Qazaqstan Respýblıkasy Ulttyq ekonomıka mınıstrliginiń buıryǵy  №110

2015 jylǵy 19 aqpan, Astana qalasy Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı qaǵıdalaryn bekitý týraly «Turǵyn úı qatynastary týraly» Qazaqstan Respýblıkasy Zańynyń 10-2-babynyń 10-12) tarmaqshasyna sáıkes buıyramyn: 1. Qosa berilip otyrǵan Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkelgen soń kúntizbelik on kún ishinde merzimdik baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýyn; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalas­tyrylýyn qamtamasyz etsin. 3. Osy buıryqtyń oryndalýyn baqylaý salaǵa jetekshilik etetin Qazaqstan Respýblıkasy Ulttyq ekonomıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr E. DOSAEV Qazaqstan Respýblıkasy Ulttyq ekonomıka mınıstriniń 2015 jylǵy 19 aqpandaǵy №110 buıryǵymen bekitilgen Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı qaǵıdalary 1. Jalpy erejeler 1. Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı qaǵıdalary (budan ári – Qaǵıdalar) «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasy Zańynyń 10-2-babynyń10-12) tarmaqshasyna jáne «Memlekettik statıstıka týraly» 2010 jylǵy 19 naýryzdaǵy Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı tártibin aıqyndaıdy. 2. Qazaqstan Respýblıkasynyń turǵyn úı qoryn memlekettik esepke alýdyń negizgi mindeti barlyq menshik nysanyndaǵy turǵyn úılerdiń bolýy, ornalasqan orny, sandyq jáne sapalyq quramy, tehnıkalyq jaǵdaıy, abattandyrý deńgeıi men quny jáne osy kórsetkishterdiń ózgeristeri týraly aqparat alý bolyp tabylady. 3. Turǵyn úı qory – Qazaqstan Respýblıkasynyń aýmaǵyndaǵy barlyq menshik nysanyndaǵy turǵyn úı. Qazaqstan Respýblıkasynyń turǵyn úı qory jeke jáne memlekettik turǵyn úı qorlaryn qamtıdy. 4. Turǵyn úı qoryna turǵyn úılerdegi turǵyn emes úı-jaılar kirmeıdi. 2. Qazaqstan Respýblıkasynyń turǵyn úı qoryn memlekettik esepke alý 5. Turǵyn úı qoryn memlekettik esepke alý Qazaqstan Respýblıkasy Ádilet mınıstrliginiń «Jyljymaıtyn múlik tirkelimi» memlekettik derekqorynyń (budan ári – JMT MDQ), avarııalyq úıler boıynsha jergilikti oryndaýshy organdardyń derekteri negizinde qalyptasatyn turǵyn úı qorynyń statıstıkalyq tirkelimin, eldi mekenderde ár sharýashylyq boıynsha esepke alýdy jáne jalpymemlekettik statıstıkalyq baıqaýlar júrgizý arqyly júzege asyrylady. 6. Turǵyn úı qorynyń statıstıkalyq tirkelimin júrgizý jónindegi ádistemelik usynymdardy ázirleý, sondaı-aq ony júrgizý Qazaqstan Respýblıkasy Ulttyq ekonomıka mınıstrliginiń Statıstıka komıtetine (budan ári – Komıtet) júkteledi. 7. Turǵyn úı qory statıstıkalyq tirkelimindegi aqparattar tizbesi osy Qaǵıdalarǵa1-qosymshada keltirilgen. 8. Komıtetke JMT MDQ-dan berilýge jatatyn aqparattar tizbesi osy Qaǵıdalarǵa 2-qosymshada keltirilgen. 9. Komıtetke JMT MDQ-dan aqparattar berý úshin memlekettik organdardyń biryńǵaı kóliktik ortasy paıdalanylady. Aqparattardy berý kún saıyn júzege asyrylady. 10. Ár sharýashylyq boıynsha esepke alýdyń tirkeý jazbalary negizinde turǵyn úı qorynyń statıstıkalyq tirkelimin jańartýǵa jatatyn aqparattar tizbesi osy Qaǵıdalarǵa 3-qosymshada keltirilgen. 11. Turǵyn úı qorynyń statıstıkalyq tirkelimine jergilikti atqarýshy organdardyń avarııalyq úıler jáne jalpy memlekettik statıstıkalyq baıqaýlary boıynsha aqparatynyń negizinde ózgerister engizý ýákiletti organ bekitken tıisti jylǵa arnalǵan statıstıkalyq jumystar josparyna sáıkes merzimderde júrgiziledi. 12. Turǵyn úı qorynyń jaı-kúıi týraly statıstıkalyq aqparat ýákiletti organ bekitetin tıisti jylǵa arnalǵan statıstıkalyq jumystar josparyna sáıkes taratylýǵa jatady. 13.Turǵyn úı qorynyń statıstıkalyq tirkelimindegi aqparattyń qupııalylyǵyna Qazaqstan Respýblıkasynyń memlekettik statıstıka salasyndaǵy zańnamasyna sáıkes kepildik beriledi. Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı qaǵıdalaryna 1-qosymsha Turǵyn úı qorynyń statıstıkalyq tirkelimindegi aqparattar tizbesi 1. Obektiniń mekenjaıy 2. Ákimshilik-aýmaqtyq obektiler jikteýishiniń kody 3. Qadastrlyq nómiri 4. Paıdalanýǵa berilgen jyly 5. Mekenjaıdyń tirkeý kody 6. Úıdiń jaǵdaıy 7. Qabattylyǵy 8. Turǵyn úı tıpi 9. Qabyrǵalarynyńmaterıaly 10. Úıdiń isten shyǵý sebebi 11. Páterler sany 12. Turǵyn páterler sany 13. Elektr plıtasynyń bolýy 14. Gaz jelisiniń bolýy 15. Suıytylǵan gazdyń bolýy 16. JEO-dan jylytýdyń bolýy 17. Peshpen jylytýdyń bolýy 18. Jeke qondyrǵydan jylytýdyń bolýy Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı qaǵıdalaryna 2-qosymsha Statıstıka komıtetine JMT MDQ-dan berýge jatatyn aqparattar tizbesi Turǵyn úı týraly málimetter 1. Obektiniń mekenjaıy 2. Ákimshilik-aýmaqtyq obektiler jikteýishiniń kody 3. Mekenjaıdyń tirkeýkody 4. Kadastrlyq nómiri 5. Syrtqy qabyrǵasynyń materıaldary 6. Paıdalanýǵa berilgen jyly 7. Qabattylyǵy 8. Páterler sany 9. Turǵyn páterler sany 10. Elektr plıtasynyń bolýy Turǵyn úı-jaılar (páterler) týraly málimetter 1. Mekenjaıdyń tirkeýkody 2. Kadastrlyq nómiri 3. Páterdiń nómiri 4. Quqyq ıeleri 5. Qabaty 6. Bólmeler sany 7. Turǵyn úıdiń jalpy alańy Qazaqstan Respýblıkasynyń turǵyn úı qoryn memlekettik esepke alýdy júzege asyrýdyń biryńǵaı qaǵıdalaryna 3-qosymsha Ár sharýashylyq boıynsha tirkeý jazbalary negizinde turǵyn úı qorynyń statıstıkalyq tirkelimin jańartýǵa jatatyn aqparattar tizbesi 1. Obektiniń mekenjaıy 2. Turǵyn úı tıpi 3. Menshiktúri 4. Bólmeler sany 5. Turǵyn úıdiń syrtqy qabyrǵalarynyń materıaly 6. Elektrplıtasynyń bolýy 7. Gaz jelisiniń bolýy 8. Suıytylǵan gazdyń bolýy 9. JEO-dan jylytýdyń bolýy 10. Peshpen jylytýdyń bolýy Buıryq Qazaqstan Respýblıkasynyń Ádilet mınıstrliginde 2015 jylǵy 26 naýryzda Normatıvtik quqyqtyq kesimderdi memlekettik tirkeýdiń tizilimine №10525 bolyp engizildi.