Vladımır HRÝSTALEV, jattyqtyrýshy: Qyzymnyń kúmis alǵanyna ókinbeımin

Bıatlonnan Qa­zaqstan qurama­sy­nyń kóshbasshysy Ele­na Hrýstale­va­nyń ákesi Vladımır Fedorovıch qyzy­nyń qytaı­l­yq Chýn­lı Vang­tan utylyp qal­ǵa­nyn by­laı tú­sindirdi: – Jarys qarsa­ńynda qyzym kóńil-kúıiniń onsha emes ekenin aıtqan. Mu­ny biz báseke aldyn­da­ǵy qobal­jýlyq qoı dep oı­la­ǵanbyz. Alaı­da, men muny tamaq­tan ýlandy-aý dep te boljaımyn. Kóńiliniń jabyrqaý bolýy, sóz joq, Elenanyń kórset­kishine áser etti. Ol bar kúshin sal­dy. Nysa­nany dál kózdedi. Biraq, qytaılyq qyz óte jaqsy daıyn­dyqpen kelgenin ańǵarty. Úshinshi oryn alǵan Marına Le­bedevanyń da tabysy jaman emes. Ol ótken maýsymdy joǵary deńgeıde bas­taǵan edi. Álem kýbo­gynda Lenadan ozǵan bolatyn. Atap aıtar nár­se, Álem kýbogy­nyń jarys­tary bıyl­ǵy jyly Elena úshin basty meje bolǵan joq. Biz Azııa oıyn­daryna jos­parly túrde daıyn­daldyq. Ja­qyn qashyqtyqqa jú­girý­de k­mis medal alý – Azıada jarysynyń bıik shyńyna jetýdegi alǵashqy tabys sııaqty kórinedi maǵan. – Siz óz qyzyńyzdyń tek jattyqtyrýshysy ǵana emes, ári onyń dárigerisiz. Sizdiń úıretý ádisterińiz dástúrden tys tásilderge negizdeletini ras pa? – Menińshe, qalypqa túsýdiń dástúrli ádisi – bizdiń ata-baba­larymyzdyń tájirıbesinen ótken. Daıyndyq prosesinde biz ıne shanshý tásilin, elektr ap­paraty arqyly qalypqa túsý, fotodı­namıkalyq terapııany da qol­danamyz. Elena kóp jyldan beri tabıǵı qospasy bar taǵam­dardy paıdalanady. Bul vıtamın men proteınnen góri tıimdirek. Nege deseńiz, ol – tabıǵı ónim. Jasandy bıoqospaǵa qaraǵanda, onyń paıdasy mol. – Elena Sochıde ótetin Qys­qy Olımpııa oıyndaryna qa­tysady dep oılaısyz ba? – Iá, mundaı josparymyz bar. Sochıge barýdy maqsat etip júrmiz. Odan keıin ne bolaryn aıtý qıyn. Asa alysty aldyn ala boljamaı-aq qoıalyq. Aınash ESALI. Almaty.