Memorandýmǵa qol qoıyldy

«KADEX-2016» kórmesiniń alańynda otandyq kompanııalar sheteldik seriktesterimen ózderiniń yntymaqtastyq múmkindikterin keńeıtýdi jalǵastyrýda. Qazaqstandyq «Kaztehnolo­gııalar» kompanııasy elimizdiń Qorǵanys mınıstrliginiń qol­­daýymen Qytaı Halyq Res­pýblıkasymen birqatar shart jasasty. Elimiz Qorǵanys mı­nıstriniń orynbasary Nurlan Saýranbaevtyń qatysýymen iri kalıbrli oq-dárilerdi shy­ǵarý jóninde «Norinco Corp» kompanııasymen tehnologııa­lar men jabdyqty berý jóninde me­morandýmǵa qol qoıyldy. Ekinshi mańyzdy talqy Qazaq­stan Qarýly Kúshteriniń qyz­metshileri úshin turǵyn úı qoryn quratyn birlesken kásiporyn qurý týraly memorandýmǵa qol qoıý boldy. Josparlanǵan qujattarǵa qol qoıý eksporttyq-baǵdar­lanǵan ónimdi shyǵarýdy já­ne memlekettik qorǵanys tap­­­syrysynyń kóleminen táýeldilikti azaıtýdy qamta­masyz etedi, sondaı-aq, eldiń qor­ǵanys-ónerkásibi ke­sheniniń jańa perspektıvalaryn damy­týǵa qarqyndy ser­pin beredi. «Kaztehnologııalar» AQ «KADEX-2016» kórmesiniń alǵashqy kúninen bastap shet­eldik seriktesterimen birneshe kelisimsharttar jasasty. Kom­panııa Qazaqstan Qarýly Kúshteriniń muqtajdyǵy úshin oq-dárilerdiń tolyq aınalymy salasynda operator qyzmetin atqarady. «Egemen-aqparat»