Igiliktiń erte-keshi joq

Men Elbasy Nursultan Nazarbaevtyń halqymyzǵa kezekti Joldaýyna deıin eki nárseni oılap júretin edim. Birinshisi – sońǵy jyldar­da­ǵy dıssertasııa qorǵaý jumysy jaıly. О́zim Ál-Farabı atyn­daǵy Qazaq ulttyq ýnıversıteti janyndaǵy fılosofııa qorǵaý keńesiniń múshesi bolyp keldim. Qorǵalǵan dıssertasııalardyń máni shynynda tómen bolyp júrdi. Keıbir qorǵalyp jatqan doktorlyq dıssertasııa máni jaıynda janym ashyp, qatty syn aıtyp ta qalatynmyn. Bir­aq, ol jumystyń nashar ekenin keńes músheleriniń bári birdeı biledi. Degenmen, ózderi qolda­ǵan­dyqtan, kózin jumyp oty­ratyn. Sondyqtan men de «aq qarǵa» bolmaımyn dep, keńestiń yńǵaıyna jyǵylatynmyn. Sóıt­sem, elimizde osyndaı dısserta­sııa­lyq keńester sany 200-deı eken. Qorǵaǵandar birshama, biraq mánisi tómen. Qur bos ataqqa ıe boldy. Sondyqtan da qorǵa­ǵan­dardan ǵylym salasyna 60 kan­dıdattyń bireýi, 37 doktordyń bireýi ǵana keletin. Qalǵan­da­ry­na ǵylymı ataq tek maqtan úshin kerek bolǵan. Osydan Prezı­den­ti­mizdiń bul jumysty toqtatyp, magıstratýra men doktorantý­raǵa burylý kerek degen baǵy­tyn barlyq yntammen qabyl­daımyn jáne jaqsy bolsa dep tileımin. Ekinshiden, egemendik alǵan alǵashqy kezde eldi asyrap kelgen kolhoz-sovhozdardyń tara­tyl­­ǵanyna janym ashıtyn. О́ıt­keni, jeke sharýalar kolhoz-sov­hozdardyń ornyn basa almaı­tynyn sezgen bolatynmyn. Búgingi Joldaýda 2016 jyly elimiz eksportqa 60 myń tonna et shyǵaratyn bolady, ol 4 mıllıon tonna eksportqa shyǵarylatyn astyqqa teń ekeni aıtylǵan. Ol úshin aýyl sharýashylyǵyn jańa deńgeıge kóterý qajet. Demek, aýyl sharýashylyǵy keshenderi ashylatyn bolǵany. Ol úshin aýyl sharýashylyǵyna 130 mıllıard teńge qarjy beriletinin aıtty. Bul jańadan 20 myń adam­ǵa jumys ornyn ashady. Sondaı-aq, sol arqyly 100 myńnan astam adam turmys jaǵdaıyn jaqsar­tady. Olaı bolsa, bul jańa keshen aýyl sharýashylyǵynyń eko­nomıkasy men mádenı dárejesin kóterýge yqpal jasaıdy. Soǵan sáıkes birshama sha­rýa­shylyq salalary da kóteriledi. Máselen, aýylsharýashylyq má­shı­nelerin jasaý, hımııa­lan­dyrý, tamaq ónerkásibin damy­tý, tehnıka jóndeý, zooteh­nı­kalyq, veterınarlyq jumys­tar jaqsy jolǵa qoıylady. Mal sharýa­shylyǵynyń túrli sa­lala­rynda asyl tuqymdy mal kóbeıtiledi. Olaı bolsa, bul keshender jańa beles, bu­ryn­ǵy kolhoz-sovhozdardan tıimdi jáne joǵary, batystyń fer­merlerinen de joǵary ná­tı­je beredi dep túsinemin. Bir ǵana tilek – bul keshender shóbi mol, burynǵy mal baǵylǵan jerlerge ornalastyrylsa demekpin. Olaı bolsa, Prezıdentimizdiń bul usynystaryn úlken kóregendik dep bilemin. Dosmuhamed KIShIBEKOV, QR Ulttyq ǵylym akademııasynyń akademıgi. Almaty.