2015 jylǵy 27 aqpan, Astana qalasy
«Kólik quraldaryna jáne jolaýshylarǵa qyzmet kórsetý
jónindegi obektilerge qoıylatyn sanıtarııalyq-epıdemıologııalyq
talaptar» sanıtarııalyq qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 144-babynyń 6-tarmaǵyna sáıkes buıyramyn:
1. Qosa berilip otyrǵan «Kólik quraldaryna jáne jolaýshylarǵa qyzmet kórsetý jónindegi obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdaryna jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV.
«KELISILGEN»
Qazaqstan Respýblıkasynyń Densaýlyq saqtaý jáne
áleýmettik damý mınıstri ___________ T.DÚISENOVA
2015 jylǵy
«KELISILGEN»
Qazaqstan Respýblıkasynyń Investısııalar jáne
damý mınıstri ___________ Á.ISEKEShEV
2015 jylǵy 13 naýryz
Qazaqstan Respýblıkasy Ulttyq ekonomıka mınıstiriniń 2015 jylǵy
27 aqpandaǵy №156 buıryǵymen bekitilgen
«Kólik quraldaryna jáne jolaýshylarǵa qyzmet kórsetý jónindegi obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalary
1. Jalpy erejeler
1. Osy «Kólik quraldaryna jáne jolaýshylarǵa qyzmet kórsetý jónindegi obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalar (budan ári – Sanıtarııalyq qaǵıdalar) kólik quraldaryna jáne jolaýshylarǵa qyzmet kórsetý jónindegi obektilerge:
1) jobalaý, jer tańdaý, salý;
2) rekonstrýksııalaý, jóndeý, iske qosý jáne kútip-ustaý;
3) óndiristik jáne tutyný qaldyqtaryn jınaý, aımaqtardy kútip-ustaý;
4) sýmen jabdyqtaýdy, sý burýdy, jaryq berýdi jáne jeldetýdi (kondısıonerleýdi) uıymdastyrý;
5) qyzmetkerlerge eńbek jaǵdaıyn jasaý, adam densaýlyǵyna zııandy áser etetin óndiristik faktorlarmen jumysqa;
6) gıgıenalyq oqytý, medısınalyq qamtamasyz etý, qyzmetkerlerge arnaıy jáne emdik-profılaktıkalyq tamaqtaný jáne turmystyq qyzmet kórsetý kezinde qoıylatyn sanıtarııalyq-epıdemıologııalyq talaptardy belgileıdi.
2. Osy Sanıtarııalyq qaǵıdalarda mynadaı termınder jáne anyqtamalar paıdalanyldy:
1) avıasııalyq tehnıkalyq baza (budan ári – ATB) – áýe kemelerine tehnıkalyq qyzmet kórsetý, aǵymdaǵy jóndeý, konstrýksııalaryn, tehnologııalyq jabdyǵy men jaraǵyn pysyqtaý, ushý aqparatyn jınaý jáne maǵynasyn ashý boıynsha keshendi jumystardy oryndaýǵa arnalǵan qurylystar, mehanıkalyq jáne basqa da qural-jabdyqtar kesheni;
2) angar – kólik quraldaryn saqtaýǵa, tehnıkalyq qyzmet kórsetýge jáne jóndeýge arnalǵan qurylys;
3) avtokólik kásiporny – avtomobıl kólikterine tehnıkalyq qyzmet kórsetýge, saqtaýǵa jáne jóndeýge arnalǵan qurylystar, onyń ishinde jolaýshylar avtobýsy keshenin qamtıtyn, avtomobıl kóligi ınfraqurylymynyń bir bóligi;
4) avtomobıl janar maı quıý stansııasy – munaı ónimderin saqtaýdy jáne bólshek saýdada ótkizýdi qamtamasyz etetin jabdyqpen jaraqtalǵan tehnologııalyq qurylystar kesheni;
5) avto-gaz quıý stansııasy – suıytylǵan gazdy saqtaýdy jáne bólshek saýdada ótkizýdi qamtamasyz etetin jabdyqtarmen jaraqtalǵan tehnologııalyq qurylystar kesheni;
6) avtomobıl kólik quraldaryna tehnıkalyq qyzmet kórsetý jáne jóndeý stansııasy (sheberhanasy) – avtokólik quraldaryna tehnıkalyq qyzmet kórsetýge jáne jóndeýge arnalǵan qurylystar kesheni;
7) avtovokzal – jolaýshylar legi táýligine bes júzden astam adamdy quraıtyn avtobýstardyń jolaýshylary men júrgizýshilerine qyzmet kórsetýge arnalǵan qurylystar kesheni jáne quramynda: bılet kassalary, syıymdylyǵy jetpis besten joǵary jolaýshylarǵa arnalǵan kútý zaly bar kúrdeli ǵımaratty, júrgizishilerdi medısınalyq tekseristerden ótkizýge jáne alǵashqy medısınalyq-sanıtarııalyq kómek kórsetýge arnalǵan medısınalyq pýnkterdi, saqtaý kameralaryn, jolaýshylardy túsirý men otyrǵyzýǵa arnalǵan perrondy, avtobýstarǵa arnalǵan turaqtardy, avtobýstardy tekserip qaraýǵa arnalǵan beketterdi, dıspetcherlik pýnkterdi jáne ana men balaǵa arnalǵan bólmeni qamtıtyn;
8) avtostansııa – jolaýshylar legi táýligine keminde bes júz adamdy quraıtyn avtobýstardyń jolaýshylary men júrgizýshilerine qyzmet kórsetýge arnalǵan, keminde eki jarym myń sharshy metr aýmaqta ornalasqan jáne quramynda: bılet kassalary, syıymdylyǵy jetpis bes adamǵa deıingi jolaýshylarǵa arnalǵan kútý zaly bar kúrdeli ǵımaratty, saqtaý kameralaryn, jolaýshylardy túsirý men otyrǵyzýǵa arnalǵan perrondy, avtobýstar turaqtaryna arnalǵan, alańdy dıspetcherlik pýnktterdi qamtıtyn qurylystar kesheni;
9) aýylsharýashylyq áýeaılaǵy – avıasııalyq-hımııalyq jumystardy oryndaıtyn arnalǵan azamattyq avıasııa áýe kemeleriniń ushýyn qamtamasyz etýge arnalǵan áýeaılyǵy;
10) avıasııalyq-hımııalyq jumystar (budan ári – AHJ) – aýylsharýashylyǵy, orman jáne basqa da alqaptarda azamattyq avıasııa pestısıdter men tyńaıtqyshtardy qoldana otyryp atqaratyn jumystar;
11) áýevokzaly – áýejaılarda áýe kóligi jolaýshylaryna qyzmet kórsetýge arnalǵan qurylystar men ǵımarattar kesheni;
12) áýejaı – áýe kemelerin qabyldaýǵa jáne jóneltýge, áýe tasymaldaryna qyzmet kórsetýge arnalǵan jáne osy maqsattar úshin áýeaılyq, áýevokzaly, basqa da qurylystary, sondaı-aq qajetti jabdyqtary bar qurylystar kesheni;
13) blastchıller – ónimdi muzdatatyn qarqyndy salqyndatý apparaty;
14) borttyq taǵam – áýe kemeleriniń avıajolaýshylary men ekıpajyna arnalǵan, ushý kezinde áýe kemesiniń bortynda beriletin tamaq;
15) borttyq tamaqtandyrý obektisi – borttyq taǵamdy óndirý, qaıta óńdeý, ótkizý jáne uıymdastyrý boıynsha qoǵamdyq tamaqtaný obektisi;
16) borttyq taǵam rasıony – áýe kóligi bortynda bir adamnyń tamaqtanýyna arnalǵan tamaq ónimderiniń jıyntyǵy;
17) vagon jáne lokomotıv deposy, lokomotıv-jóndeý jáne vagon-jóndeý zaýyttary – vagondardy, lokomotıvterdi josparly jáne kúrdeli jóndeýge, vagon, lokomotıv toraptary men bólshekterin jóndeýge jáne jınaqtaýǵa arnalǵan óndiristik ǵımarattar men qurylystar, temir joldar kesheni;
18) dıspetcherler – kólik quraldarynyń qozǵalysyn jedel baqylaý jáne basqarý ortalyǵynyń (pýnktiniń) operatorlary;
19) dıspetcherlik ortalyq (pýnkt) – qajetti jabdyǵy bar dıspetcherlerdiń jumys oryndaryn ornalastyrýǵa arnalǵan ǵımarat (úı-jaı);
20) defroster – ónimderdi eritýge arnalǵan jabdyq;
21) dastarhan ázirleý bólimshesi – borttyq taǵam obektisindegi borttyq taǵamdy jınaqtaýǵa jáne ázirleýge arnalǵan ýchaske;
22) degazasııalyq alań – avıasııalyq hımııalyq jumystar bitkennen keıin áýe kemelerin degezasııalaý jáne pestısıdterden tazartýǵa arnalǵan alań;
23) jabyq vagondardy daıyndaıtyn keshendi pýnkt – azyq-túlikterdi, sharýashylyq, qatty áser etetin hımııalyq zattardy jáne sýsymaly qaýipti júkterdi tasymaldaǵannan keıin jabyq vagondardy tazalaýǵa, jýýǵa jáne dezınfeksııalyq óńdeýge arnalǵan obekt;
24) jolaýshylar vagondaryna tehnıkalyq qyzmet kórsetý, aǵymdyq jóndeý jáne jabdyqtaý pýnkti – jolaýshylar vagondarynyń jaramdylyǵyn, aǵymdyq jóndeýdi qamtamasyz etetin jáne jyljymaly quramdy tekserýge, tirkemeden ajyratpaı aǵymdyq jóndeýge jáne tasymaldaýǵa daıyndaýǵa, jabdyqtaýǵa arnalǵan temir jol kóliginiń bólimshesi;
25) jol mashına stansııasy – joldy ortasha jáne kúrdeli jóndeýdi júzege asyrýǵa arnalǵan temirjol kóliginiń qurylymdyq bólimshesi;
26) jol dıstansııasy – temirjoldarda aǵymdyq kútip-ustaý, jóndeý jáne qalpyna keltirý jumystaryn júzege asyratyn temirjol kóliginiń qurylymdyq bólimshesi;
27) jolaýshylar ǵımaraty – temirjol kóligi tasymaly boıynsha turǵyndarǵa qyzmet kórsetýge arnalǵan úı-jaılar, qurylystar kesheni (jolaýshylar platformalary jáne vokzal ótpelerin qosa alǵanda) jáne basqada múlik túrleri;
28) jumys aımaǵy – turaqty nemese ýaqytsha jumys orny ornalasqan alańnyń nemese edenniń deńgeıinen bıiktigi eki metrge (budan ári – m) deıingi keńistik;
29) kólik – Qazaqstan Respýblıkasynyń aýmaǵynda tirkelgen temirjol, avtomobıl, ishki sý, áýe kóligi;
30) kólik quraldary (avtomobıl, áýe, sý, temirjol) men jolaýshylarǵa qyzmet kórsetý obektileri (budan ári – kólik obektileri) – kólik quraldaryna tehnıkalyq qyzmet kórsetýge, jóndeýge jáne jaraqtandyrýǵa, sondaı-aq jolaýshylarǵa, bagajǵa, júk-bagajǵa, júkterge jáne poshta jóneltilimderine qyzmet kórsetýge arnalǵan kóliktiń jyljymaıtyn múlik qurylysy nemese qurylystar kesheni;
31) kasaletka – tamaqty porsııalaýǵa arnalǵan arnaıy ydys (folgadan, shynydan, farfordan jasalǵan);
32) qalypqa keltirý poıyzy – relsterdiń joldan shyǵýynan jáne jyljymaly quramnyń soqtyǵysýynan bolǵan zardaptardy joıýǵa, sondaı-aq apatty jaǵdaılarda kómek kórsetýge arnalǵan poıyz;
33) ózen porty – jer ýchaskesi men ishki sý joldary akvatorııasynda ornalasqan, jolaýshylar men kemelerge qyzmet kórsetý, júkterdi tıeý, túsirý, qabyldaý, saqtaý jáne berý, ózge kólik túrlerimen ózara áreket etý maqsatynda qurylǵan jáne jabdyqtalǵan qurylystar (ózen vokzalyn, pavılondy qosa alǵanda) kesheni;
34) óndiristik júk tıeý keshenderi – shańdaǵysh júkterdi tıeýge, túsirýge, qabyldaýǵa, saqtaýǵa, berýge jáne qaıta óńdeýge arnalǵan qurylystar kesheni;
35) óndiristik obekti – adam densaýlyǵyna jáne ómir súrý ortasyna áser etý kózi bolyp tabylatyn prosesterdi, qondyrǵylar men tehnologııalardy paıdalaný arqyly júzege asyrylatyn, jumys jasaýmen jáne qyzmet kórsetýmen, azyq-túlik óndirýmen aınalysatyn sharýashylyq qyzmet obektisi;
36) porsııalaý – daıyn ónimderdi porsııaǵa bólip oraý;
37) pestısıdter – zııandy aǵzalarmen kúresý úshin qoldanylatyn hımııalyq zattar. Pestısıdterdi mynadaı toptaǵy zattar biriktiredi: aramshópterdi joıatyn – gerbısıdter, zııankes-nasekomdardy joıatyn - ınsektısıdter, patogendi sańyraýqulaqtardy joıatyn – fýngısıdter, jylyqandy zııandy janýarlardy joıatyn – zoosıdter jáne basqalar;
38) sanıtarııalyq-karantındik tuıyq – karantındik nemese asa qaýipti ınfeksııalyq aýrýmen aýyratyn naýqaspen baılanysta bolǵan jolaýshylary bar vagondy oqshaýlaýǵa jáne qoıýǵa arnalǵan temirjol tósemindegi ýchaske;
39) sanıtarııalyq kıim – shıkizatty, qosalqy materıaldar men daıyn ónimdi mehanıkalyq bólshekter men mıkroorganızmdermen lastanýdan qorǵaýǵa arnalǵan qyzmetkerlerdiń kıim jıyntyǵy;
40) sanıtarııalyq-epıdemıologııalyq qorytyndy – jumystyń nemese qyzmettiń, azyq-túliktiń, sharýashylyqtyń nemese basqa qyzmettiń, ómir súrý faktorlarynyń, jobalyq qujattardyń gıgıenalyq normatıvtermen sanıtarııalyq qaǵıdalarǵa sáıkestigin (sáıkessizdigin) naqtylaıtyn qujat;
41) temirjol vokzaly – turǵyndardy temirjol kóligimen tasymaldaý jáne bagajdy, júk-bagajdy qabyldaý-berý boıynsha qyzmet kórsetýge arnalǵan ǵımarattar, qurylystar (jolaýshy platformalaryn jáne vokzal ótpelerin qosa alǵanda) jáne basqa da múlik túrleriniń kesheni;
42) tońazytqysh element – ishine sý toltyrylǵan, tumshalanǵan jabyq syıymdylyqtaǵy salqyndatqysh element, ol paıdalaný aldynda muzdatylady jáne konteınerde 0 gradýs Selsııden +8 gradýs Selsııge (budan ári – °S) deıingi temperatýra sheginde ustap turady;
43) teńiz porty –, kemelerge, jolaýshylar men bagajǵa qyzmet kórsetýge jáne júktermen júrgiziletin operasııalardy júzege asyrýǵa arnalǵan jer ýchaskelerinde ornalasqan (teńiz vokzalyn qosa alǵanda) qurylystar kesheni;
44) tıeý alańy – áýe kemelerine pestısıdter tıeý alańy.
3. Epıdemııalyq mańyzy bar kólik obektilerin jobalaý, rekonstrýksııalaýǵa jáne paıdalanýǵa halyqtyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvasynyń berilgen sanıtarııalyq-epıdemıologııalyq qorytyndysy bolǵan jaǵdaıda jol beriledi.
4. Kólik sobektileriniń basshylary dezınfeksııalyq, dezınseksııalyq, deratızasııalyq is-sharalar júrgizýdi qamtamasyz etedi.
5. Kólik obektileriniń qyzmetkerleri «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 155-babynyń 4-tarmaǵyna sáıkes halyqtyń sanıtarııalyq-epıdemıologııalyq salamattylyǵy salasyndaǵy memlekettik organmen bekitiletin sanıtarııalyq-epıdemıologııalyq normalaý qujattaryna sáıkes mindetti medısınalyq tekserip-qaraýdan ótedi.
6. Jumys berýshi osy Sanıtarııalyq qaǵıdalar talaptaryna sáıkes keletin eńbek jaǵdaıynyń únemi saqtalýyn qamtamasyz etedi.
7. Kólik obektileriniń óndiristik úı-jaılary men jumys oryndary dárigerge deıingi kómek kórsetýge qajetti dári-dármektermen jıyntyqtalǵan medısınalyq qobdıshamen qamtamasyz etiledi.
8. Qyzmetkerlerdiń dekrettelgen toptarynda medısınalyq tekseristen ótkeni jáne jumysqa ruqsat berilgen týraly belgimen belgilengen úlgidegi jeke medısınalyq kitapshalary bolady.
2. Kólik quraldary men jolaýshylarǵa qyzmet kórsetý jónindegi
obektilerge qoıylatyn sanıtarııalyq-epıdemıologııalyq talaptar
9. Jobalanatyn, rekonstrýksııalanatyn, salynyp jatqan jáne paıdalanatyn obektilerge, sondaı-aq yqtımal qaýipti jáne (nemese) halyqtyń densaýlyǵy úshin mańyzy bar basqa obektilerge halyqtyń salamattylyǵy salasyndaǵy memlekettik organ vedomstvasynyń aýmaqtyq bólimsheleriniń tekserýleri, ózge de baqylaý nysandary nátıjeleri jáne sanıtarııalyq-epıdemıologııalyq saraptamasy negizinde sanıtarııalyq-epıdemıologııalyq qorytyndy beriledi.
10. Kólik obektileriniń aýmaǵy selıtebti jáne rekreasııaly aımaqtardyń yq jaǵyna ornalastyrylady.
11. Kólik obektileri ortalyqtandyrylǵan sýyq jáne ystyq sý júıesimen qamtamasyz etiledi.
Ortalyqtandyrylǵyn sý qubyryn nemese sýmen jabdyqtaýdyń basqa kózderin qosý múmkin bolmaǵan jaǵdaıda syrttan ákeletin sý paıdalanylady. Sý sanıtarııalyq-epıdemıologııalyq qorytyndysy bar kóliktermen jetkiziledi.
12. Sharýashylyq-aýyz sý muqtajdyqtaryna arnalǵan sý «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 144-babynyń 6-tarmaǵyna sáıkes halyqtyń sanıtarııalyq-epıdemıologııalyq salamattylyǵy salasyndaǵy memlekettik organmen bekitiletin normalaý qujattaryna (budan ári – normalaý qujattary) sáıkes bolýy tıis.
13. Kólik obektilerin ortalyqtandyrylǵan ystyq sýmen jabdyqtaý júıesine qosý múmkindigi bolmaǵan jaǵdaıda, jergilikti sý ysytý júıesiniń jabdyǵy kózdeledi.
14. Sharýashylyq-aýyz sý jáne óndiristik sýmen jabdyqtaý júıeleri bólek kózdeledi.
15. Kerek-jaraq pýnktinde sý qubyrynyń jelisi ustatqyshtarmen (ajyratý jáne jóndeý jumysyn júrgizý úshin) jalǵastyrylǵan keminde negizgi eki magıstrali bar aınalmaly júıe túrinde kózdeledi.
16. Kerek-jaraq pýnktterinde, temirjol jol aralyqtarynda ornalasqan sý taratý kolonkalary (budan ári – sý taratý kolonkalary), sharýashylyq-aýyz sýmen qamtamasyz etý boıynsha teńiz jáne ózen jaǵalaýy qondyrǵylary (budan ári – jaǵalaý qondyrǵylary) sýdy burý júıesine sýdyń aǵysy úshin eńisi bar beton sý aǵatyn jol ornatylady, muz qatýdan, drenajdan qorǵanysh qurylǵylary bar.
17. Sý taratý kolonkalary men jaǵalaý qondyrǵylary sý quıý shlangisi basynyń lastanýyn boldyrmaıtyn qurylǵylarmen jabdyqtalady. Vagondarǵa, sý kóligine sý quıý aıaqtalǵan soń, sý quıý shlangilerinde qalǵan sý tógiledi.
Sý toltyrý shlangileriniń basyn jerge súıretip tasymaldaýǵa jol berilmeıdi.
18. Kólik obektileri ortalyqtandyrylǵan sý burý júıesine qosylady, al ol bolmaǵan jaǵdaıda jergilikti sý burý júıesi kózdeledi. Kárizi joq kólik obektilerinde aýla ájethanalary sý ótkizbeıtin shuńqyrdan jasalyp, ǵımarattan 25 m jaqyn emes ara-qashyqtyqta ornatylady.
Qazylǵan shuńqyrlar, septıkter kóleminiń úshten eki bóliginen asyrylmaı tolǵannan keıin ýaqtyly tazartylyp, dezınfeksııalanady. Jergilikti tazartý qurylǵylary óndirýshiniń tehnıkalyq qujattamasy negizinde jabdyqtalady.
19. Kólik obektileriniń akkýmýlıator sehynda (bólimshesinde) sarqyndy sýlardy jáne paıdalanylǵan elektrolıtti tazalaý jáne beıtaraptandyrý úshin sý burýdyń bólek júıesi jabdyqtalady.
Saqtaý jáne jumys bólmesi bólek soryp tartý jáne shyǵarý jeldetkishi bar ǵımarattyń birinshi qabatynda ornalasýy qajet. Bólmeni ishki árlendirý agressııalyq zattarǵa tózimdi materıaldan jasalady.
Ylǵaldy rejımde jumys jasalatyn bólmeniń qabyrǵalary búkil bıiktigi boıynsha jýǵysh jáne dezınfeksııalyq zattarmen jýylatyn ylǵalǵa tózimdi materıaldan jasalady.
20. Jabyq vagondardy daıyndaıtyn keshendi pýnktte sarqyndy sýlar mehanıkalyq tazartýdan, tundyrylǵannan, zalalsyzdandyrylǵannan, sondaı-aq beıtaraptandyrylǵannan keıin sý burý júıesine shyǵarylady.
21. Kólik obektilerinde óndiristik, jerústi jaýyn-shashyn aǵystaryn, sarqyndy sýlardy qabyldaýdy qamtamasyz etetin sý burý júıesi kózdeledi.
22. Kólik obektilerinde normalaý qujattaryna sáıkes tabıǵı jáne jasandy jaryqtandyrý kózdeledi.
Qoldanylǵan lıýmınıssentti shamdar, quramynda synaby bar quraldar men jabdyqtar saqtaý jáne tasymaldaý kezinde olardyń tutastyǵynyń buzylýyn boldyrmaıtyn, tyǵyz jabylatyn ydystarda tasymaldanyp, saqtalady.
Synaby bar quraldardy saqtaıtyn úı-jaılarynda temperatýra +18 °S joǵary bolmaýy tıis, baqylaý úshin termometrler ornatylady.
23. Kólik obektilerinde +18 °S-tan +24 °S-qa deıingi temperatýra parametrin, 50-60% (budan ári – %) aýanyń salystyrmaly ylǵaldylyǵyn qamtamasyz etetin tabıǵı jáne jasandy jeldetý, jylytý, aýa baptaý júıeleri kózdeledi.
24. Kólik obektilerindegi akkýmýlıator bólimshesiniń úı-jaılaryndaǵy temperatýra +15 °S-tan +20 °S-qa deıin bolyp kózdeledi.
25. Kólik obektileriniń syrtqy kirý jáne shyǵý esikteri aýa-jylý perdelerimen jabdyqtalady.
26. Hımııalyq zııandy zattar men shań-tozań shyǵarý men ilesetin tehnologııalyq jabdyǵy men prosesteri bar kólik obektileriniń úı-jaılary jergilikti sorý jeldetkishiniń qurylǵylarymen (jergilikti sorý) jabdyqtalady.
27. Aýaǵa zııandy hımııalyq zattar men ylǵal shyǵarý kózi bolyp tabylatyn jabdyqtarda (baktar, vannalar) jabyq quıý kózdeledi.
28. Shý jáne diril kózderi bar kólik obektileriniń úı-jaılary (sehtar, ýchaskeler) basqa óndiristik úı-jaılardan alshaq ornalastyrylady.
Qys merziminde dirildik qaýipti aımaqtarda temperatýra rettegishi bar jergilikti jylytý quraldary ornatylady.
Dirili bar jabdyqpen jumys jylýy bar bólmelerde (aýa temperatýrasy 16 °S, ylǵaldylyǵy 40-60 % jáne aýa jyljý jyldamdyǵy 0,3 m/s) júrgiziledi.
Demalý bólmelerinde aýa jyljý jyldamdyǵy 1-2 m/s bolatyn qoldy jyly aýamen (25-28 °S) jergilikti jylytatyn qural ornatylýy qajet.
29. Jumys oryndarynda diril týdyratyn jabdyq bólek irgetastarǵa nemese dirildi oqshaýlaǵyshy (dirildi basatyn tósenishter men kilemsheler) bar ustap turatyn konstrýksııalarda ornatylady.
30. Depo sehtaryndaǵy rels joldary tyǵyz dirildi shekteýshi negizge salynady. Dızel-generatorynyń qabyrǵalyq synaqtary basqa úı-jaılardan jáne personal ornalastyrylǵan basqarý pýltinen dybystyq shektelgen bólek úı-jaılarda jasalady.
31. Kólik obektilerinde shýdyń, dirildiń, ınfradybystyń deńgeıi normalaý qujattaryna sáıkes qamtamasyz etiledi.
32. Kólik obektilerinde tehnıkalyq personal, sondaı-aq jóndeý, qalpyna keltirý, tıeý-túsirý, syrlaý jumystarymen, tehnıkalyq qyzmet kórsetýmen, tazalaýmen, jýýmen, dezınfeksııalaýmen aınalysatyn qyzmetkerler úshin:
1) arnaıy jáne jeke kıimderdi bólek saqtaýǵa arnalǵan shkaftary bar kıim iletin oryn;
2) arnaıy kıimdi keptirýge arnalǵan úı-jaılardy, jylyný bólmesin jáne qysqa ýaqyt demalatyn bólme;
3) sebezgi bólmesi;
4) sanıtarııalyq toraptar;
5) tamaq ishetin bólmeni qamtıtyn sanıtarııalyq-turmystyq úı-jaılar qarastyrylady.
Barlyq temirjol aralyǵy jumyskerleri úshin demalý men jylynýǵa arnalǵan bólmeler qarastyrý qajet.
Bólmeniń aýdany brıgadadaǵy bir jumyskerge eseptegende keminde 0,3 sharshy metrden (budan ári – m2) eseppen alynady.
Aralyqta jumys isteıtin jumyskerlerge jaz mezgilinde aýyz sý bóshkelerde ashyq aýada ornatýǵa ruqsat etiledi. Kórsetilgen bóshkelerdi bastyrma astyna jerden bıik ornalastyrý qajet.
33. Qysqa ýaqyt demalatyn oryndar men jylynýǵa arnalǵan úı-jaılardy tamaqty ysytýǵa arnalǵan jabdyqpen jáne tońazytqyshpen, ydys-aıaqqa arnalǵan shkafpen jabdyqtalǵan tamaqtanýǵa arnalǵan úı-jaılarmen biriktirýge jol beriledi.
Lokomatıvti brıgada, jol qyzmeti, elektrofıkasııa, sıgnalızasııa, baılanys jáne basqa kólik obektileri qyzmetindegi jumyskerler ystyq taǵammen qamtamasyz etilgen jaǵdaıda termostar berýdi qarastyrý qajet.
Bul rette, tamaqtanatyn jerde ústel, oryndyqtar, qoljýǵyshtar, tamaqty jylytýǵa qajet gaz peshteri (jyljymaly ballonmen) ornatylady.
34. Sebezgi bólmeleri salqyn jáne ystyq sý kelip turatyn kabınalarmen jabdyqtalady.
35. Kólik obektileri ystyq jáne salqyn sý kelip turatyn rakovınalar, qol jýýǵa arnalǵan zattar, bir ret qoldanylatyn súlgi nemese elektr súlgi qarastyrylǵan sanıtarııalyq toraptarmen jabdyqtalady.
36. Kólik obektilerinde, onyń ishinde óndiristik jáne sanıtarııalyq-turmystyq úı-jaılarda fýnksıonaldyq maqsaty boıynsha paıdalanylatyn jınaý múkámmalyn jýýǵa, keptirýge, saqtaýǵa arnalǵan úı-jaı (oryn) bólinedi. Sebezgi bólmeleri salqyn jáne ystyq sý kelip turatyn kabınalarmen jabdyqtalady. Qabyrǵalary men tóbeleri ylǵaldy jýý men dezınfeksııaǵa tózimdi materıaldan jasalady.
37. Arnaıy kıimdi jáne arnaıy aıaq kıimdi keptirý jylytylǵan jáne ylǵal aýany soratyn qurylǵylarmen jabdyqtalǵan kıim iletin shkaftarda ruqsat etiledi.
О́ndiristik úderisi zııandy zattar bólýmen baılanysty qyzmet jumyskerleriniń (akkýmýlıatorshylar, apparatshylar, syrlaýshylar, temir quıýshylar jáne basqa) kıim iletin shkaftary jasandy jeldetýmen jaraqtalady.
38. Arnaıy kıimdi zalalsyzdandyrýǵa jáne shańsyzdandyrý úshin bólek úı-jaılar kózdeledi.
39. Neǵurlym sany kóp aýysymda jumys isteıtin adamdardyń ishinde áıelder sany 15-ten asatyn bolsa, áıelderdiń jeke gıgıenasyna arnalǵan úı-jaı kózdeledi.
40. Áıelder sany 15-ten az bolǵanda turmystyq úı-jaılar janyndaǵy áıelder dárethanasynda ornalastyrylǵan gıgıenalyq sebezgisi bar arnaıy kabına ornatýǵa ruqsat etiledi.
41. Turmystyq jáne óndiristik qatty qaldyqtardy (budan ári – TQQ) jınaý úshin 1,5 m bıiktikte úsh jaqtan qorshalǵan, betondalǵan nemese asfalttalǵan alańda ornatylǵan konteınerler paıdalanylady. Konteınerler kólik obektileriniń ákimshilik, óndiristik jáne qosalqy úı-jaılarynan keminde 25 m jáne 100 m aspaıtyn qashyqtyqta ornalastyrylady. TQQ kólik obektileri aýmaǵynan kún saıyn jáne konteınerlerdiń tolý shamasyna qaraı shyǵarylady, al óndiristik qaldyqtar obektide nemese arnaıy uıymdarmen shyǵarylyp, kómiledi nemese joıylady. Quramynda ýytty zattary bar TQQ kólik obektilerinde jınaqtaýǵa ruqsat etilmeıdi.
42. Basqarýynda jolaýshylar men kólik obektilerine qyzmet kórsetý jónindegi jeke jáne zańdy tulǵalar sanıtarııalyq-qorǵaý aımaǵynyń shekarasyndaǵy atmosferalyq jáne jumys aımaǵynyń aýasyndaǵy fızıkalyq faktor deńgeıi men zııandy zattardyń mólsherine, borttyq tamaqtaný sehtaryndaǵy ónimderdiń jáne sharýashylyq aýyz-sýynyń sapasy men qaýipsizdigin baqylaý úshin óndiristik baqylaýdyń júrgizilýin qamtamasyz etedi.
43. Qurylys pen jóndeý jumystary óndiristerinde ýaqytsha jylynatyn jáne demalý oryndary, atmosferalyq jaýyn-shashyn men kún radıasııasynan qorǵaıtyn jınalmaly bólmeler, qalqa, shatyr, jelden qorǵaıtyn qorshaýlar jáne basqa qarastyrylýy qajet.
Eldi mekenderden tys ornalasqan ýchaskelerde aýla ájethanalaryn ornatýǵa ruqsat etiledi. Jol aıyrý beketterinde sý burý jelisi bolmaǵan jaǵdaıda, shuńqyry betondalǵan aýla ájethanasyn ornatýǵa ruqsat etiledi.
3. Lokomatıv jáne vagon deposyn, lokomotıv jáne vagon-jóndeý zaýyttaryn kútip-ustaýǵa
jáne paıdalanýǵa qoıylatyn sanıtarııalyq-epıdemıologııalyq talaptar
44. Lokomotıv jáne vagon deposynyń, lokomotıvtik jáne vagon- jóndeý zaýyttarynyń aýmaǵy óndiristik, ákimshilik, qoımalyq ýchaskelerge bólinedi. Depolar jáne zaýyttarda «shýly» jáne dirildi operasııalar jumysty oryndaýda shýy az mehanıkalandyrylǵan operasııalarǵa aýystyrylady, sondaı-aq dybys sińirgish jáne oqshaýlaǵysh materıaldar qoldanylady. Vagondardy jáne jarty vagondardy depolyq jóndeý sehtarynda olardy qoldan ázirleý kezinde jeke elementterdi aýystyrýdy, tireýishterdi ajyratý jáne odan ári qondyrý boıynsha operasııalar jańǵyrtý arqyly shýdy tómendetý qajet.
45. Sısternanyń avtomatty jelilerinde aýataratqyshtardan syǵylǵan aýa shyǵatyn jerlerde reaktıvti báseńdetkishti paıdalanýdy júzege asyrý qajet. Temir soǵý-quıý sehtarynda otyn, syǵylǵan aýa nemese bý shyqqan kezde qyzdyrý peshinde qysymy tómen forsýnkalar (qysymy joǵary forsýnkanyń ornyna) qoldanylýy qajet. Qol pnevmatıkalyq quraldaryn (tegisteıtin mashına, gaıkovert jáne basqa) qoldanǵan kezde mindetti túrde shý deńgeıin tómendetetin serııamen shyǵarylatyn báseńdetkishter qoldaný mindetti, sonymen qatar merzimdi pasportızasııalaý jáne ýaqtyly jóndeýden ótkiziledi.
46. Depo jáne jóndeý zaýyttaryndaǵy sehtarda shýly agregattardy qamtıtyn stanoktar men arnaıy kameralar syrtynan qaptalady. Dirili bar mehanızmder, qaptamalar, qubyrlar arnaıy japsyrmalarmen nemese jalpaq materıalmen (kıiz, asbest, rezeńke jáne basqa) qaptalady.
Mashınalarda, tehnologııalyq jabdyqtarda, qol quraldarymen diril qaýipi bar kásipte jumys isteıtinder jáne diril áser etetin jumyskerlerdi ár alty aı saıyn aǵzaǵa diril áser etýmen baılanysy joq basqa jumysta paıdalaný usynylady.
47. О́ndiristik prosesi mol jylý shyǵarýmen baılanysty jeke sanattaǵy jumyskerler úshin (temir ustalary, ystyq metaldy óńdeıtin ressorshylar, ot jaǵýshylar jáne basqa) jumyskerlerdiń salqyndaýy úshin arnalǵan qurylǵylar men bólmeler – jartylaı sebezgiler men qol vannalary jabdyqtalady. Shpaldardy óńdeýmen aınalysatyn jeke sanattaǵy jumyskerler (stanochnıkter) úshin arnaıy aıaq-kıimdi jýýǵa arnalǵan qurylǵylar ornatylady.
48. Vagondardy, lokomatıvterdi tazartý, jýý, qurǵatý jýylatyn bólimshelerde nemese jeke ǵımaratta júrgiziledi.
49. Jýatyn mashınalar nemese apparattar jeldetý júıesimen jáne tazartý, sarqyndy sýlardy burý men qaıta qoldaný, qoqysty mehanıkalyq tazartý qurylǵylarymen jabdyqtalady. Baıqaý aryqtary edeni maılanǵan maı men munaı ónimderinen únemi tazartylady.
Baıqaý aryqtarynyń edeni maıdan tazartýǵa yńǵaıly bolý úshin tazartýǵa jeńil bolatyn materıalmen qaptalady. Sý burý 3 gradýstan (budan keıin - °) kem emes eńiste ashyq astaý boıymen júrgiziledi. Júrý bólikteri siltimen jýylady. Osy maqsatqa jabyq kamerada jýǵysh mashınalar, elektrmashınalar men elektrapparattary úshin úrleıtin kameralar qarastyrylady.
50. Jyljymaly quramnyń jóndeýge alynǵan barlyq agregattary men bólshekteri kir men maıdan tazartylady. Osy maqsatqa tyǵyz jabylǵan kamerada jýǵysh mashınalar, elektrmashınalar men elektrapparattar úshin úrleıtin kameralar qarastyrylady.
Sarqyndy sýlardy burý tazartý qurylǵylary arqyly kárizge qaraı kózdeledi. Tógilgen elektrolıtter (qyshqyl, silti) beıtaraptandyrylady.
Elektrpoezdar, dóńgelekter jáne arbalardy jýatyn mashınalar, sondaı-aq bólshekterdi jýatyn mashınalardan tógiletin sarqyndy sýlardy, akkýmýlıatorlar elektrolıtterin tazartýsyz jáne beıtaraptandyrýsyz sý burýǵa qosýǵa ruqsat etilmeıdi.
51. Akkýmýlıatorlyq bólimsheler oqshaý bólmede ornalastyrylady. Akkýmýlıatorlardy jóndeý men zarıadtaýǵa arnalǵan bólmelerdiń edeni men qabyrǵasy edennen 2 m bıiktikte qyshqyl-siltige tózimdi jabynmen qaptalǵan, edende – sý burý júıesine eńis bolý kerek.
Qyshqyldy jáne siltili akkýmýlıatorlardy jóndeýge arnalǵan óndiristik bólmeler bólek jalpy aınalymdy mehanıkalyq jeldetýmen, paıdalanylǵan elektrolıtterdi tógetin jáne myryshtan bólshekterdi balqytyp dánekerleıtin oryndar – jergilikti sorǵyshtarmen jabdyqtalady.
52. Zarıadtaıtyn, jýyp-bólshekteıtin jáne jınaqtaıtyn bólmelerde edendi shlangydan, sý aǵysymen jýýǵa qajet jınaǵysh trap qondyrý qajet. Akkýmýlıatorlyq bólimshelerdi jylytý úshin ashyq peshterdi, elektr peshterdi jáne elektr plıtalardy qoldanýǵa ruqsat etilmeıdi.
53. Qyshqyldardy saqtaý jáne elektrolıtterdi daıyndaý úshin bólek sorý-shyǵarý jeldetkishi bar bólme bólinedi. Qyshqyldy quıý jeke qorǵaý quraldarymen tehnologııalyq qurylǵylarmen júrgiziledi.
Akkýmýlıatorlyq bólimshelerde arnaıy oryndarda qyshqyldar men siltilermen zaqymdanǵan jaǵdaıda dárigerge deıingi kómek kórsetý quraldary saqtalady.
54. Negizgi jumys oryndarynda jasandy jaryqtandyrý, kózben kórý jumystarynyń sıpatyna baılanysty:
1) dáldigi az jumys úshin (slesar-jóndeýshiler, slesar-santehnıkter, akkýmýlıatorshylar, soǵýshylar) – 100-den 200 lıýkske deıin (budan ári – lk);
2) dáldigi ortasha jumys úshin (aǵash ustasy-jonýshylar, aǵash ustalary, frezerovshıkter, baqylaý-ólsheý qurylǵylarynyń slesarlary, radıomehanıkter) 150 – den 300 lk deıin quraıdy.
Negizgi jumys oryndarynda tabıǵı jaryqtandyrý koeffısıenti:
1) joǵarǵydan jáne búıirden jaryq túsirý kezinde 3-ten 4% deıin;
2) búıirden jaryq túsirgendi 0,8-den 1,2% deıin quraıdy.
4. Jolaýshylar vagondaryna tehnıkalyq qyzmet kórsetý, aǵymdaǵy jóndeý jáne jabdyqtaý pýnktterin kútip-ustaý men paıdalanýǵa qoıylatyn sanıtarııalyq-epıdemıologııalyq talaptar
55. Jolaýshylar vagondaryna tehnıkalyq qyzmet kórsetý, aǵymdaǵy jóndeý, jabdyqtaý pýnktteriniń aýmaǵynda mynadaı ýchaskeler kózdeledi:
1) vagondardy tazalaý jáne syrtyn jýý; 2) vagondardy dezınfeksııalyq óńdeý;
3) vagondardy turaqta ustaý, jóndeý, ishin jınaý; 4) vagondardy múkámmalmen jabdyqtaý,
otynmen jabdyqtaý jáne sý quıý.
56. Kerek-jaraq pýnktinde vagon jýǵysh mashınalar kózdeledi jáne jabdyqtalady. Vagondar, vagon jýý mashınalary jyl boıy jýýdy qamtamasyz etý úshin jylý perdeleri men kalorıferleri bar (jyldyń salqyn mezgilinde vagondardy keptirý úshin) jabyq úı-jaıda ornatylady. Vagon jýý mashınasynyń jumys jabyq sıkldy. Jolaýshylar quramdaryn jýý úshin qaıta paıdalaný aldynda aınalym sýy jergilikti tazalaý qurylystarynda munaı qaldyqtarynan, zııandy zattardan tazartylady jáne zalalsyzdandyrylady.
57. Jolaýshylar vagondaryn jýý men dezınfeksııalaý quraldaryn qoldana otyryp, jyldyń qys mezgilinde jýý jabyq tıptegi jýý ornynda, al jaz mezgilinde – sý kelip turatyn alańda júrgiziledi.
58. Jýý jáne dezınfeksııalaý quraldarynyń qory bólek úı-jaıda saqtalady.
59. Kerek-jaraq pýnktinde jolaýshylar vagondaryn saparǵa daıyndaý kezinde:
1) paıdalanylǵan tósek jabdyqtaryn qabyldaý;
2) jumsaq múkámmaldy aýystyrý kestesi boıynsha qabyldaý;
3) tósek jabdyqtarymen jabdyqtaý, ony jınaqtaý;
4) servıstik qyzmet zattarymen jabdyqtaý;
5) jýý jáne dezınfeksııalaý quraldarymen, jınaý múkámmalymen jabdyqtaý júzege asyrylady.
60. Kerek-jaraq pýnktinde stellajdarmen nemese shkaftarmen jabdyqtalǵan tósek jabdyqtaryn, tósek kerek-jaraqtaryn, almaly-salmaly jumsaq múkámmaldy qabyldaýǵa, saqtaýǵa jáne berýge arnalǵan bólek úı-jaılar kózdeledi.
Bul rette, taza jáne tósek-jaımalar aralastyrmaı jáne janastyrmaı, tehnologııalyq prosestiń aǵymdylyǵyn saqtaý qamtamasyz etiledi.
Taza jáne kir kıim-keshekterdi tasymaldaýǵa arnalǵan arbalar nemese az mehanıkalandyrý quraldary tańbalanady.
61. Taza jáne útiktelgen tósek jabdyqtaryn jınaqtaý kezinde paketke tósek-jaımany jınaqtaý merzimi, aýysymy kórsetilgen zattańba salynady.
62. Servıstik qyzmet kórsetý ónimi bólek úı-jaıda saqtalady.
63. Reıske júretin jolaýshy vagondaryna otyn qaptalǵan túrde arnaıy kólikpen jetkiziledi jáne jabdyqtaý brıgadasy jumyskerleri jáshikterge jınaıdy.
64. Kerek-jaraq pýnktinde tósek jaımalardy, tósek jabdyqtaryn, stellajdar nemese shkaftar jabdyqtalǵan almaly-salmaly jumsaq múkkámaldardy qabyldaý, saqtaý jáne berýge arnalǵan bólme, vagondardyń akkýmýlıator batareıasyn jáne turý kezinde tońazytqysh qondyrǵylaryn zarıadtaý úshin qaýipsiz elektrmen zarıadtaý qurylǵylary qarastyrylady.
65. Vagon jýatyn mashına bolmaǵan jaǵdaıda jýý qaýipsizdik erejesin saqtalǵan jolaýshylar vagondarynyń syrtyn jáne arnaıy kıim qoldanylǵan jaǵdaıda qolmen jýylady. Jýý arnaıy bólingen orynda júrgiziledi. Sarqyndy sýdy tazartý men aǵyzý tundyrǵyshta júrgiziledi.
5. Jabyq vagondardy daıyndaıtyn keshendi pýnktti kútip-ustaýǵa jáne paıdalanýǵa
qoıylatyn sanıtarııalyq-epıdemıologııalyq talaptar
66. Jabyq vagondardy daıyndaıtyn keshendi pýnkttiń (budan ári − VDKP) quramynda:
1) júkterdiń qaldyqtaryn túsirýge jáne vagondardy óńdeýge arnalǵan ýchaskeler;
2) vagon jýý mashınalaryna arnalǵan úı-jaı;
3) vagondardyń syrtyn jýýǵa arnalǵan angarlar, vagondardy jóndeýge arnalǵan seh;
4) vagondardy óńdeýmen aınalysatyn jumyskerlerge arnalǵan sanıtarııalyq ótkizý orny kózdeledi.
67. Vagondardy tasymaldaýǵa daıyndaý kezinde tasymaldanǵan júktiń túrine baılanysty VDKP-da:
1) tekserý; 3) kýzovtyń ishki betterin jýý;
2) vagondardy júktiń qaldyqtarynan tazartý; 4) vagondardy keptirý júrgiziledi retimen júrgiziledi.
68. Qaýipti júkter tasymaldaǵannan keıin vagondardy óńdeý ýchaskesinde qaýipti júkterdiń qaldyqtaryn jınaýǵa, sarqyndy jáne jýyndy sýlardy zalalsyzdandyrýǵa arnalǵan alań, jekelegen sý burý bolady.
6. Jol mashına stansııasyn, qalpyna keltirý poıyzyn kútip-ustaýǵa jáne
paıdalanýǵa qoıylatyn sanıtarııalyq-epıdemıologııalyq talaptar
69. Jol mashına stansııasyn, qalpyna keltirý poıyzynyń vagonynda jatyn kýpe, sebezgi bólmesi, kıim iletin oryn, arnaıy kıimdi keptirýge arnalǵan úı-jaı, tamaqtanýǵa arnalǵan bólik kózdeledi.
70. Tamaqtaný bóliginde:
1) ydys-aıaqqa arnalǵan shkaf; 4) tońazytqysh jabdyq;
2) ystyq jáne salqyn sý kelip turatyn rakovına; 5) as úı-ashana múkámmaly kózdeledi.
3) sýdy qaınatýǵa arnalǵan qondyrǵy;
71. Jol mashına stansııasynyń, qalpyna keltirý poıyzynyń quramynda stellajdarmen jabdyqtalǵan tamaq ónimderi qoryn saqtaýǵa arnalǵan vagon kózdeledi.
72. Qalpyna keltirý poezdarynyń jumys aımaǵynyń aýasyna zııandy zattardy bóletin stasıonarly óndiristik bólmeleri, sondaı-aq jyljymaly elektrostansııasyn ornalastyrýǵa arnalyp qaıta jabdyqtalǵan vagon, traktorlarǵa, tartqyshtarǵa arnalǵan vagon-qoıma, býldozerlerge, soryp tartatyn jáne soryp shyǵaratyn jeldetkish júıelerimen jabdyqtalady.
73. Qalpyna keltirý poezdarynda zaýyttyq, tıptik kerek-jaraqtarmen (kýpe, jumys aımaǵy) kózdeli, tósek-jabdyqtarmen, azyq-túlik qorymen, jýý jáne zalalsyzdandyrý quraldarymen jabdyqtalady.
7. Kólik obektileriniń dıspetcherlik ortalyǵyn (pýnktin) kútip-ustaýǵa jáne
paıdalanýǵa qoıylatyn sanıtarııalyq-epıdemıologııalyq talaptar
74. Kólik obektileriniń dıspetcherlik ortalyǵynyń (pýnktiniń) (budan ári – ortalyq) úı-jaılaryn jertóle úı-jaılarynda ornalastyrýǵa jol berilmeıdi.
75. Ortalyqtyń qabyrǵalary men tóbeleriniń jabyny dybys ótkizbeıtin materıaldardan jasalady.
76. Dıspetcherdiń bir jumys ornynyń aýdany keminde 6 sharshy metrdi (budan ári – m²) quraıdy. Otyryp jumys atqarylatyn oryndar, kóteriletin – aınalmaly oryndyqpen jáne rasıonaldy qurastyrylǵan aıaq demeýishpen, eńbek sıpatyna qaraı – arqalyǵy bar oryndyqpen jáne demalýǵa arnalǵan oryndyqpen jabdyqtalady.
77. Dıspetcherlerdiń jumys oryndaryndaǵy elektrostatıkalyq jáne elektromagnıttik óristerdiń kerneýliginiń, radıojıilik dıapazonynyń elektromagnıttik sáýlelenýiniń shekti ruqsat etilgen deńgeıi osy Sanıtarııalyq qaǵıdalarǵa 1-qosymshanyń 1, 2 jáne 3-kestelerine sáıkes aıqyndalady.
8. Lokomotıv brıgadalarynyń demalys úıin kútip-ustaýǵa jáne paıdalanýǵa qoıylatyn sanıtarııalyq-epıdemıologııalyq talaptar
78. Lokomotıv brıgadalarynyń demalys úıiniń ǵımaratynda maqsaty boıynsha: jatyn bólmeleri, tamaqtaný bólmeleri (ashana), kıim iletin oryn, kıim-keshek qoımasy (qoıma), sebezgi, arnaıy kıimdi jáne aıaq kıimdi keptirýge arnalǵan úı-jaı, sanıtarııalyq toraptar kózdeledi.
79. Jatyn bólmeleriniń aýdany bir adamǵa keminde 6 m² bolyp kózdeledi.
80. Kıim-keshek qoımasy (qoıma) shkaftarmen nemese stellajdarmen jabdyqtalǵan taza jáne las kıim-keshekterdi bólek saqtaýǵa arnalǵan úı-jaılardy qamtıdy. Tósek jabdyqtary: jastyqtar, matrastar, kórpeler jáne japqyshtar jylyna bir retten kem emes kameralyq jolmen dezınfeksııalanady, tósek jaımalar – ár qoldanylǵannan keıin, japqyshtar – keminde aıyna 1 ret, jastyq jáne matras tystary jylyna keminde 1 ret jýylady.
9. Avtokólik kásiporyndaryn, tehnıkalyq qyzmet kórsetý stansııalaryn, avtomobıl janar maı quıý jáne avto-gaz quıý stansııalaryn kú