshe. Túske deıin Kons­tı­týsııalyq keńes uıǵarymy jarııa etildi. Tústen keıin el El­basynyń ne aıtaryn kútti. Elbasynyń qazaqstandyqtarǵa úndeýi teledıdar arqyly keshki saǵat beste tikeleı efırden berildi. Osydan soń-aq biz depý­tat­tarǵa habar­lastyq, oblys­tar­daǵy menshikti tilshilerimizge, redak­sııanyń Almaty bólimshesine halyq oıyn jedel jınaqtaýdy tapsyr­dyq. Keıbiri kózbe-kóz, keıbiri telefon arqyly jazylyp alynǵan, keıbiri elektrondy poshtamen jetkizilgen sol pikirler toptamasyn oqıǵanyń izin sýytpaı oqyrmandar nazaryna usynyp otyrmyz. «Nur Otan» HDP Tóraǵasynyń birinshi orynbasary Nurlan NYǴMATÝLIN: KONSTITÝSIIаLYQ PRINSIPKE ADALDYQ – Búgin Elbasymyz Ata Zańymyzdyń kepili já­ne naǵyz de­mokratııalyq tulǵa re­tinde buryn ál­em­dik saıasatta bolma­ǵan ta­­rıhı qa­dam ja­sa­dy. Sebebi, elimizdegi 5 mıl­­­lı­onnan astam hal­qy­myz­dyń, sony­men bir­ge, Parla­men­timizdiń,  bú­kil aza­mat­tyq qoǵamnyń  re­­ferendým ótkizý tý­raly bastamany qol­daýyna qaramastan, El­ba­symyz kezekten tys saılaý ótkizý týraly sheshim qabyldady. Bul sheshimdi Prezıdentimiz qazirgi ókilettigi eki jylǵa qysqaratynyna da qaramastan qabyldap otyr. Sondyqtan osy óte mańyzdy qadam – Prezı­dentimizdiń árqashanda memleketimizdiń, elimiz­diń múddesin bárinen de joǵary baǵa­laıtynyn, Konstıtýsııalyq jáne demokra­tııa­lyq prınsıpterge óziniń adaldyǵyn taǵy da kórsetti. * * * Májilis depýtaty Erjan ISAQULOV: BUL ShEShIM – ASQAN AQYLDYŃ AIǴAǴY – Jaqynda Prezıdenttik mádenıet orta­ly­ǵynda qatys­qan  qa­ýymnyń bá­ri­niń esinde qalatyn­daı áde­mi bir is-shara ótti. Ol aǵ­yl­shyn qalamgeri Djonatan Aıt­kenniń Elba­sy­myz týraly jazyl­ǵan «Nur­sul­tan Nazarbaev jáne Qazaq­stannyń qa­rysh­ty qa­da­my» atty kitaby­nyń qa­zaqsha nus­­qa­sy­nyń tusaýke­seri. Rásim kezinde zııaly orta ók­ilderiniń talaı-talaı ta­masha oılary ortaǵa salyndy. Sonyń biri akademık Jabaıhan Áb­dildınniń Elbasynyń aqyldylyǵy jóninde aıt­qa­ny edi. Aqyldylyq eń aldymen jurttyń oıyna kelmeıtindeı sheshimder qabyldaýdan, sol sheshimderdi júzege asyra alýdan kórinedi, dedi  fılosof aǵamyz. Nursultan Ábish­uly keshegi jarııa etken sheshimi arqyly jurttan asqan sań­laq saıasatker ekenin taǵy da tamasha tanytty. Nege deısiz ǵoı? Sebebi – osy úndeýimen Elbasymyz birneshe máseleni qatar sheship otyr. Eń aldymen, halyqtyń tilegine qurmetin qalt­qysyz kórsetip otyr. Odan keıin Ata Zańdy ardaqtaýdyń ádemi úlgisin tanytyp otyr. Odan keıin demo­kra­tııalyq qaǵıdattarǵa adaldyǵyn, búkil órkenıetti álem ustanatyn qundylyqtarǵa qur­met­pen qaraı­tynyn aıshyqtap otyr. Osy úshin Elbasymyz óziniń zańdy prezıdenttik ókilettiligin óz erkimen eki jylǵa shegerýden de taıynbady. Munyń bári aıtýǵa ǵana ońaı. Shyn máninde Konstıtýsııalyq Keńes osy máselede respýb­lı­kalyq referendým ótkizýge bolmaıdy dep kesip-piship aıtqan joq bolatyn. Demek, Prezıdenttiń referendýmǵa kelisim berip, tek osy usynysty qoldaý ıdeıasynyń ózin jaqtap 5 mıllıonnan astam adam qol qoıyp otyrǵan tusta óz ókilettiligin 2020 jylǵa deıin uzartyp alýǵa ábden-aq múmkin­digi bar edi. Elbasy ol qadamnan bas tartty. О́ıtkeni, bizdiń Prezıdentimiz úshin bá­rinen buryn  eldiń erteńgi kelbeti, azamatta­ry­myzdyń Konstı­týsııany berik usta­natyn dástúrmen tárbıelenýi mańyzdy. Mundaı dana sheshimnen soń halqymyz Tuńǵysh Prezıdentin – Elbasyn buryn­ǵydan da qasıet tuta qurmetteı túsetin bolady. * * * Májilis depýtaty Shalataı  MYRZAHMETOV: QIYN TÚIINDI DANALYQPEN TARQATTY – Qazaqstan Par­la­mentiniń 15 jyl­dy­ǵyna ar­nal­ǵan sal­tanatty jı­­nalys aıaq­talysymen bá­rimiz de Aq­orda jaqqa alań­daýmen boldyq. Túske deıin Konstı­týsııa­lyq Ke­ńes biz qabyl­daǵan zań­dy Kons­tıtýsııaǵa sáı­kes kelmeıdi dep tap­qanda kádimgideı qınalyp qal­ǵanymyz ras. Biz ol sheshimdi elek­to­rattyń jar­tysynan astam bóligi­niń, ıaǵnı 5 mıllıonnan astam adamnyń tilegin eske alyp, Nur­sultan Ábishulynyń táýelsizdiktiń tańsári shaǵynan bú­gingi kúnge deıin memleket úshin atqarǵan qyz­me­timen qatar, alda da at­qaratyn qyzmetiniń aýqymy úlken ekenin, Qa­zaqstannyń jarqyn bolashaǵyn tek Tuńǵysh Prezıdentimiz – El­basynyń  esimimen baı­la­nys­tyra­ty­ny­myzdy eskere oty­ryp, qabylda­ǵan ed­ik. Osy arqyly biz halyqtyń erkin bildirgen bolatynbyz. Prezıdent zańdy qa­byldamaı tasta­ǵan­da da, óz  óki­let­tigimizdi paıda­la­nyp, tıisti ózge­ri­sterdi qaı­ta­­dan engizetin qadam­darǵa barǵan edik. Mu­nyń bá­rinde Parlament ózin saı­laǵan halyq­tyń  tilegin bas­shylyqqa aldy. Sonymen birge, El­ba­synyń el halqyna úndeýin estigendegi qýa­nyshymyz da túsinikti dep oılaımyn. Nursultan Ábishuly óte bir shıelenisken, qıyn túı­indi  ózine tán danalyqpen tarqatyp berdi. Qazirgi sheshim boıynsha barlyq taraptardyń talaptary saq­talyp otyr. Eń aldymen halqymyzdyń eldi Elbasymyz alda da basqara berse eken, asýdan asýǵa asyra berse eken, memleketimizdegi sútteı uıyǵan tatýlyq saqtala berse eken degen aq tilegi aqtalyp otyr. О́ıtkeni, alda bolatyn prezıdenttik saılaýda el-jurtymyz memlekettiń mereıin tasytqan, Alash­­tyń baǵyn asyrǵan Azamattyń aty ozyp kelýi úshin qoldap daýys beretindigine biz kámil senemiz. Ekinshi jaǵynan, Elbasymyz osy sheshimi arqyly halyq úshin qandaı qadamǵa da baratynyn kemel  kórsetip otyr. Prezıdent elde qalyptasqan saıası ahý­al­dyń durys arnada baǵyt alýy úshin óziniń eki jyldyq ókilettiligin óz qolymen qysqartýdan da bas tartpa­dy. Osy arqyly Nursultan Ábish­uly elde demo­kra­tııalyq úderisterdiń kóńil­de­gideı júrýine jaǵ­daı jasaıtynyn tanytty. Keleshektegi ke­zeń­derdiń saıasatkerlerine Ata Zańǵa aıalaı qaraýdyń asyl úlgisin kórsetti. Al endi aldaǵy ótetin saılaýdyń (ol jónin­degi zańnyń Parlament tarapynan qoldaý taba­tynyna eshqandaı kúmán keltirmeımin) nátıje­sine kelsek, onyń basy ashyq dep oılaımyn. Qazaqstan halqy eldi eń bir qıyn kezeńderden aman-esen alyp shyq­qan, ekonomıkalyq dáýle­tine rýhanı sáýleti saı mem­leket quryp, ony búkil álemge tanytqan Nur­sultan Ábishulyna ra­zylyǵyn prezıdenttik saılaýda jappaı jaq­tap daýys berý arqyly taǵy da tanytatyny talassyz. * * * Májilis depýtaty Nurtaı SABILIаNOV: SAILAÝ BOLSA – SAILAÝ BOLSYN – Jas shaǵymnan kóp kúresýge, talaı tiresýge týra kelgendikten be eken, óz basym saıasat­taǵy saı­ystardy jaq­tap tu­ra­myn. Prezıdent Nursultan Na­zar­ba­ev­­tyń Konstıtý­sııa­lyq Ke­ńes túsindir­me­­sine sáı­kes qabyl­daǵan sheshimi, ıaǵnı mer­ziminen buryn Pre­zıdent saılaýyn ót­kizý týraly usynys engizetinin jarııa etýi qaı jaǵynan qa­raǵanda da kókeıge qonymdy, zańǵa tolymdy. Bul arqyly Elbasymyz halyqtyń saılaý quqyn qamtamasyz etýmen qatar, keshe ǵana Eýropadaǵy qaýipsizdik pen yntymaqtastyq uıymyna tór­aǵalyq etken, Uıym­nyń Sammıtin ótkizgen el­diń, demokratııalyq qun­dy­lyqtardy qasterleı­tin memlekettiń basshysy  re­tinde aıdaı álem aldynda abyroıymyzdy asy­ryp otyr. Rasynda da,  búkilhalyqtyq referendým arqyly ókilet­tiligin uzartý jolymen júrer bolsa, eldiń óz ishindegi oppozısııa da, el syrtyndaǵy syn­shy­lar da qıt etse tyrnaq astynan kir izdep, jyl­dar boıy muny kemshilik retinde betimizge basa beretinin de eskermeýdiń jóni joq. Endi másele bas­qasha. Endi bárin de halyqtyń tańdaýy sheshedi. Al halyqtyń tańdaýy elimen etene Elbasyna tú­se­tini talassyz. О́ıtkeni, jurt­shy­lyq bárin de kó­rip otyr, baǵalap otyr. Keshegi Keńes oda­ǵy­nyń shıkizattyq bazasy ǵana bolyp kelgen óńir­diń qalaı ózgergenin de, sol óńirdegi ómirdiń qa­laı ózgergenin de, sol óńirdegi kóńildiń qalaı óz­ger­genin de kórip, táýbe dep, shúkirshilik aıtyp otyr. Keshe ǵana aramyzdan ótken uly aqynymyz Qa­dyr Myrza Áliniń 2005 jylǵy prezıdenttik saılaýda «Egemen Qazaqstan» gazetine maqala jazyp, redaksııa maqalanyń taqyrybyna aıt­qysh avtor­dyń  «Bireýlerge Prezıdenttiń otyr­ǵan orny kerek, halyqqa Prezıdenttiń ornynda otyrǵany kerek» de­gen sóılemin shyǵarǵan  edi. Sol sóz – sóz. Qa­dyrdan qatyryp aıtý qıyn. Saılaýǵa talaılar saı­lanyp shyǵatyn da bolar. Ol tabıǵı nárse. Olardy da jaqtaıtyn adamdar tabylar. Ol da tabıǵı nárse. О́mir ǵoı. Bul ómirde barshanyń birdeı kóńilinen shyǵý múmkin emes. Biraq, halyqtyń barshasynyń derlik qalaýy Nursultan Ábish­ulynyń el tizginin aldaǵy kezde de óz qolynda ustaýy bolyp shyǵa­ty­nyna kúmán keltirýdiń tipti jóni joq. Son­dyqtan, saılaý bolsa – saılaý bolsyn. Munyń ózin, Elba­symyz aıtqandaı, demokra­tııa­nyń tarıhı taǵy­ly­my dep qabyldaý jón. Halyq qan­daı jolmen de óziniń júrek qalaýyn bildirýge daıyn. Biz El­basymen birgemiz! * * * Atyraý munaı jáne gaz ınstıtýtynyń rektory, professor Tóleýish SERIKOV: ATA ZAŃDY SYILAÝDYŃ ÚLGISI – Tuńǵysh Prezıdentimiz óziniń ókilettigin 2020 jyl­ǵy 6 jeltoqsanǵa deıingi merzimge uz­artý tý­raly referendým ótkizýge baılanysty óte durys qa­dam jasady. Elimizdiń ár túkpi­ri­nen, ár býynynan Tuńǵysh Prezıdenttiń óki­let­ti­gin uzartýdy qolda­ǵan­dardyń daýysy 5 mıllıonnan asqanymen, Nur­sultan Nazarbaev demo­kra­tııanyń qaǵıdattarynan attap ketpedi. Taǵy da Konstıtýsııalyq Keńeske júgindi. Elbasy keshe óz ókilettigin uzartýǵa baılanysty referendým ótkizbeý týraly naqty sheshimin aıtty degenimizben, Qazaqstan halqyna, tipti, jahan el­deriniń jurtshylyǵyna úlgi-ónege kórsetti. Ol – Ata Zańdy syılaý! Ol – Konstıtýsııa talap­taryna sáıkes kelmeıtin saıası qadamǵa barmaý! Sóıtip, Qazaqstannyń Tuńǵysh Prezıdenti Nur­sultan Nazarbaev demokratııany qoldaıtyn kemeńger­ligin taǵy bir ret anyq dáleldedi. Shyndyǵynda, halyq qoldaǵannan keıin re­formany ótkizýge bolar edi. Alaıda, halyqtyń shynaıy senimin arqalaǵan Ult Kóshbasshysy Nursultan Nazarbaev ásirese, jas saıasatkerler úshin taǵylym alarlyq tańdaý jasap, reforma ótkizbeý qajet dep tapty. Zańdy qurmetteıtin, bir aýyz sózge toqtaıtyn túsinigi mol, parasatty jandarǵa osydan artyq qandaı túsindirme qa­jet! Elbasy ózin eshkimnen erekshelemeıtinin osylaı uǵyndyrdy. Jalpy Nursultan Ábish­ulynyń tym asyra maqtaýǵa qarsylyq bildirýi tek bir bul emes. Budan buryn da talaı ret dál osylaı qar­sylyǵyn tanytqan. Kezinde Astana qalasyn óz atymen ataý jónindegi usynysty qa­byldamady. El­basynyń ózi aıtqanyndaı, ár­qashan túrli maq­taý men madaqtan bıik turýǵa tyrysady. Osy ustanymynda qala beretindigin jáne bir ret dáleldedi. Elbasynyń osynaý qadamynan onyń óz qamyn kúıttemeıtin, óz abyroı-bedeli úshin emes, Qazaqstandaı táýelsiz eldiń shyn jana­shyry, shyn mánindegi memleketshil qaıratker ekendigine kózimiz jete tústi. О́ıtkeni, Memleket basshysy Nursultan Nazar­baevtyń kóp adamnyń biri emestigi áýelden belgili edi. Buǵan Atyraýǵa kelgen saparynda talaı ret kóz jetkizgenbiz. Onyń qıyndyqtan jol taba biletindigi, sheshendigine qosa kósemdigi óz aldyna, halqymyzdyń ult­tyq óneri, mádenıeti, tarıhy men ádebıeti jó­nindegi kemel oılary kim-kimniń de yntazar­ly­ǵyn oıatpaı qoımaıdy. Qazaqstandy álemniń eń myqty elderiniń birine aınaldyrsam degen asqaq armanyn iske asyrýdaǵy eren eńbegine barsha kýá. Qazaq jerin meken etken barsha ulttyń ókilderine birdeı quqyq berilip otyr. Qazaqstanda eshkim eshbir ulttyń ókilin ózeginen teppeıdi. Kerisinshe, ár ulttyń óz mádenıetin, tilin damytýǵa ba­rynsha jaqsy jaǵdaı jasalyp otyr. Bul aldymen, qazaq halqynyń keńpeıil­digi, Tuńǵysh Prezıdentimiz Nursultan Nazar­ba­ev­tyń kemeń­ger­­ligi desek artyq emes. Elbasymyz eldi óziniń adamı bolmysyna tán qasıetterimen árdaıym tánti etip keledi. Kúni keshe buǵan taǵy da kýá boldyq. Mine, osy­laısha, Elbasymyzdyń kemeńgerlik bolmysy kóz al­dymyzda aıshyqtala tústi. Eliniń, ultynyń, jeriniń keleshegin oılaǵan naǵyz saıasatkerler óz qamynan góri memlekettiń, onyń negizgi baılyǵy adamdarynyń qamyn osylaı oılasa kerek-ti. Sóı­tip, Qazaqstan halqynyń qurmeti men iltı­patyna bólengen Ult Kóshbasshysy, Tuńǵysh Pre­zıdentimiz Nursultan Nazarbaev demokra­tııa­lyq jolmen saılaý ótkizýdi tańdady. Bul – Kons­tıtýsııalyq normaǵa sáıkes keletin eń durys sheshim. Sonymen birge, muny Elba­synyń tarıhı she­shimi dep baǵalaǵan oryndy bolmaq. Atyraý. * * * Pedagogıka ǵylymdarynyń doktory, professor Baızaq MOMYNBAEV: ELBASYMEN – ERTEŃGE – Ataqty qolbasshy, qa­zaq­tyń qaharman uly Baý­yrjan Momyshuly aıtpaq­shy, «tártipke bas ıgen qul bolmaıdy». Konstıtý­sııa­lyq Keńes mú­sheleri sheshimderin shyǵarǵannan keıin «Elbasy atalǵan sheshimge bir aıdyń kóleminde narazy­lyǵyn bildirýine bo­lady» degen. Al Prezıdent Nursultan Ábishuly Konstıtý­sııalyq Keńestiń sheshimine qarsy emes ekenin, onymen kelisetinin birden ashyp aıtty. Munyń ózi jalpyǵa ortaq zańǵa Elbasynyń ba­ǵynatynyn, memleketimizde shyn máninde de­mokratııalyq qundylyqtardyń saqtalaty­nyn, zaıyrly, azamattyq qoǵamnyń qa­lyp­tasqanyn, oı erkindigi men sóz bostan­dyǵynyń bar ekenin aıqyn kórsetti. Elimizdiń durys baǵytta damyp kele jatqanyn kórsetetin, álemdik órkenıettiń kóshine ilisken kemel el ekenin tanytatyn tarıhı sheshim edi bul. Mun­daı tarıhı sát keshe Aqordada oryn aldy. Elbasy referendým ótkizip, óziniń ókiletti­ligin taǵy on jylǵa sozyp alýyna tolyq múm­kindigi bar edi. Biraq kóregen kóshbasshy, ke­meń­ger saıasatker ondaı sheshimge barǵan joq. Referendýmnan bas tartty. Tańdaýdy halyqtyń erkine berdi. Osy arada mynany eskerýimiz kerek: Elbasy merziminen buryn saılaý ótkizý týraly usynysty aıta otyryp, óziniń eki jyldaı Prezıdenttik merzimin qysqartyp otyr. Eldik múdde, memlekettik murat jolyndaǵy táýekel ǵoı. Mundaı sheshimdi qabyldaýdyń ózi ekiniń biriniń mańdaıyna jazylmaǵan baq. Elbasy sát saıyn eldiń senimine súıenetinin aıtady. Kósh­basshy úshin kóshiniń kólikti bolǵany durys. Taǵdyrdyń ózi usynǵan tań­daýy jasaldy. Endi elimizde Elbasynyń usy­ny­symen merziminen buryn Prezıdenttik saılaý ótýi bek múmkin. Elbasynyń ókilettiligin 2020 jylǵa deıin uzartýdy qol­daǵan halyq Prezıdenttik saılaýda Nursultan Nazarbaevtyń kandıdatýrasyn bir-aýyzdan qoldaıdy degen senimdemin. Sebebi sarabdal saıasatker Qazaqstan kóshin túzý, týyn tik ustap keledi. Elbasymen – erteńge! Qyzylorda. * * * Soltústik Qazaqstan oblystyq kásipodaqtar keńesiniń tóraıymy Jamal AHMETOVA: BIRDEN-BIR DURYS ShEShIM – Qazaqstan Respýb­lı­ka­synyń Tuńǵysh Prezıdenti Nursultan Ábishuly Nazarbaevtyń el halqyna úndeýi memleket múddesi men qalyń jurtshylyq ıgi­ligin ornyqtyrýǵa, ult­tar men ulystardy odan ári jaqyndastyrýǵa ba­ǵyt­­tal­ǵan birden-bir du­rys she­shim dep sanaımyn. El­basy bıylǵy Joldaý­ynda atap kórsetkendeı, bizdiń eń basty baılyǵymyz – berekeli birligimiz. Beıbitshilik pen kelisim 20 jyl ishinde qol jetken tabys­ta­rymyzdyń, aıdyndy memleketke, qýatty ultqa aınalýymyzdyń altyn arqaýy bolǵanyn eshkim joqqa shyǵara almasy anyq. Kóptildi jáne kóp­konfessııaly qoǵamda Qa­zaq­stan jolynyń – bostandyq, birlik, tu­raq­ty­lyq, órkendeý sekildi qundylyqtarymyz qa­lyp­tasty. Memleket bas­shysyna degen tereń súı­is­penshilik, ystyq yqy­las, bıik senim Prezı­denttiń ókilet­tigin 2020 jylǵa deıin uzartý boı­ynsha referendým ótkizý týraly jalpyhalyqtyq bas­ta­maǵa ulasty. Oǵan alǵash ún qosýshylardyń qa­tarynan áleýetti ká­sipodaq ta tabyldy. Tek Qyzyljar óńiri boı­ynsha ǵana saılaýshylardyń 56 paıyzdaıy aksııa basta­mashylaryn qýattap, referendým ótkizýdi jaqtap, qol qoıdy. Ha­lyq­tyq bastama  «Nur Otan» HDP, Parlament, úki­met­tik emes uıymdar tarapynan qoldaý tapty. Ony Prezıdent kezekti Jol­daý­ynda da atap ótip, Par­lamenttiń óziniń konstı­tý­sııa­lyq ókilettigin paı­dalanyp, Kons­tıtýsııaǵa ózgeris engizý tý­raly Zańyn taǵy bir saraptamadan ótkizý maq­satymen Konstıtý­sııa­lyq keńeske joldaǵanyn, konstı­týsııalyq aı­qyn­dyǵyn saraptaǵannan keıin ǵana sheshim qa­byldaıtynyn málim etti. Alaıda, qashanda bar ǵumyry el taǵdyrymen enshiles, táýelsiz memleket qurý jolynda bar jaýapkershilikti ózine alyp, kúrmeýi qıyn isterdi parasattylyqpen, úlken saıasatkerge tán kó­regendilikpen sheship,  el-jurtyn ortaq maqsat, kemel bolashaq jolyna sútteı uıyta bilgen uly tulǵamyz Konstıtýsııalyq Keńestiń Parlam­ent­tiń Ata Zańǵa ózgerister men tolyqtyrýlar engizýge baılanysty usynysyn zańdy Konstıtý­sııa­ǵa sáıkes emes dep tabýyna baılanysty referendým taǵdyry jaıly óz aıqyndamasyn ja­rııa­lady. Negizgi Zańymyzdy, demokratııa talap­taryn, zańdy qundylyqtarymyzdy bárinen jo­ǵary qoıatynyn taǵy bir tanytty. Iá, halyq erki — bárinen bıik. Alaıda, Elbasy Qazaqstan hal­qyna adal qyzmet etý, Qazaqstan Respýblı­kasynyń Konstıtýsııasy men zańdaryn qatań saqtaý, azamattardyń quqyqtary men bostand­yq­taryna kepildik, ózine júktelgen mártebeli  mindetin adal atqarý antynan aınymady. Búginde Nursultan Ábishulyna balama joq­ty­ǵy daýsyz shyndyq. Onyń halqy úshin eshnár­se­den aıanbaıtynyn, júrektiligin de jaqsy bilemiz. Árıne, Ata Zańymyzda jurtshylyq referendým arqyly óz erki-kózqarastaryn bildirýge to­lyq quqyly ekeni taıǵa tańba basqandaı ja­zyl­ǵan.  Elbasymyz bolsa el-jurttyń uzaq merzimdi múddesin eskere otyryp kezekten tys prezıdenttik saılaý ótkizý týraly óz tujyrymyn  jarııalaý arqyly halyq aldyndaǵy zor jaýapkershiligin túsinýmen qatar Konstıtýsııanyń myz­­ǵymas kepili ekenin taǵy bir tanytty. Birden-bir durys sheshimdi soltústikqa­zaq­stan­dyqtar da qoldaıdy. * * * Ulttyq ǵylym akademııasynyń akademıgi Málik ASYLBEKOV: PARASATTY TÚIIN Keshe teledıdardan kó­rip, tyńdaǵan Prezıdent­tiń ún­­deýin ádeptiliktiń, ha­lyq­qa degen qurmettiń jaqsy úlgisi degim keledi. Syrt qaraǵan­da, referendým ót­ki­­zýdi bes mıl­lı­on­nan astam adam ma­qul­dasa, Prezıdent oǵan qulaq as­paǵandaı kó­ri­nýi de múm­kin-aý. Al Nur­sul­tan Áb­ishuly sol ha­lyqqa yqy­las-senimi úshin úlken kishilikpen, kisilikpen rahmetin aıtyp, para­sat­ty­lyqqa júgine otyryp, zańǵa qaıshy keletin qa­damǵa bara almaıtynyn má­limdedi. Dál osyndaı sózderden keıin esh­kimniń de kóńilinde kirbiń qala qoımaıdy. Taǵy bir aıtatyn nárse – referendýmǵa baı­la­nysty bastamashylardyń is-sharalary, bul jaı­ynda halyqtyń arasyndaǵy áńgimeler bos áýre deýge de áste bolmaıdy. Halyq Elbasy tý­raly óziniń pikirin bildirdi, elimiz ustanǵan ba­ǵyt týraly oılaryn ortaǵa saldy. Sonysymen de ol qundy. Endi aıryqsha aıtatyn másele – alda saılaý ótkizý jóninde Prezıdenttiń sheshim qabyldaýy. Muny jurt barynsha qoldaıdy dep oılaımyn. Referendým da halyqtyń qalaýyn bildiredi desek te, ol keıbireýlerdiń qarsylyǵyn, artyq-aspaı sóz­derin týdyrar edi. Al saılaý – búkil álem qa­byldaǵan demokratııalyq úrdis joly. Prezı­dent­tiń sol joldy qalaǵany da barynsha quptarlyq. Saıası oqıǵalarǵa jurttyń kózqarasy ártúrli bolatyny da zańdylyq. Árkimniń ártúrli múd­de­si bar. Prezıdenttiń sheshimin búkil halyq qol­daı­dy dep oılaımyn. О́ıtkeni ol halyqtyń múd­desimen úılesip jatyr.