Memlekettik qyzmet isteri jónindegi oblystyq departament sheneýnikterdiń buryn isti bolǵan adamdy qyzmetke qabyldaǵan is-áreketine óz baǵasyn berdi.
Qurylymnyń ádep jónindegi otyrysynda M.Jumabaev aýdanynyń ákimi Asqar Begmanovtyń jemqorlyqtyń aldyn alý, memlekettik qyzmetshilerdiń tártibin nyǵaıtý baǵytynda atqarylyp jatqan sharalar jaıly habarlamasy tyńdalyp, olqylyqtardy joıý mindetteldi. Eki jyl ishinde aýdanda laýazymdy tulǵalar tarapynan 427 zań buzýshylyqtyń tirkelgeni belgili boldy.
Solardyń biri – oblystyq mádenıet basqarmasynyń burynǵy basshysy Talǵat Aqylbekovtiń sybaılas jemqorlyqqa jol berip, abaqtyda otyrǵanyna qaramastan, halyq shyǵarmashylyǵy ortalyǵynyń jetekshisi bolyp ornalasýy. Mundaı barmaq basty, kóz qysty áreket gazette laýazymdyq qyzmetke taǵaıyndaý týraly konkýrs jarııalanǵannan keıin júrgizilgen tekseris barysynda áshkerelengen. Osylaısha sot sheshimimen «Memlekettik qyzmet týraly» Zań talaptaryn óreskel burmalaǵan aýdandyq mádenıet jáne tilderdi damytý bóliminiń meńgerýshisi Tamara Grıbovaǵa 100 aılyq eseptik kórsetkish kóleminde aıyppul salynǵan.
Talqylaý barysynda onyń zańǵa qaıshy áreketteri moınyna qoıylyp, betine basyldy.
Baqyt RAMAZAN,
jýrnalıst
Soltústik Qazaqstan oblysy