Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń Aqtóbe qalasynda oryn alǵan lańkestik oqıǵaǵa baılanysty málimdemesi

Asa qamqor erekshe meıirimdi Allanyń atymen bastaımyn! Elimizdiń musylmandary qa­sıet­ti Ramazan aıynyń qarsańynda Aqtóbede oryn alǵan lańkestik áreketterdi tereń ókinishpen estidi. Osy oqıǵaǵa din atyn jamylǵan ra­­dıkaldardyń qatysy bar dep aıtylýda. Adam janyn túrshiktiretin zulym­dyqqa barǵan­dardyń din jo­lynda júrgen musylmandarǵa qa­­tysy bar dep aıtýǵa aýyz barmaıdy. Islam dini eshkimdi ustanatyn dinine nemese ultyna bólmesten jazyqsyz qan tógýge eshqashan ruq­sat etpeıdi. El musylmandarynyń basyn qo­syp otyrǵan Qazaqstan musylmandary dinı basqarmasy oryn alǵan lańkestik oqıǵany úzildi-kesildi aıyptaıdy. Islam – beıbitshiliktiń dini. Quran Kárimde «Kim kisi óltirmegen nemese jer júzinde buzaqylyq qylmaǵan bireýdi óltirse, sonda shynaıy túrde barlyq adamdy óltirgenmen jáne kim ony tiriltse (ólimnen qutqarsa), barlyq adamdy tiriltkenmen teń» («Maıda» súresi, 32-aıat) degen ıláhı qaǵıda bar. El aman, jurt tynysh zamanda jan­túrshigerlik qylmysqa bar­­­­­ǵandardyń adam­­gershilik qa­sıetterden jurdaı bol­ǵany anyq. Allanyń quzyrynda da, mem­leke­timizdiń zańy aldynda da qyl­mys jasa­ǵan­dar eń qatal jazaǵa tartylady dep senemiz. Eldiń amandyǵy jo­lyn­da óz­deriniń azamattyq paryzdaryn oryndaý barysynda qaza tap­qan­dardyń otbasylaryna jáne týǵan-týystaryna qaıǵyryp kóńil aıtamyz jáne sabyrlyq tileımiz. Quqyq qorǵaý organdarynyń ókilderi óz­deriniń janyn qııa otyryp, aýyr zardapqa aparatyn qylmyskerlerdiń jolyn kesti. Taǵylymy mol hadıs­te Mu­ham­­med paıǵam­bary­myz (s.ǵ.s.): «Eki kóz aqy­rette tozaqqa kúı­meı­­di: birinshisi – kú­násine ókinish bildirip, ońashada egilip jylaǵan kóz; ekinshisi – Otandy qorǵap, shek­­ara kúzetken kóz» dep aıtqany belgili. Otan jolynda qaza bolǵan baýyr­larymyzdyń jany jumaqta bolǵaı. Sonymen qatar, qylmyskerlerge tosqaýyl qoıý kezinde jaraqat alǵan ba­­ýyr­­­larymyzǵa Alladan shıpa ti­leımiz. Aqıqatynda, jazyqsyz jan­dardyń ómirin qıǵan zalymdardy el azamattary, shynaıy musylman baýyrlarymyz túbegeıli aıyptaıdy. Elbasymyz Nursultan Ábishuly Nazarbaev aıtqandaı, elimizdiń ty­nysh­­tyǵy men beıbit ómiri – barshamyz úshin eń joǵary qundylyq. Sondyqtan qo­ǵamdaǵy tynyshtyq pen beıbit ómirdi saqtaý – ár aza­mattyń boryshy hám paryzy dep bil­genimiz jón. Elimizdiń barsha azamattaryn aran­­datýshylyq áreketterge be­rilmeýge, qoǵam tynyshtyǵyn qa­dir­leýge jáne jaýyz­dyqpen jumyla kúresýge shaqy­ramyn.