Qystyń qaharly kúnderin jan jadyratatyn ıgilikti bastamalar jylytyp, munaı óndirýmen aınalysatyn kompanııanyń kómegi eleń etkizdi. Nátıjesinde ótken jylǵy sý tasqynynan zardap shekken Aqsý aýdanyna «Nort Kaspıan Opereıtıng» kompanııasy ujymy 10 «Gazel» avtokóligin saltanatty túrde tapsyrdy. Qaıyrymdylyq sharada atalǵan kompanııa dırektory Per Delpon jańa avtokólikterdiń shalǵaı eldi mekenderdegi turǵyndarǵa dárigerlik kómek kórsetý men oqýshylardy mektepke tasymaldaýǵa berilgenin aıtty.
Ujym qaıyrymdylyq pen demeýshilik baǵdarlamasymen elimizdegi – bilim berý, densaýlyq saqtaý, mádenıet, sport jáne basqa da salalardy qamtyǵan. Tek Qyzylaǵashqa 30 mln. teńgeniń avtokólikteri berilse, tasqynnan zardap shekken Aqtoǵan, Eginsý eldi mekenderindegi bilim shańyraqtaryndaǵy shákirtterge 500-den astam qysqy jáne sporttyq kıimder syılap, búldirshinderge syılyq jasady.
Kúmisjan BAIJAN.
Almaty oblysy.