Elbasy úndeýine ún qosý

Keshe Aqordada Elbasy Nursultan Nazarbaev Parlament depýtattary, Prezıdent Ákim­shi­li­gi­niń qyzmetkerleri men Úkimet músheleri, qoǵam jáne mádenıet qaıratkerleriniń aldynda  Qa­zaqstan halqyna arnap Úndeý jarııalady. Biz Úndeý jarııa etilgen zaldan shyqqan bir top adamǵa mıkrofon usynyp, olardyń pikirlerin bilgen edik. * * * Ákim TARAZI, Memlekettik syılyqtyń laýreaty: – Men Elbasynyń referendým týraly jáne merziminen buryn ót­ki­ziletin pre­zıdenttik saılaý tý­ra­ly sheshimin alystan oılap, te­reń­nen tolǵanǵan jáne bolashaq ur­paq­tyń qamy úshin jasalǵan saıası erlik dep sanaımyn. Árıne, bes mıl­lıonnan astam saılaý­shy qol­dap otyrǵanda referendým ótkize salýǵa bolatyn edi, biraq Elbasy Konstıtýsııalyq Ke­ńes­tiń sheshimine qulaq asyp, demokratııalyq ta­laptyń tolyq oryndalýyn qajet dep tapqan óte durys sheshim qa­byl­dady. Sondyqtan da óz basym bul sheshimmen qýana kelisemin. Qazaqstan halqy óz Prezıdentin búkilálemdik demokratııalyq táji­rıbe jolymen saılaǵany du­rys. Árı­ne, referendým da halyq­tyń saılaý quqyn bildiredi, biraq onda qarsylastyń bolmaýy túrli pi­kirler týǵyzýy múmkin. Al Nur­sultan Ábishuly qazir saılaýǵa tús­se, qandaı myqty qarsylasty da shań qaptyryp, báıgeni shappaı alary sózsiz. О́ıtkeni, halyq oǵan senedi, ózderin osyndaı adamnyń basqarǵanyn qalaıdy. Keshe referendým ótkizýdi qoldap qoldaryn qoıǵan barlyq adamdar da onyń Pre­zıdent bolǵanyn qalaıtyny sózsiz. Qazybek JIRENShIN, Qazaq gýmanıtarlyq zań ýnıversıtetiniń rektory, zań ǵylymdarynyń doktory: – Men búgin qazaqstandyq de­mokratııany alǵa damytý jolynda tarıhı qadam jasaldy dep sa­naı­myn. Búgin Prezıdent ózi­niń  Konstıtýsııa talap­ta­ry­nyń tolyq saqtalýyna  kepildik beretin tulǵa ekenin dáleldedi. Konstı­tý­sııa­lyq Keńes Parlament qa­byldaǵan Zań­nyń Ata Zańǵa sáıkes emestigin aıt­qan soń, ol óziniń bul sheshimdi tolyq moıyn­daı­ty­nyn kór­setti. Ol máse­le­ler­diń barlyq qyryn eskerip, búgin óziniń óki­lettigin uzar­týdy kózdegen referendýmnyń ótki­zilýinen bas tartty. Árıne, ózin bes mln.-nan astam adam qoldap turǵanda mundaı sheshimge barý ońaı emes edi, biraq Prezıdent bolashaq urpaqqa úlgi bo­latyn asa mańyzdy qadam jasap, osynaý sheshimge óz tańdaýymen bar­dy. Sondyqtan mundaı ádiletti qa­damdy bolashaq urpaq ózine úlgi etip, laıyqty baǵalar dep oı­laı­myn. Mundaı sheshimge tek ózine-ózi sengen, óz isiniń durystyǵyna kózi jetken basshy ǵana bara ala­tyn shyǵar. Al endi prezıdenttik saılaýdyń merziminen buryn bo­lýy – halyqtyń búgingi qalaýyn jerge tastamaǵandyq dep bilemin. Ol qandaı qarsylasty bolsa da ashyq, básekelesti, de­mokratııaly saı­laýda jeńetinine senimdi. Sóı­tip, halyqtyń qolynan mandat al­ǵan Elbasy bastaǵan jumystaryn batyl túrde júzege asyra beredi dep senemin. Sapar MUSTAFIN, temirjolshy, zeınetker: – Menińshe, Prezıdent ha­lyq­tyń referendým ótkizý týraly tilegin qa­byldaýy kerek edi. Men ózim sol qarapaıym halyqtyń biri retinde shyn júregimmen Pre­zıdenttiń óki­lettigin uzartýdy qa­la­ǵan edim. Bi­raq ol Konstıtý­sııa­lyq Keńestiń sheshimin durys dep taýyp otyr. Men óz basym Nursultan Ábish­ulyn Allanyń mańdaıy­myz­ǵa bergen baǵy dep bilemin. Ol qandaı jaǵdaıda bolsyn eline qyz­met istep, bizdi basqara alady. Biz ol kisiden áli de bolsa úlken úmit kútemiz jáne tolyq senemiz. El basqarý ekiniń biriniń qolynan kelmeıdi. Biz, Qazaq eli, Prezıdent Nursultan Na­zar­baevtyń ar­qa­syn­da irgeli el bolyp, ózimizdi barlyq álemge tanytyp otyr­myz. Ol ki­siniń búgingi sheshimin men qol­daı­myn, áıteýir Nurekeń or­nyn­da bolyp, elge qyzmet ete bergenin qa­laımyn. Sonda bizdiń elde ty­nyshtyq bolyp, alǵa damı beretin bolady. Men Prezıdent Nazar­baev­tyń arqasynda Qazaq eli kór­keıe beredi dep senemin. Salman GEROEV, zeınetker: – Men búgingi Úndeýdi jarııa etýge qatysqan adamdardyń bári de ekiudaı bolyp qaldy ǵoı dep oı­laımyn. О́ıtkeni, elimizdiń bes mıl­lıon halqy ol kisiniń prezıdenttik ókilettigin on jylǵa uzar­týdy qalap otyr edi. Mundaı senimge ekiniń biri qol jetkize al­maıdy. О́tken jıyrma jylda­ǵy eńbek Elbasyna degen senimdi áb­den bekitkenin bilemiz. Bizdiń elimizde ult­aralyq tatýlyq, kon­fes­sııa­ara­lyq kelisim berik or­na­ǵan. Mun­daıǵa basqa elder qyzy­ǵa qaraıdy. Sondyqtan bizdiń halqy­myz Nur­sultan Ábish­uly­nyń áli de eldi basqarǵanyn qa­laıdy. Biraq, biz demokratııa talapta­ryn da oryndaýymyz kerek. Onyń ústine byltyr ǵana Eýro­padaǵy qaýipsizdik jáne ynty­maq­tastyq uıy­myna tóraǵa bo­lyp, demo­kra­tııa­ny saqtaýdy bas­qa elderden de talap ettik. Me­nińshe, Nursultan Ábishuly osy­ny eskerip, referendým ót­ki­zýden bas tart­ty ǵoı dep oılaımyn. О́z basym bul sheshim óte du­rys bol­dy dep sanaımyn. Ol óz ókilet­tiginiń eki jylǵa azaıýyna qa­ra­mastan, re­fe­rendým ótkizýdi qol­dap qolda­ryn qoıǵan halyq­tyń su­ranysyn aıaqsyz tastamaı, prezıdenttik saı­laýdy merziminen buryn ótkizý týraly sheshim qa­byldady. Bul da óte durys sheshim, men qol­daımyn. Halyqtyń tilegine Elbasy árqa­shan da qulaq asyp otyrýy kerek. Me­nińshe, Nursultan Ábishulynyń saılaýda óziniń qarsylastaryn jeńip shy­ǵatyny kúmánsiz. Nadejda PETÝHOVA, Astana qalalyq №1 balalar aýrýhanasynyń bas dárigeri, qalalyq máslıhattyń depýtaty: – Búgin biz Prezıdentimizdi kezekti ret bıikten kórdik. Ol ki­siniń qa­byldaǵan sheshimi, me­niń­she, óte durys sheshim boldy. Referendýmnan Kons­tıtýsııalyq Ke­­ńestiń sheshiminen keıin bas tartýy arqyly ol bizdiń elimizde zańnyń ústemdik etýin qalaı­ty­nyn kórsetti. Prezıdent Kons­tı­tý­sııanyń saqtalýyna kepildik be­retin tulǵa retinde ony birinshi kezekte ózi de moıyn­daı­tyn­dy­ǵyn kórsetti. Men alda bo­latyn pre­zı­denttik saılaýda onyń sóz­siz jeńetinine senimdimin. О́ıt­keni, qazir biz elimizdiń barlyq túkpirindegi halyqtyń oǵan úlken qur­metpen qaraıtynyn bilemiz. Ha­lyqtyń zor qurmetine ol ózi­niń isimen qol jetkizdi. Biz árqa­shanda onyń qamqorlyǵyn sezinip otyra­myz. Ási­rese, ha­lyqty áleý­mettik turǵydan qoldaýda ol kisiniń eń­begi ólsheýsiz. Al biz­diń álemge ataǵymyzdyń shyǵýy, shet elderde bizdi tanyp ja­tatyny tegisimen osy kisiniń eńbeginiń ar­qasy. Sheteldikter bizdi Nur­sultan Nazar­baev­tyń elinen kelgen adamdar dep tanyp, bizdiń eldi maqtaı jó­neledi. Sondaıda bizdiń Prezıden­ti­mizdiń barynsha tanymal, ataqty ári búkil álem moıyndaıtyn tul­ǵaǵa aınalǵany­na kózimiz jete tú­sedi. Men kór­gen sheteldikterdiń bári de bizdiń Prezıdentimizge qyzy­­ǵý­shylyq­pen qa­raıtynyn ja­syrmaıdy. О́ıtkeni, keıbir el bas­shy­la­ry­nyń durys júr­gizbegen saıasa­ty­nyń kesirinen ekono­mı­kasy damymaı, qoǵamda túsin­beý­shilik­ter týyp jatady. Tipti qan­tógiske jol bergen elder de kóp. Al biz­diń Prezıdentimizdiń dana saıasa­tynyń arqasynda elimizde ty­nysh­tyq, ózara túsinistik saltanat qurǵan. Sonyń arqasynda eko­nomıkamyz da qalypty damý jolyna túsken. Bizge tek osyndaı Prezıdent kerek. Son­dyqtan men onyń kelesi saılaýda sózsiz jeń­genin qalaımyn. Jazyp alǵan Jaqsybaı SAMRAT.