Iskerlik ahýaly ańǵaryldy

Qaımaǵy buzylmaǵan respýblıkanyń shalǵaı aýdandarynyń biri – Qaratóbe. Ejelden halqymyzǵa tán barlyq tamasha qasıetter – keńpeıildilik pen qonaqjaılylyq, darhandyq pen qanaǵatshyldyq, qoldaǵy barǵa shúkirshilik etý, ataly da bataly sózge toqtaý bul eldiń búgingi turǵyndarynyń boıynan da tolyqtaı tabylady. Buǵan ózgeni tyńdaı bilý mádenıetin de qosýǵa bolady. Osyndaı tektilik pen márt­tik ahýaly Qaratóbe aýdanynyń ákimi Naýryzbaı Qaraǵoı­shın­niń jurtshylyq aldyndaǵy qo­ry­tyndy esebi kezinde de aıqyn ańǵaryldy. Aýdan basshysynyń 25 mınýtqa laıyqtalǵan esebi naqty taldaýlar men salysty­rý­larǵa qurylýymen erekshelendi. Qaratóbe – respýb­lıka­daǵy mal sharýashylyǵyn óris­te­týge qolaıly óńirlerdiń biri. Osy artyqshylyq aýdan ekono­mı­­kasynyń basty kózi bolyp qala bermek. Esep berý bary­synda tórt túlik maldy óz tóli esebinen ósirý joldary basym­dyqqa ıe ekenin bildik. Onyń ósimi ótken jylmen salys­tyr­ǵanda 100 paıyzdan asyp túsip­ti. Mal ósirýshilerdi materıal­dyq turǵydan kótermeleý qaı­ta­rym­syz sýbsıdııalar berý esebinen iske asypty. Osyndaı kóńil kónshiter istermen qatar, áli de bolsa sheshimin tappaǵan máseleler de jetkilikti ekenin esep berýshi jasy­ryp qalǵan joq. Sonyń biri ká­sip­kerlikti damytý isiniń búgingi talaptar deńgeıinen tómen tur­ǵa­ny. Bul túıitkildi tarqatýdyń basty joly paıdaly ispen aı­nalys­qysy keletinderge shaǵyn nesıeler berý bolmaq. Sondyq­tan da aldaǵy jyly biz osy máselege basa nazar aýdaryp otyr­myz,  dedi Naýryzbaı Qadyr­baıuly. Qaratóbe sekildi turǵyndar sanyn 100 paıyz óz qandas­tarymyz quraıtyn respýblıka­nyń alys aýdandary mektepterinde bilim sapasy tómen bolyp keledi degen birjaqty kózqaras­tar joq emes. Dál osyndaı sa­ryndaǵy áńgimeler aıtylyp ta, jazylyp ta júr. Áıtse de Qa­ratóbe topyraǵyndaǵy bilim sa­pasy mundaı syńarjaq pikirlerdi joqqa shyǵarady. Ulttyq biryń­ǵaı testileý nátıjeleri boıynsha ótken jyly aýdan mektepterin bitirgen túlekter oblysta aldyńǵy qatardan kórinipti. Atap aıt­qanda, 227 túlektiń 73-i memlekettik grantqa ıe bolsa, Qaratóbe mektep-gımnazııasy respýblı­ka­da­ǵy eń úzdik 100 mekteptiń qa­taryna qosylypty. Aýdan ákimi N.Qaraǵoıshın ese­biniń taǵy bir ereksheligi – Qaratóbe sekildi alys aýdanǵa jas mamandar men kadrlardy tu­raq­tandyrý baǵytyndaǵy jumys­tarǵa jan-jaqty toqtalǵany der edik. Taldaýlar tómendegini kór­se­tedi. Bıýdjettik nesıe qarajaty esebinen jas mamandardyń belgili bir bóligi turǵyn úı satyp alýǵa qol jetkizgen. Degenmen, olardyń bárine kommýnaldyq turǵyn úı berý múmkindigi joq ekeni jıyn ústinde ashyq aı­tyldy. Sondyqtan da aýdan bas­shysy bólingen qarajatqa turǵyn úı satyp alý ǵana emes, sonymen birge, turǵyn úı salyp alý múm­kindigi jóninde de oıly usynys bildirdi. Tek sonda ǵana jas ma­mandardyń aýylǵa turaqtanýy úshin bıýdjet esebinen bólingen qa­rajat tıimdi jumsalmaq. Qaratóbe aýdanynyń ortaly­ǵyn­da ótken jyly tabıǵı gaz ala­ýy tutandy. Kelesi kezekte ony áleýmettik nysandar men turǵyn úılerge tartý mindeti qoıylǵan-dy. Qaratóbe aýdanyna jańadan taǵaıyndalǵan ákim Naýryzbaı Qa­raǵoıshın dál osy shaqta iskerlik kórsete bilgenin, az ýaqyt ishinde kóptegen nátıjeli iske qol jetkizgenin Qaratóbe aýyldyq ardagerler keńesiniń tóraǵasy Saılaý Baqytov aıtyp berdi. Aldaǵy jyly tabıǵı gaz qu­byrlary aýdandaǵy Sonaly, Úsh­a­ǵash jáne Qaldyǵaıty aýyl­da­ryna tartylmaq. Onyń jobalaý-sme­talyq qujattary ázir. Qarjy­lan­dyrý máseleleri sheshilgen. Osy máselege qatysty zaldan qo­ıylǵan №12 Aqmeshit saılaý okrý­giniń depýtaty Esen Ǵu­marov­tyń saýa­lyna aýdan ákiminiń esebine qaty­syp otyrǵan oblys ákiminiń oryn­basary Berik To­lym­baev joǵary­daǵydaı jaýap qaıtardy. Aýdan turǵyny Alfııa Mu­ham­betrahımova ákim esebine oraı óz pikirin bylaısha bildirdi: Qandaı iske de jaýapkershilik qajet. Elge gaz kelýine baı­lanysty ony paıdalanýdyń qa­ýipsizdigin qamtamasyz ete ala­tyn mamandar qajet. Aýdanda osyndaı qyzmet túri ázirge óris ala almaı otyr. Sonymen birge, bizde balabaqshaǵa degen suranys áli de joǵary. Son­dyq­tan da mektep-gımnazııa ja­ńa ǵımaratqa kóshýine baı­la­nys­ty odan bo­saǵan oryndy balabaqshaǵa berý oryndy dep sanaımyn. Turǵyn tilegine oraı aýdan ákimi tarapynan oń jaýaptar qaıtaryldy. «Bul máseleler bıyl tıisti sheshimin tabatyn bolady», – dedi ol. Taqyrypqa shyǵaryp otyr­ǵany­myzdaı, Naýryzbaı Qara­ǵoı­shınniń turǵyndarǵa bergen qorytyndy esebinde iskerlik ahýaly aıqyn ańǵaryldy. Qur­ǵaq sóz ben qurǵaq ýádege jol berilmegeni, qandaı másele qoz­ǵalsa da onyń naqty sheshimdermen úndestik taba bilgeni aýdan basshysy esebiniń taǵy bir jetistigi bolyp qalmaq. Son­daı-aq, zaldan suraq qoıǵan tur­­­ǵyndardy eń aldymen jeke bas qamdary emes, eldik maq­sat-múd­deler, onyń oń sheshimin tabýy tolǵandyratyny da jo­ǵa­ryda aıtylǵandaı turǵyn­dardyń aýdan basshysy esebine qatysý mádenıetiniń bıiktigin kór­setkeni anyq. Temir QUSAIYN. Batys Qazaqstan oblysy.