Elordada «Mádenı Azıada» baǵdarlamasy aıasynda – «Saryarqa» saýda ortalyǵynda Sporttyq taýarlar men kádesyı ónimderiniń kórme-jármeńkesi uıymdastyrylýda.
Ony tamashalaýshy jurtshylyq sporttyq kıim úlgisiniń san túrimen tanysyp, ol jaıynda arnaıy maman-satýshylardan keńes alýda. «Azııa sport» dúkeniniń satýshysy, kórmege kádesyılarmen kelgen Serik Mataev elimizde baıraǵy kóterilgen Qysqy Azııa oıyndary otandyq sportshylarǵa tyń serpin beredi degen senimde ekenin aıta kele, bul ótip jatqan shara Aq Azıadaǵa degen el qurmetiniń belgisi ekenin jetkizdi.
Azıadaǵa arnalǵan atalmysh sharada kelgen qonaqtarǵa qoldarynan kelgenshe qolǵabys jasap elgezektik tanytyp júrgen eriktilerdi de jolyqtyrdyq. О́zderin L.N.Gýmılev atyndaǵy Eýrazııa ulttyq ýnıversıtetiniń stýdentterimiz dep tanystyrǵan Gúljıhan О́zdenbaeva men Zarına Asabaeva elimizdiń abyroıyn kóteretin dúbirli dodada qyzmet kórsetý úlken baqyt deıdi kúlimsiregen qalyptary. Bularǵa bólingen jumys Azıadaǵa arnalǵan túrli mádenı sharalardyń basy-qasynda bolyp, oǵan kelýshi jurtqa jol kórsetý eken. Biz olardyń óz mindetterin minsiz atqaryp júrgenderiniń kýási boldyq. Osy rette jan-tánderimen berile jumys jasap júrgen eriktilerge eriksiz rıza bolasyń.
«Mádenı Azıada» sheńberinde ótkizilip jatqan bul shara 10 aqpanǵa deıin jalǵaspaq.
Ábdirahman QYDYRBEK.