2015 jylǵy 20 aqpan, Astana qalasy
Baıqaý keńesteri qurylatyn sharýashylyq júrgizý quqyǵyndaǵy memlekettik kásiporyndarǵa qoıylatyn krıterıılerdi bekitý týraly
«Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 148-babyna sáıkes buıyramyn:
1. Qosa berilip otyrǵan Baıqaý keńesteri qurylatyn sharýashylyq júrgizý quqyǵyndaǵy memlekettik kásiporyndarǵa qoıylatyn krıterııler bekitilsin.
2. Qazaqstan Respýblıkasy Ulttyq ekonomıka mınıstrliginiń Memlekettik aktıvterdi basqarý saıasaty departamenti:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń ulttyq ekonomıka vıse-mınıstrine júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV
«KELISILDI»
Qazaqstan Respýblıkasynyń Bilim jáne
ǵylym mınıstri ________ A. Sárinjipov
2015 jylǵy 12 aqpan
« KELISILDI »
Qazaqstan Respýblıkasynyń Densaýlyq saqtaý jáne
áleýmettik damý mınıstri ________ T. Dúısenova
2015 jylǵy «__» _________
Qazaqstan Respýblıkasy Ulttyq ekonomıka mınıstriniń 2015 jylǵy 20 aqpandaǵy № 114 buıryǵymen bekitilgen
Baıqaý keńesteri qurylatyn sharýashylyq júrgizý quqyǵyndaǵy
memlekettik kásiporyndarǵa qoıylatyn krıterııler
1. Osy krıterııler baıqaý keńesteri qurylatyn, qyzmetin densaýlyq saqtaý jáne bilim berý salalarynda júzege asyratyn sharýashylyq júrgizý quqyǵyndaǵy memlekettik kásiporyndardyń sáıkestigin aıqyndaý úshin ázirlengen.
2. Tizbelengen barlyq krıterıılerge sáıkes kelý baıqaý keńesi bar sharýashylyq júrgizý quqyǵyndaǵy memlekettik kásiporyndy (budan ári - kásiporyn) qurýǵa, sondaı-aq densaýlyq saqtaý salasynda jumys istep turǵan kásiporyndarda baıqaý keńesin engizýge múmkindik beredi:
1) kásiporynnyń jarǵylyq kapıtalynyń mólsheri tıisti qarjy jylyna belgilengen aılyq eseptik kórsetkishtiń keminde 50 000 eselik mólsherin quraıdy;
2) baıqaý keńesi bar kásiporyndy qurý jaǵdaılaryn qospaǵanda, kásiporynnyń shtattyq qyzmetkerleriniń jalpy sany keminde 150 adamdy quraıdy;
3) baıqaý keńesi bar kásiporyndy qurý jaǵdaılaryn qospaǵanda, kásiporynnyń aǵymdaǵy qarjy jylynyń aldyńǵy bir jyldaǵy jyldyq jıyntyq tabysy tıisti qarjy jylyna belgilengen aılyq eseptik kórsetkishtiń keminde 30 000 eselik mólsherin quraıdy;
4) baıqaý keńesi bar kásiporyndy qurý jaǵdaılaryn qospaǵanda, kásiporynnyń negizgi qyzmetinen túsetin tabys jyldyq jıyntyq tabystyń keminde 70%-yn quraıdy.
3. Tizbelengen barlyq krıterıılerge sáıkes kelý baıqaý keńesi bar kásiporyndy qurýǵa, sondaı-aq bilim berý salasynda jumys istep turǵan kásiporyndarda baıqaý keńesin engizýge múmkindik beredi:
1) kásiporynnyń jarǵylyq kapıtalynyń mólsheri tıisti qarjy jylyna belgilengen aılyq eseptik kórsetkishtiń keminde 10 000 eselik mólsherin quraıdy;
2) baıqaý keńesi bar kásiporyndy qurý jaǵdaılaryn qospaǵanda, kásiporynnyń shtattyq qyzmetkerleriniń jalpy sany keminde 100 adamdy quraıdy;
3) baıqaý keńesi bar kásiporyndy qurý jaǵdaılaryn qospaǵanda, kásiporynnyń aǵymdaǵy qarjy jylynyń aldyńǵy bir jyldaǵy jyldyq jıyntyq tabysy tıisti qarjy jylyna belgilengen aılyq eseptik kórsetkishtiń keminde 10 000 eselik mólsherin quraıdy;
4) baıqaý keńesi bar kásiporyndy qurý jaǵdaılaryn qospaǵanda, kásiporynnyń negizgi qyzmetinen túsetin tabys jyldyq jıyntyq tabystyń keminde 60%-yn quraıdy;
5) baıqaý keńesi bar kásiporyn qurý jaǵdaılaryn qospaǵanda, kásiporynnyń oqytýdyń kúndizgi nysanynda bilim alýshylardyń jalpy sany keminde 960 adamdy quraıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 19 naýryzda Normatıvtik quqyqtyq kesimderdi memlekettik tirkeýdiń tizilimine №10507 bolyp engizildi.