ASTANA. 4 maýsym. AQSh-tyń Garvard ýnıversıtetiniń ǵalymdary aýdan spırt óndirip shyǵarý tásilin oılap tapty. Bul týraly Forbes aqparyna júgingen egemen.kz tilshisi habarlady.
Professor Danıel Nosera gendi ınjenerııanyń kómegimen Ralston eutropha dep atalatyn bakterııany óndirdi. Atalmysh bakterııanyń ereksheligi, ol aýanyń kómirqyshqyl gazyn sýtegimen aralastyrǵanda, quramynda spırt bar zatty bólip shyǵara alady eken.
Ǵalym óziniń bul jańalyqty kútpegen jerden, kezdeısoq jaǵdaıda ashqanyn moıyndady. Basynda ol kómirqyshqyl gazy men sýtegini ósimdikter japyraqtarynda bolyp jatatyn adenozıntrıfosfatqa aınaldyrýdyń tabıǵı prosesi ımıtasııasyn jasap kórmekshi bolypty. Alaıda, eksperımentter úderisi oǵan budan da mańyzdy jańalyqty jaıyp salǵan kórinedi.
Sarapshylardyń aıtýlarynsha, Ralston eutropha atty ǵajaıyp bakterııa endi bıootyn óndirý tehnologııasynyń da negizi bolyp qalýy múmkin. Eger osy oılastyrǵan nárseler tolyq júzege asar bolsa, Amerıka ǵalymynyń jańalyǵy ekologııa salasynda da, ekonomıka júıesinde de óte jaqsy isterdiń jasalýyna jol ashyp beredi.
Qazirgi tańda bıootan júgeriden, soıadan, metannan, qant quraǵynan alynyp júr.
Talǵat Raıymbek.
Derek, foto: Forbes.