Jaýapkershilik. Túsinistik. Jedeldik.

Astana qalasy baspasóz or­ta­lyqtarynyń jumys­yn úıles­tirýshi Medeý QAR­SAQ­BAEV­PEN áńgime. – Astana qalasynyń Azıa­daǵa arnalǵan bas­pa­s­óz orta­lyqtarynyń qyz­meti jaı­ly aıtyp ótseńiz. – Elordada Qysqy Azııa oıyn­daryna arnalǵan baspasóz orta­lyq­tarynyń sany tórteý. Eń bas­ty ortalyq «Dýman» qonaq úıiniń ǵımaratynda orna­lasqan. Ol óz jumysyn 28 qań­tardan bastap ketken bolatyn. Bul jerde 150 BAQ ókilderi bir mezette jumys isteı alady. 30 teleoperatorlar men fototilshilerge ar­nal­ǵan «Arıstokrat» jumys kabınetimiz de bar. Ol jerden beıne ma­terıaldardyń jumystaryn ja­saı­t­yn barlyq tehnıkalardy ta­basyz. Sondaı-aq, oıyn nátı­je­lerine arnalyp jumys isteıtin «INFA – 2011» baǵdarla­malyq 7 kompıýter jab­dyqtal­ǵan. 10 monıtor bir mezette ár­túr­li j­a­rys alań­darynda bolyp jatqan doda­lardy kór­setip tu­ra­dy.  Bar­lyq orynǵa arnal­ǵan kompıýterler ǵalamtor jelisine qosylyp, telefondar da halyqaralyq baı­lanys múmkin­digin júzege asyra alady. Mun­da shtab boıynsha 7 qadaǵa­laýshy qyzmetker jumys isteıdi. Eń negizgi jaýapty adam ol – bas­pasóz ortalyǵynyń jumy­syn úılestirýshi. Sony­men qatar, saıt­qa salatyn ma­terıal­dardyń ústi­nen qaraıtyn qo­sym­­sha redaktorlar, «Qazaq­tele­kom» AQ-tyń jaýa­pty qyz­metkerleri, kabel sym­daryn júrgizgen merdigerlik fırma­nyń jumysshy­lary, sheteldik jýrnalıstermen jumys isteıtin menedjerler de qarastyrylǵan. Budan basqa ortalyqtar «Qa­zaq­stan» sport kesheni, Konkımen syrǵanaý stadıony men Res­pýblıkalyq velotrekte ju­mys isteıdi. «Qazaqstan» sport ke­shenin­de 95 oryndy bolsa, Kon­kımen syr­ǵanaý stadıo­nyn­da 40, Respýb­lıkalyq velotrekte 55 oryn bar. Olardyń da teh­nıkalyq jaǵdaı­lary bizdikimen birdeı. Barlyǵyn­da jıyn ótki­zetin arnaıy oryndar bar. Ol jerler sınhrondy quryl­ǵylar­men jabdyqtalǵan. – Medeý Serikuly, jumys barysynda qıyn­­shy­lyqtar ne­­mese este qalar­lyqtaı oqı­ǵa­lar boldy ma? – Qıynshylyqtar bolmady emes, boldy. Biraq sheshilmeıtin má­se­le joq qoı. Olardyń bári jumys barysynda sheshilip jatty. Al endi este qala­tyn oqıǵa týraly aıtsam, esime birden bas baspasóz ortalyq jumys istegen kúnnen buryn bol­ǵan bir jaıt túsedi. Baspa­sóz orta­lyq­taryndaǵy bezendirilý jumys­taryna jaýapty adam­­dar ózderi­niń jumystaryn 28-i kúni tańer­teń bizge kór­setýge tıis bolatyn. Alaıda biz aldyn-ala bá­rin to­lyǵymen tekserip shy­ǵaıyq degen oımen bir kún buryn olar­dyń ju­mystaryn kór­dik. Sol kezde aq­parattyq taqtaı­sha­lardyń, ar­naıy stendterdiń bezendirilýi bizge onsha unaı qoımady. Sóı­tip, qaıtadan jasaý kerek bol­dy da kelesi kúni qaıtadan daıyn­da­lyp, kóńilge qonymdy bolyp shyqty. – Sheteldik aqparat qural ókilderiniń kómek surap, sizderge júgingen kezderi boldy ma? – Ondaı jaǵdaılar kóp bol­dy. Jasyratyny joq, olardyń taraptarynan kishigirim eskertý de aldyq. Árıne kemshiliksiz nár­­se bolmaıdy ǵoı. Qarbalas­tyqtan keıbir aqparattyq shıkilikter boldy. Azıadaǵa ar­nal­ǵan veb-saıt betinde hokkeıge arnal­ǵan aqparattar tizbeginde hokkeı­diń qaı túrinen bolatyn­dyǵy jaıynda jazyl­mapty. Bir jaǵy­nan  anyqtap alý úshin biz­diń kó­megimizge júgindi. Al ekinshi jaǵynan biz úshin bul úlken bir tájirıbe boldy. Endi ondaı shıkilikterdi boldyr­maýǵa sabaq alǵandaı boldyq. – Azıadaǵa arnalǵan saıt­taǵy málimetter qansha ýa­qyt­ta jańartylyp otyra­dy? – 10-15 mınóttiń ishinde. Áńgimelesken Araı ÚIRENIShBEKQYZY.