Elbasynyń «100 naqty qadam» Ult Josparynda belgilengen 93-qadamdaǵy «Memlekettik aýdıt jáne qarjylyq baqylaý týraly» zań qabyldaý tapsyrmasy boıynsha, 3 jyl kóleminde osy baǵytta zańdy daıyndaý jumystary júrgizildi.
Bul jóninde Prezıdent janyndaǵy Ortalyq kommýnıkasııalar qyzmetinde ótken baspasóz máslıhatynda Qarjy vıse-mınıstri Rýslan Beketaev málim etti. Onyń aıtýyna qaraǵanda, qarjylyq esep aýdıti memlekettik standarttary boıynsha prınsıp mánin esepke alyp jáne tańdaýdy qoldaný arqyly júzege asyrylady. Bul oraıda, jergilikti bıýdjetten bastap, 2019 jyly Esep komıteti aýdıtine respýblıkalyq bıýdjettiń shoǵyrlandyrylǵan qarjylyq eseptiligine daıyndalý mindeti tur. Qarjylyq esep aýdıti esepke alynbaǵan aktıvter jáne mindettemelerdi kórsetý úshin iske asyrylady.
Sonymen qatar, ishki memlekettik aýdıt komıteti buzýshylyq faktilerdi anyqtaý jáne eskertý jasaý ádis-tásilderine ózgerister engizýde. Halyqaralyq talaptarǵa saı, biz kózdelgen nysandardan mindetti túrde buzýshylyq taýyp, aıyptalýshylarǵa shara qoldanýǵa kelgen qarsylas retinde emes, kerisinshe, jaǵdaıdy tártipke salý úshin jáne bolashaqta quqyqqa qaıshy isterdiń qaıtalanýyna jol bermeý baǵytynda jumys jasaýymyz qajet, dedi vıse-mınıstr. Sondaı-aq, barlyq aýdıtorlyq is-sharalar táýekelderdi basqarý júıesi boıynsha naqty suraqtardy qarastyrý úshin josparlanǵanyn atap ótti.
Jáne kameraldyq baqylaýǵa erekshe mán berip otyrmyz. Kameraldyq baqylaý ótkizý kezeńinen bastap, memlekettik satyp alýdaǵy buzýshylyqtardyń 32%-dan 22%-ǵa deıin tómendeýi jasalǵan jumystyń tıimdiligin dáleldeıdi. Osy ýaqytqa deıin 174 mlrd.teńgege jasalǵan buzýshylyqqa eskertý berildi. Jemqorlyqqa qarsy mehanızmniń rólin atqaratyn biryńǵaı derekqormen elektrondy aýdıt bul jumysty áldeqaıda jeńildetpek. Iаǵnı, nysananyń baıqaýynsyz tekseris júrgize beredi. Búgingi kúnde Qarjy mınıstrliginiń kúshi men memlekettik satyp alýlardyń nátıjesi ózgertildi. Tártip buzýshylyq baıqalǵan kezde materıaldar burynǵydaı quqyq qorǵaý organdaryna beriledi, dedi R.Beketaev.
Elmıra MÁTIBAEVA,
«Egemen Qazaqstan»