Qazaqstan Respýblıkasynyń Syrtqy ister mınıstri Erlan Ydyrysov Izraıldiń Qazaqstandaǵy elshisi Mıhael Brodskıdi qabyldady. Kezdesý barysynda taraptar ekijaqty yntymaqtastyqtyń aǵymdaǵy máselelerin, sondaı-aq, ózara is-qımyldyń saıası, ekonomıkalyq, áleýmettik jáne basqa da salalarynda qatynastardyń damý keleshegin talqylady.
E.Ydyrysov eki el arasyndaǵy saýda-ekonomıkalyq áriptestikti damytýdyń mańyzdylyǵyn ataı otyryp, aýyl sharýashylyǵy salasyndaǵy ózara tıimdi yntymaqtastyqty belsendi damytýdy usyndy. Osy oraıda, syrtqy saıasat vedomstvosynyń basshysy «Úshqońyr» bilim taratý ortalyǵynyń negizinde 2015 jylǵy mamyrda Almaty oblysynda qurylǵan tamshylatyp sýarý tehnologııasyn kórsetetin demonstrasııalyq alań osy saladaǵy tabysty yntymaqtastyqtyń jarqyn mysaly bolyp tabylatynyn atap ótti. Tamshylatyp sýarý tehnologııasyn damytýda halyqaralyq yntymaqtastyqty damytý boıynsha ızraıldik «MAShAV» agenttigi men «Kazagroınnovasııa» AQ arasyndaǵy birlesken jobanyń tek Qazaqstannyń ǵana emes, sondaı-aq, Ortalyq Azııanyń basqa da elderiniń agrarlyq qyzmetkerleri úshin mańyzdy nysana bolýy múmkin.
M.Brodskı Izraıldiń ınnovasııalyq jetistikteri Astanada ótetin EKSPO-2017 halyqaralyq mamandandyrylǵan kórmesinde keńinen usynylatynyn atady.
Syrtqy saıasat vedomstvosynyń basshysy eki eldiń azamattary úshin vızanyń kúshin joıý týraly ekijaqty kelisimdi qabyldaýǵa Qazaqstannyń daıyn ekenin aıtty jáne osyndaı kelisim saýda, ınnovasııa men týrızm salalarynda yntymaqtastyqty damytýǵa serpin beretinin atap kórsetti.
«Egemen-aqparat»