ASTANA. 4 maýsym. Reseıdegi Tatarstan Respýblıkasynyń astanasy – Qazan qalasynda ótken «Álem injýi-2016» sulýlyq konkýrsynda ózbekstandyq Sabına Mýsaeva birinshi oryndy jeńip aldy. Bul týraly Ca-News aqparyna silteme jasaǵan egemen.kz tilshisi habarlady.
«Álem injýi» – tek sulýlyq saıysy ǵana emes, ol sonymen birge talantty da baǵalaıdy. Onda árbir qatysýshy negizinen ulttyq salttar men dástúrler taqyrybyna qurylǵan shyǵarmashylyq nómirlerin oryndaıdy. Sondyqtan fınalǵa shyqqan qyzdardyń árbirimen uzaq ýaqyt horeograftar, rejısserler jumys jasasyp, olardy akterlik sheberlikke baýlyǵan, sahnadaǵy daǵdylaryn jattyqtyrady.
Baıqaý qorytyndysynda jeńiske jetken Sabına Mýsaeva 30 elden kelgen úmitkerler arasynda artyq kórindi. Ol Qazan federaldy ýnıversıtetinde oqıdy. Reseılik Angelına Gýbanova – ekinshi, vetnamdyq Do Nıýng úshinshi oryndarǵa shyqqan. Bulardyń sońǵysy da tatar memlekettik ýnıversıtetiniń stýdenti kórinedi.
Konkýrsta budan basqa 14 nomınasııa boıynsha syılyqtar tapsyrylǵan. Solardyń arasynda «Jeke tulǵa mıssi» ataǵy qazaqstandyq Aınagúl Surǵalıevaǵa tapsyrylǵan.
Talǵat Raıymbek.
Derek, foto: egemen.kz.