2015 jylǵy 4 qyrkúıek, Astana qalasy
«Qazaqstan Respýblıkasy Ulttyq qaýipsizdik komıtetiniń Aqmola oblysy boıynsha departamenti týraly erejeni bekitý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2014 jylǵy 9 jeltoqsandaǵy № 397 buıryǵyna
ózgeristermen tolyqtyrý engizý týraly
Qazaqstan Respýblıkasy Prezıdentiniń 1996 jylǵy 1 sáýirdegi № 2922 Jarlyǵymen bekitilgen Qazaqstan Respýblıkasynyń Ulttyq qaýipsizdik komıteti týraly ereje 16-tarmaǵynyń 3) tarmaqshasyna sáıkes buıyramyn:
1. «Qazaqstan Respýblıkasy Ulttyq qaýipsizdik komıtetiniń Aqmola oblysy boıynsha departamenti týraly erejeni bekitý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2014 jylǵy 9 jeltoqsanyndaǵy № 397 buıryǵyna (Normatıvtik quqyqtyq aktilerdi memlekettik tirkeý tiziliminde № 10010 bolyp tirkelgen, «Ádilet» aqparattyq-quqyqtyq júıesinde 2015 jylǵy 16 qańtarda jarııalanǵan) mynadaı ózgerister men tolyqtyrý engizilsin:
osy buıryqpen bekitilgen Qazaqstan Respýblıkasy Ulttyq qaýipsizdik komıtetiniń Aqmola oblysy boıynsha departamenti týraly erejede:
13-tarmaq mynadaı redaksııada jazylsyn:
«13. Departamenttiń Aqmola oblysy shegindegi negizgi mindetteri:
1) jeke adamnyń, qoǵam men memlekettiń qaýipsizdigin qamtamasyz etý salasyndaǵy memlekettik saıasatty iske asyrýǵa qatysý;
2) «Syrtqy barlaý týraly» Qazaqstan Respýblıkasynyń Zańyna sáıkes Qazaqstan Respýblıkasynyń múddesi úshin barlaý aqparatyn tabý;
3) arnaýly qyzmetterdiń, shet memleketter men halyqaralyq uıymdardyń, sondaı-aq jekelegen adamdardyń barlaý-búldirý jáne ózge de Qazaqstan Respýblıkasynyń konstıtýsııalyq qurylys negizderin, ekonomıkalyq jáne qorǵanys áleýetin álsiretýmen jáne (nemese) onyń qaýipsizdigine ózge de zalal keltirýmen baılanysty is-áreketterin anyqtaý, aldyn alý jáne jolyn kesý;
4) Qazaqstan Respýblıkasynyń konstıtýsııalyq qurylysyn kúshtep ózgertýge, tutastyǵyn buzýǵa jáne qaýipsizdigin álsiretýge baǵyttalǵan terrorıstik jáne ózge de is-áreketterdi anyqtaý, aldyn alý jáne jolyn kesý;
5) oblys aýmaǵynda terrorızm men ekstremızmge qarsy kúres is-salasyndaǵy qyzmetti úılestirýge qatysý;
6) zańnamamen ulttyq qaýipsizdik organdarynyń quzyryna jatqyzylǵan qylmystyq quqyq buzýshylyqtardy anyqtaý, jolyn kesý, ashý jáne tergeý;
7) jedel-izdestirý qyzmeti sýbektileriniń tapsyrmalaryna sáıkes arnaıy jedel-izdestirý is-sharalaryn uıymdastyrý jáne ótkizý;
8) jedel-izdestirý qyzmeti sýbektileriniń tapsyrmalaryna sáıkes arnaıy jedel-izdestirý is-sharalaryn ótkizýdi qamtamasyz etý úshin jaǵdaı jasaý;
9) jasyryn tergeý áreketterin zańnamamen belgilengen tártipte uıymdastyrý jáne ótkizý;
10) jasyryn tergeý áreketterin qamtamasyz etý úshin jaǵdaı jasaý;
11) Qazaqstan Respýblıkasy zańdarymen, Prezıdentiniń jáne Ulttyq qaýipsizdik komıteti Tóraǵasynyń aktilerimen anyqtalatyn ózge de maqsattar bolyp tabylady.»;
14-tarmaq mynadaı redaksııada jazylsyn:
«14. Departament Qazaqstan Respýblıkasynyń zańnamasymen belgilengen tártipte jáne óz quzyreti sheginde Aqmola oblysynyń aýmaǵynda mynadaı fýnksııalardy júzege asyrady:
1) ulttyq qaýipsizdikti qamtamasyz etý salasynda memlekettik saıasatty iske asyrýǵa qatysady;
2) ulttyq qaýipsizdikti qamtamasyz etý boıynsha memlekettik (salalyq) baǵdarlamalardy iske asyrýǵa qatysady;
3) Qazaqstan Respýblıkasy Ulttyq qaýipsizdik komıteti basshylarynyń ruqsatymen jáne óz quzyreti sheginde Qazaqstan Respýblıkasynyń halyqaralyq sharttaryna sáıkes halyqaralyq, memleketaralyq jáne ózge de uıymdardyń jumysyna qatysady, ulttyq qaýipsizdik organdarynyń quzyretine jatatyn qyzmet salasynda shet memleketterdiń arnaýly qyzmetterimen, quqyq qorǵaý organdarymen, shet memleketterdiń úkimettik jáne arnaýly baılanys organdarymen, halyqaralyq qaýipsizdik qurylymymen jáne quqyq qorǵaý uıymdarymen ózara is-qımyldy jáne halyqaralyq yntymaqtastyqty qamtamasyz etedi;
4) ulttyq qaýipsizdikti qamtamasyz etý salasyndaǵy sheshimderdi qabyldaý úshin qajetti aqparatpen memlekettik organdardy qamtamasyz etedi;
5) Qazaqstan Respýblıkasynyń konstıtýsııalyq qurylysy, ekonomıkalyq jáne qorǵanys áleýeti negizderin qarsylastyń barlaý-búldirý áreketinen qorǵaý boıynsha qarsy barlaý qyzmetin uıymdastyrady jáne júzege asyrady;
6) óz quzyreti sheginde Qazaqstan Respýblıkasynyń shekara qaýipsizdigin qamtamasyz etýge baǵyttalǵan barlaý, qarsy barlaý jáne jedel izdestirý qyzmetin uıymdastyrady jáne qamtamasyz etedi;
7) Qazaqstan Respýblıkasynyń konstıtýsııalyq qurylysyn kúshtep ózgertýge, tutastyǵyn buzýǵa jáne qaýipsizdigin álsiretýge baǵyttalǵan terrorızmge, ekstremızmge jáne ózge de is-áreketterge qarsy kúres boıynsha sharalardy ázirleıdi jáne iske asyrady, memlekettik organdardyń terrorızmge jáne ekstremızmge qarsy is-qımyl salasyndaǵy qyzmetin úılestirýdi júzege asyrady. Oblys aýmaǵynda terrorızmge qarsy operasııalardy ótkizýdi uıymdastyrady;
8) terorıstik turǵydan osal obektilerdi terrorızmge qarsy qorǵaý deńgeıin arttyrýǵa terrorıstik qaýip-qaterdiń sıpaty men ózindik ereksheligi týraly olardyń basshylaryna aqparat berý, terrorızmge qarsy is-qımyl jáne terrorızmge qarsy qorǵaý boıynsha usynymdar ázirleý, terrorıstik turǵydan osal obektilerde terrorızmge qarsy praktıkalyq oqý-jattyǵýlar ótkizý arqyly yqpal etedi;
9) Qazaqstan Respýblıkasynyń memlekettik organdary men jergilikti ózin-ózi basqarý organdarynyń qaýipsizdik jáne terrorıstik qaýip-qaterlerdi beıtaraptandyrýǵa daıyndyq júıesin jetildirý boıynsha sharalar keshenin iske asyrýyna baqylaý jasaýdy júzege asyrady;
10) azamattardy áskerı qyzmetke shaqyrý merziminde shaqyrý komıssııasynyń jumysyna qatysady;
11) Qazaqstan Respýblıkasy jergilikti áskerı organ basqarmalary usynǵan jıyntyq derekterdiń negizinde Ulttyq qaýipsizdik komıteti Shekara qyzmetine qajetti shaqyrylýshy kontıngentke monıtorıng pen irikteýdi júzege asyrady;
12) irgeles jatqan memleketterdiń aýmaǵynan Qazaqstan Respýblıkasynyń Memlekettik shekarasyn jappaı ótý, Qazaqstan Respýblıkasynyń konstıtýsııalyq qurylysyn kúshpen ózgertý áreketteri, terrorızm aktileri, Qazaqstan Respýblıkasynyń Konstıtýsııasyn buza otyryp, bılikti kúshpen basyp alý nemese bılikti kúshtep ustaý áreketteri, dıversııa, qarýly kóterilis saldarynan týyndaǵan áleýmettik sıpattaǵy tótenshe jaǵdaılardy anyqtaıdy, eskertedi jáne jolyn kesedi, sondaı-aq, «Tótenshe jaǵdaı týraly» 2003 jylǵy 8 aqpandaǵy Qazaqstan Respýblıkasynyń Zańynda qarastyrylǵan ózge de is-qımyldardy júzege asyrady;
13) zańnamamen belgilengen tártipte jedel-izdestirý jáne qarsy barlaý (onyń ishinde radıoqarsybarlaý) qyzmetin, sotqa deıingi tergep-tekserýdi uıymdastyrady jáne tikeleı júzege asyrady;
14) Qazaqstan Respýblıkasynyń arnaýly memlekettik jáne quqyq qorǵaý organdaryna, Qarýly Kúshterine, basqa da áskerleri men áskerı quralymdaryna qoǵamdyq qaýipsizdikti, zańdylyqty, quqyqtyq tártipti, eldiń qorǵanys qabilettiligin qamtamasyz etýge, ózge de alǵa qoıylǵan mindetterdi sheshýge kómek kórsetedi;
15) ýákiletti organdarmen birlesip qarsylastyń barlaý-búldirý aksııasyn júrgizýi úshin jaǵdaı jasaıtyn syrtqy jáne ishki faktorlardy joıý jáne beıtaraptandyrý boıynsha, onyń ishinde transulttyq qylmystyq qoǵamdastyqqa, zańsyz kóshi-qonǵa, qarý-jaraqtardyń, oq-dárilerdiń, jarylǵysh jáne ýlandyrǵysh zattardyń, esirtki quraldarynyń, psıhotroptyq zattar men prekýrsorlardyń, aqparatty jasyryn alýǵa arnalǵan arnaıy tehnıkalyq quraldar men elektrondyq qurylǵylardyń zańsyz aınalymyna qarsy is-qımyl boıynsha sharalar ázirleýge jáne júzege asyrýǵa qatysady;
16) Qazaqstan Respýblıkasynyń múddesine óz quzyreti sheginde barlaý qyzmetin uıymdastyrady jáne júzege asyrady;
17) ulttyq qaýipsizdik organdarynyń quzyretine jatatyn máseleler boıynsha memlekettik organdarmen, sondaı-aq ózge de uıymdarmen ózara is-qımyldy júzege asyrady;
18) memlekettik organdar men uıymdardaǵy memlekettik qupııalardy quraıtyn málimetterdi qarsy barlaýlyq qorǵaý boıynsha sharalardy ázirleıdi jáne júzege asyrady, sondaı-aq olardyń atalǵan saladaǵy qyzmetin baqylaıdy;
19) Qazaqstan Respýblıkasynyń azamattaryna memlekettik qupııalardy quraıtyn málimetterge ruqsatty resimdeýge (qaıta resimdeýge), sondaı-aq uıymdarǵa memlekettik qupııalardy quraıtyn málimetterdi paıdalanýǵa baılanysty qyzmetke ruqsat berýge arnaıy tekserý júrgizýmen, memlekettik qupııalardy qorǵaý quraldaryn jasaýmen, sondaı-aq memlekettik qupııalardy qorǵaý boıynsha is-sharalardy júrgizýmen jáne (nemese) qyzmet kórsetýlermen baılanysty sharalardy iske asyrady;
20) Aqmola oblysy aýmaǵyndaǵy shet memleketter ókildikteriniń jáne halyqaralyq uıymdardyń qaýipsizdigin qamtamasyz etý boıynsha basqa quzyretti organdarmen ózara is-qımylda sharalar qoldanady;
21) memlekettik qyzmetke kiretin (onda jumys isteıtin) Qazaqstan Respýblıkasy azamattaryna Qazaqstan Respýblıkasynyń zańnamasynda belgilengen tártipte jáne shekte mindetti arnaıy tekserýdi uıymdastyrady jáne júrgizedi;
22) belgilengen tártippen tehnıkalyq barlaýǵa qarsy is-qımyl jónindegi qyzmetti júzege asyrady;
23) ulttyq qaýipsizdik organdary ótkizetin jedel-izdestirý is-sharalary men tergeý áreketterin tehnıkalyq qamtamasyz etýdi uıymdastyrady;
24) Memlekettik qyzmet kórsetý tizilimimen aıqyndalǵan quzyretine sáıkes memlekettik qyzmetter kórsetedi;
25) memlekettik organdar men uıymdarda qupııalylyq rejımin qamtamasyz etý boıynsha jumysty úılestiredi jáne baqylaıdy;
26) memlekettik qupııalardy qorǵaý salasynda ákimshilik quqyq buzýshylyqtar men qylmystyq teris qylyqtar boıynsha sotqa deıingi óndiristi uıymdastyrady jáne tikeleı júzege asyrady;
27) memlekettik qupııalardy qorǵaý boıynsha normatıvtik jáne ádistemelik aktilerdi ázirleý men oryndaý maqsatynda memlekettik qupııalardy qorǵaý organdarynyń qyzmetin úılestiredi jáne baqylaıdy;
28) memlekettik qupııalardy qorǵaý boıynsha oblys aýmaǵynda quqyqtyq, ákimshilik, ekonomıkalyq, tehnıkalyq, baǵdarlamalyq jáne krıptografııalyq sharalar júıesiniń oryndalýyn baqylaıdy;
29) arnaıy jedel-izdestirý is-sharalarynyń jáne jasyryn tergeý áreketteriniń nátıjelerin resimdeıdi;
30) arnaıy jedel-izdestirý is-sharalaryn ótkizýge arnalǵan arnaıy tehnıkalyq quraldardyń jumysqa qabilettiligin qalypta ustaıdy;
31) memlekettiń jáne qoǵamnyń, jeke tulǵanyń múddelerine zalal keltiretin, jeli toraptary men baılanys qurylǵylaryn qylmysty maqsatta paıdalanýdyń jolyn kesýdi jáne anyqtaýdy qamtamasyz etedi;
32) jedel-izdestirý is-sharalaryn júzege asyrý barysynda aqparatty jasyryn túrde alýǵa arnalǵan (qurastyrylǵan, beıimdelgen, baǵdarlamalanǵan) arnaıy tehnıkalyq qurylǵylarynyń aınalymyna baqylaýdy júzege asyrady;
33) Departament qyzmetkerleri men jumyskerlerin, sondaı-aq qupııa kómekshilerdi qorǵaýdy uıymdastyrady jáne qamtamasyz etedi;
34) qylmystyq proseske qatysýshy adamdardy memlekettik qorǵaý týraly Qazaqstan Respýblıkasynyń zańnamasyna sáıkes, memlekettik qorǵaýǵa jatatyn adamdardyń qaýipsizdigin qamtamasyz etedi;
35) ulttyq qaýipsizdik organdary qyzmetkerleriniń, mekemeleriniń, oryn-jaılardyń jáne kólik quraldarynyń vedomstovolyq qatystylyǵyn qupııalaý boıynsha sharalardy júzege asyrady;
36) Departamenttiń jaýyngerlik, tehnıkalyq, materıaldyq, qarjylyq, ǵylymı, aqparattyq, quqyqtyq, áleýmettik-turmystyq, áskerı-medısınalyq (medısınalyq) jáne basqa da túrlerimen qamtamasyz etilýin, sonyń ishinde ǵımarattar men kúrdeli qurylystardy salýdy jáne qaıta salýdy, jóndeýdi, turǵyn úı salýdy, jóndeýdi uıymdastyrady;
37) ulttyq qaýipsizdik organdary quzyretiniń sheginde jeke jáne zańdy tulǵalardyń ótinishterin qabyldaýdy jáne qaraýdy júzege asyrady;
38) Departamentte qujattandyrý jáne qujattamalardy basqarý, is júrgizýdi uıymdastyrý jáne júrgizý, muraǵat isin uıymdastyrý tártibin qamtamasyz etedi, osy maqsatta Qazaqstan Respýblıkasynyń zańnamasyna sáıkes aqparattyq júıelerdi paıdalanady;
39) jedel-qyzmettik is-qımyldy qamtamasyz etý sheńberinde polıgrafologııalyq (psıhologııalyq-áleýmettanýlyq qamtamasyz etý qyzmetkerleriniń shtattyq birlikteri bolǵan kezde), psıhologııalyq-áleýmettanýlyq jáne psıhofızıologııalyq zertteýlerdi júrgizedi;
40) áskerı-dárigerlik saraptama, onyń ishinde ulttyq qaýipsizdik organdarynda qyzmet etýge densaýlyq jaǵdaıy boıynsha jaramdylyǵyn, ulttyq qaýipsizdik organdarynda qyzmet ótkerýine (mindetterin oryndaý) baılanysty azamattardyń aýrýlarynyń, mertigýleriniń (jaralanýlardyń, jaraqattanýlardyń, kontýzııa alýdyń) nemese qaıtys bolýynyń sebepti saldaryn anyqtaý úshin psıhofızıologııalyq kýálandyrý, sondaı-aq esirtkige qatysty test júrgizedi;
41) Qazaqstan Respýblıkasynyń Ákimshilik quqyq buzýshylyq týraly kodeksinde belgilengen tártippen ákimshilik quqyq buzýshylyq týraly isti qaraıdy jáne ákimshilik jaza qoldanady;
42) ulttyq qaýipsizdik múddelerin qozǵaıtyn oqıǵalar men faktiler týraly aqparatty ýaqtyly alý maqsatynda múddeli memlekettik organdardyń kezekshilik qyzmetterimen ózara is-qımyldy júzege asyrady;
43) ǵımarattardy, obektilerdi kúzetýdi, sondaı-aq ótkizý jáne ishki obektilik rejımdi qamtamasyz etýdi uıymdastyrady;
44) Departamentte quqyqtyq tártipti qamtamasyz etedi;
45) Departamentte memlekettik tildi damytý men qoldaný aıasyn keńeıtý boıynsha jumystardy uıymdastyrady jáne júrgizedi;
46) Qazaqstan Respýblıkasy zańdarymen, Prezıdentiniń aktilerimen, sondaı-aq Ulttyq qaýipsizdik komıteti Tóraǵasynyń normatıvtik quqyqtyq aktilerimen onyń quzyryna jatqyzylǵan ózge de fýnksııalardy oryndaıdy.»;
16-tarmaq mynadaı redaksııada jazylsyn:
«16. Departament júktelgen mindetterdi sheshý jáne fýnksııalardy oryndaý úshin zańnamamen belgilengen tártippen:
1) zańnamamen ulttyq qaýipsizdik organdarynyń quzyryna jatqyzylǵan qylmystardy anyqtaý, aldyn alý, jolyn kesý jáne ashý maqsatynda jalpy jáne arnaıy jedel izdestirý jáne qarsy barlaý is-sharalaryn, saraptamalyq-krımınalıstıkalyq, psıhologııalyq-áleýmettanýlyq zertteýler júrgizýge;
2) Qazaqstan Respýblıkasynyń memlekettik qupııalardy qorǵaý týraly zańnamasyna nemese belgilengen tártipti buza otyryp, Qazaqstan Respýblıkasynyń aýmaǵynda radıoelektrondy habardy jiberýshi qurylǵylaryn qoldanýdyń jolyn kesýge;
3) maqsattary men is-qımyldary memlekettiń qaýipsizdigin álsiretýge, Qazaqstan Respýblıkasynyń tutastyǵyn buzýǵa, konstıtýsııalyq qurylysty kúshpen ózgertýge baǵyttalǵan shet memleketter arnaýly qyzmetteri men uıymdarynyń, qylmystyq toptardyń ishine enýdi júzege asyrýǵa;
4) barlaý is-sharalaryn júrgizý kezinde, onyń ishinde arnaıy tehnıkalyq jáne radıoelektrondy qurylǵylardy paıdalaný arqyly Qazaqstan Respýblıkasy syrtqy barlaý sýbektilerimen ózara is-qımyl jasaýǵa;
5) ýákiletti memlekettik organdarmen birlesip ózderiniń is-áreketterimen qoǵam men memlekettiń qaýipsizdigine qaýip tóndiretin shetel azamattary men azamattyǵy joq adamdardyń Qazaqstan Respýblıkasyna kelýleriniń jolyn jabý jáne odan shyǵarý týraly máselelerdi sheshýge;
6) zańnamamen ulttyq qaýipsizdik organdarynyń quzyryna jatqyzylǵan qylmystyq quqyq buzýshylyqtardy anyqtaý, jolyn kesý, ashý jáne tergeý kezinde qylmystyq is júrgizý zańnamasymen kózdelgen shekterde basqa organdarǵa mindetti túrde oryndalatyn tapsyrma berýge;
7) azamattardy óndiristegi materıaldar boıynsha Departamentke shaqyrýǵa, olardan túsinikteme, anyqtama, qujattar alýǵa jáne olardan kóshirlemeler túsirýge; shaqyrý boıynsha kelýden bas tartqan adamdardy májbúrlep ákelýge;
8) zańnamaǵa sáıkes qylmystyq quqyq buzýshylyq jasady degen negizdi kúdik týǵyzǵan kezde azamattardan olardyń jeke basyn kýálandyratyn qujattaryn tekserýge. Qylmystyq quqyq buzýshylyq jasaýǵa kúdik týǵyzǵan adamdardy ustaýǵa, qujattardy tekserýdi, ustalǵandardy jáne olardyń kólik quraldaryn jeke tekserip qaraýdy, sondaı-aq olardyń zattary men qujattaryn alýdy júzege asyrýǵa;
9) terrorızmge qarsy operasııalarǵa qatysýda jáne terrorızmge qarsy operasııalardyń quqyqtyq rejımin qamtamasyz etýde «Terrorızmge qarsy is-qımyl týraly» Qazaqstan Respýblıkasynyń Zańynda kózdelgen sharalar men ýaqytsha shekteýlerdi qoldanýǵa;
10) qylmystyq quqyq buzýshylyqtardyń aldyn alý, qylmystyq quqyq buzýshylyq jasaǵan nemese qylmystyq quqyq buzýshylyq jasady dep kúdik týǵyzǵan adamdardyń izin kesý men ustaý, ustalǵandardy ustaý oryndaryna jetkizý, sondaı-aq oqıǵa bolǵan jerge barý jáne shuǵyl medısınalyq kómekti qajet etetin azamattardy emdeý mekemelerine jetkizý úshin basqa uıymdarǵa tıesili baılanys quraldardy, kólik quraldaryn paıdalanýǵa quqyly. Olardyń ıeleriniń talaptary boıynsha baılanys quraldary men kólik quraldaryna keltirilgen naqty zalaldy Qazaqstan Respýblıkasynyń zańnamasynda belgilengen tártippen óteıdi;
11) Ulttyq qaýipsizdik komıtetiniń Tóraǵasy belgilegen tártippen Qazaqstan Respýblıkasynyń azamattaryn erikti túrde shtattan tys jedel qyzmetkerler retinde tartýǵa;
12) Qazaqstan Respýblıkasynyń qaýipsizdigine tóngen qaýip-qaterdi iske asyrýǵa sebepshi bolatyn, tergelýi Qazaqstan Respýblıkasynyń zańnamasymen ulttyq qaýipsizdik organdarynyń quzyryna berilgen qylmystyq quqyq buzýshylyqtardyń jasalýyna yqpal etetin sebepter men jaǵdaılardy joıý týraly oryndalýy mindetti usynystardy memlekettik organdar men uıymdarǵa engizýge;
13) arnaıy kúzetiletin erekshe rejımdegi aýmaqtarǵa jáne ózge de obektilerge ený nemese enýge áreket etýmen baılanysty quqyq buzýshylyq jasaǵan adamdardy ákimshilik qamaýǵa alýdy júzege asyrýǵa. Olardyń jeke basyn kýálandyratyn qujattaryn tekserýge, olardan túsiniktemeler alýǵa, olardy jeke qarap tekserýdi jáne tekserýdi, olardyń zattary men qujattaryn alyp qoıýdy júzege asyrýǵa;
14) sharttyq negizde Qarýly Kúshterdiń, basqa da áskerler men áskerı quralymdardyń jáne ózge de uıymdardyń qyzmettik oryn-jaılaryn, kólik jáne ózge de tehnıkalyq quraldaryn, sondaı-aq jeke jáne zańdy tulǵalardyń turǵyn jáne ózge de oryn-jaılaryn, kólik quraldary men ózge múlikterin paıdalanýǵa;
15) zańnamada belgilengen tártipte áskerı-medısınalyq qamtamasyz etýdi uıymdastyrý men áskerı-dárigerlik saraptama júrgizý úshin medısınalyq bólimshelerdi ıelenýge;
16) Departament mindetiniń bóligin oryndaıtyn jáne ádilet organdarda tirkelýge jatpaıtyn, organnyń ornalasqan jerinen ózge jerde ornalasqan oqshaýlanǵan bólimshesin ıelenýge;
17) Departamentke júktelgen mindetter men fýnksııalardy oryndaýǵa qajetti Qazaqstan Respýblıkasynyń memlekettik organdarynyń aýmaqtyq organdarymen birlesken aktilerdi shyǵarýǵa;
18) Departamentke júktelgen mindetterdi oryndaý úshin qajetti aqparatty memlekettik organdardan, Qarýly Kúshterden, basqa da áskerlerden, áskerı quralymdar men uıymdardan óteýsiz jáne Qazaqstan Respýblıkasynyń zań aktilerinde belgilengen kommersııalyq, banktik jáne zańmen qorǵalatyn ózge de qupııany quraıtyn málimetterdi jarııa etýge qoıylatyn talaptardy saqtaı otyryp alýǵa;
19) Departament qyzmetkerleri men jumyskerlerin issaparǵa jiberýge;
20) Departament qyzmetine qatysty muraǵattyq jedel, tergeý jáne basqa da materıaldardy saqtaý men paıdalanýdy júzege asyrýǵa;
21) Departament obektilerine qyzmet kórsetetin azamattar men zańdy tulǵalarǵa olardy tekserý jáne zerdeleý jumystaryn júrgizgennen keıin ruqsat berýdi júzege asyrýǵa;
22) jeke tulǵalar Departament obektilerine jáne oryn-jaılaryna kirgen (kólikpen kirgen) jáne shyqqan (kólikpen shyqqan) kezde olardyń jeke basyn kýálandyratyn qujattaryn tekserýge, olardyń ózimen alyp júretin zattaryn tekserýge (kúzetiletin adamdardan basqa);
23) Departament bólimshelerinde qupııalylyq rejımin qamtamasyz etý, memlekettik qupııalardyń saqtalýy, qupııa jáne qupııa emes is júrgizýdi uıymdastyrý jumystarynyń jaı-kúıin baqylaýdy júzege asyrýǵa, tekserýdi uıymdastyrýǵa;
24) Departament qyzmetkerleriniń jeke basyn, olardyń bólimsheleriniń, úı-jaılary men kólik quraldarynyń vedomstvolyq tıesiligin nemese ulttyq qaýipsizdik organdaryna qupııalylyq negizde járdem kórsetetin azamattardyń jeke basyn shıfrlaý maqsatynda basqa memlekettik organdardyń, sondaı-aq uıymdardyń qujattaryn paıdalanýǵa;
25) taýarlardy jedel-tehnıkalyq is-sharalardy júrgizýge arnalǵan arnaıy tehnıkalyq quraldarǵa jáne aqparatty krıptografııalyq qorǵaý quraldaryna jatqyzý turǵysynan tehnıkalyq zertteýler júrgizýge, olar boıynsha tıisti qorytyndylar berýge;
26) arnaıy tehnıkalyq quraldardy jáne aqparatty krıptografııalyq qorǵaý quraldaryn ákelýge nemese áketýge qorytyndylar (ruqsat beretin qujattar) berýge, krıptografııalyq fýnksııalary bar taýarlardyń sıpattamalary týraly notıfıkasııalardy tirkeýge, olar boıynsha tıisti ruqsattardy berýge jáne notıfıkasııalar tirkeý týraly jeke jáne zańdy tulǵalardyń ótinishterin qaraýǵa;
27) ulttyq qaýipsizdik organdarynyń qyzmetkerleriniń arnaıy jáne dene daıyndyǵyn uıymdastyrý úshin, sondaı-aq ár deńgeıdegi sport sharalaryn ótkizýge, sport ǵımarattaryn jalǵa alýǵa, ıelenýge;
28) belgilengen tártipte qarý-jaraqtardy, oq-dárilerdi, arnaıy qorǵaý men qorǵanys quraldaryn jabdyqtalǵan orynda saqtaýǵa;
29) Qazaqstan Respýblıkasy zańdarymen, Prezıdentiniń aktilerimen, sondaı-aq Qazaqstan Respýblıkasy Ulttyq qaýipsizdik komıteti Tóraǵasynyń normatıvtik quqyqtyq aktilerimen belgilengen ózge de fýnksııalardy júzege asyrýǵa quqyly.»;
mynadaı redaksııadaǵy 22-1-tarmaqpen tolyqtyrylsyn:
«22-1. Qoıylǵan qarsy barlaý, barlaý mindetterin tabysty sheshý úshin qajetti jáne jetkilikti jaǵdaılardy jasaý, qoldaý jáne damytý jónindegi basqarýshylyq sheshimderdi ázirleý jáne iske asyrý maqsatynda Departamentte konsýltatıvtik-keńesshi organ – Keńes qurylady. Keńes qyzmetin uıymdastyrý belgilengen talaptarǵa sáıkes júzege asyrylady.».
2. Qazaqstan Respýblıkasy Ulttyq qaýipsizdik komıtetiniń Aqmola oblysy boıynsha departamenti zańnamamen belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqtyń Aqmola oblysy Ádilet departamentinde memlekettik tirkelýin;
4) osy buıryq Aqmola oblysy Ádilet departamentinde memlekettik tirkeýden ótkennen keıin on jumys kúni ishinde Qazaqstan Respýblıkasy Ulttyq qaýipsizdik komıtetiniń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalǵany jóninde málimetterdiń usynylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq qaýipsizdik komıtetiniń Tóraǵasy N.ÁBIQAEV
Buıryq Qazaqstan Respýblıkasynyń Ádilet mınıstrliginde 2015 jylǵy 8 qazandaǵy Normatıvtik quqyqtyq kesimderdi memlekettik tirkeýdiń tizilimine № 12153 bolyp engizildi.