ASTANA. 6 maýsym. Ulybrıtanııada áıgili dramatýrg Pıter Sheffer 90 jasynda qaıtys boldy. Bul týraly TASS aqparat agenttigine silteme jasaǵan egemen.kz tilshisi habarlady.
«Ol 15 mamyr kúni dostarynyń ortasynda 90 jasqa tolǵan mereıtoıyn toılaǵanyna qýanyshty edi. Onyń bul ómirde joq ekenine sene alar emespin», – deıdi dramatýrgtyń agenti Rýpert Lord.
Pıter Sheffer 1926 jyly Lıverpýl qalasynda týǵan. Kembrıdjdiń Trınıtı-kolledjinde bilim alǵan. Ol 1954 jyly alǵashqy «Tuzdy jer» atty pesasyn jazǵan. Al «Amadeı» (Amadeus) pesasy arqyly onyń ataǵy álemge tanyla bastady. 1984 jyly osy týyndynyń jelisinde fılm túsirildi ári osyǵan baılanysty «Oskar» jáne «Altyn globýs» syılyqtaryn jeńip alǵan.
Sonymen qatar, ol 1958 jyly jazǵan «Bes saýsaqqa arnalǵan jattyǵý» (Five Finger Exercise), 1973 jyly jazǵan «Ekvýs» (Equus) syndy shyǵarmalary arqyly da úlken jetistikterge jetken.
Aıan Ábdýálı.
Derek, foto: TASS.