2016 jylǵy 24 mamyr, Astana, Úkimet Úıi
Iаdrolyq qondyrǵylardy jáne kómý pýnktterin ornalastyrý alańyn tańdaý qaǵıdalaryn bekitý týraly
«Atom energııasyn paıdalaný týraly» 2016 jylǵy 12 qańtardaǵy Qazaqstan Respýblıkasynyń Zańy 5-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Iаdrolyq qondyrǵylardy jáne kómý pýnktterin ornalastyrý alańyn tańdaý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV
Qazaqstan Respýblıkasy Úkimetiniń
2016 jylǵy 24 mamyrdaǵy №301 qaýlysymen bekitilgen
Iаdrolyq qondyrǵylardy jáne kómý pýnktterin
ornalastyrý alańyn tańdaý qaǵıdalary
1. Jalpy erejeler
1. Osy Iаdrolyq qondyrǵylardy jáne kómý pýnktterin ornalastyrý alańyn tańdaý qaǵıdalary (budan ári - Qaǵıdalar) Qazaqstan Respýblıkasy «Atom energııasyn paıdalaný týraly» 2016 jylǵy 12 qańtardaǵy Zańynyń 5-babynyń 6) tarmaqshasyna sáıkes ázirlendi jáne ıadrolyq qondyrǵylardy jáne kómý pýnktterin (budan ári - IаQKP) ornalastyrý alańyn tańdaý tártibin belgileıdi.
2. Osy Qaǵıdalarda mynadaı termınder men anyqtamalar qoldanylady:
1) IаQKP ornalasatyn aýdan - IаQKP qaýipsizdigine áser etýge qabiletti qubylystar, prosester nemese oqıǵalar paıda bolatyn nemese paıda bolýy múmkin IаQKP ornalastyrý maqsatynda zerttelýge tıis aýmaq;
2) IаQKP ornalastyrý alańy - IаQKP-nyń barlyq negizgi jáne qosalqy qurylystary ornalasatyn qorǵalatyn perımetr shegindegi aýmaq;
3) paıdalanýshy uıym - atom energııasy paıdalanylatyn obektilermen jumys isteý jónindegi qyzmetti júzege asyratyn zańdy tulǵa.
2. IаQKP ornalastyrý alańdaryn tańdaý tártibi
3. Salý jáne salý aýdany týraly sheshim qabyldanǵannan keıin IаQKP ornalastyrý alańyn tańdaý jumystary júrgiziledi.
4. IаQKP ornalasatyn alań:
1) tabıǵı jáne (nemese) tehnogendik sıpattaǵy yqtımal syrtqy áserlerdi;
2) radıoaktıvti zattardy yqtımal kóshirýdi;
3) IаKQP paıdalaný nátıjesinde nemese tosyn oqıǵalar nemese avarııalardyń týyndaýy nátıjesinde halyqqa jáne qorshaǵan ortaǵa zııandy boldyrmaý múmkindigin eskere otyryp anyqtalady.
5. IаQKP jobalaý jáne salý alańyn tańdaý birneshe (úshten/kem emes) básekeles alańdy aıqyndaı otyryp jobalaý aýdanyn aldyn ala zertteýdi qamtıdy.
6. IаQKP alańyn tańdaý boıynsha jumystar tehnıkalyq-ekonomıkalyq negizdemeni ázirleý nemese qurylysty ınvestısııalaýdy negizdeý satysynda júzege asyrylady.
7. Paıdalanýshy uıym:
1) tehnıkalyq-ekonomıkalyq negizdemeni;
2) qorshaǵan ortaǵa áserdi aldyn ala baǵalaýdy;
3) ıadrolyq, radıasııalyq jáne ıadrolyq fızıkalyq qaýipsizdikke taldaý boıynsha aldyn ala esepti;
4) syzbalardy qamtıtyn IаQKP alańyn tańdaý jónindegi negizdeıtin qujattardy ázirleıdi.
8. IаQKP jobalaý qujattary mindetti túrde memlekettik ekologııalyq jáne sanıtarııalyq-epıdemıologııalyq saraptamalardan ótkiziledi.
9. 1 jáne 2-sanatty radıasııalyq qaýipsizdiktiń IаQKP ornalastyrý jáne salý alańyn tańdaý jónindegi jobalaý qujattamasy ıadrolyq, radıasııalyq jáne ıadrolyq fızıkalyq qaýipsizdik saraptamasyna jatady.