«Medıker» – halyqaralyq kórmeniń seriktesi

Jaqynda «Medıker» kompanııasy men «Astana EKSPO-2017» ulttyq kompanııasy» AQ arasynda ortaq seriktestik jónindegi memorandýmǵa qol qoıylyp, «Medıker» kompanııasy EKSPO-2017 halyqaralyq kórmesiniń operatory ári seriktesi atandy.  Jasalǵan kelisim aıasynda «Medıker» JShS ózi salatyn  ınvestısııasynyń basym bóli­gin kórme alańynda ashylatyn medısınalyq ortalyqtar men 6 medısınalyq pýnkttiń talap­qa saı jabdyqtalýyna baǵyt­tamaq. «Bizdiń kompanııamyz úshin EKSPO-2017 kórmesiniń medı­sı­nalyq seriktesi ataný – zor qurmet. Bul bizge degen senimniń joǵary deńgeıde ekenin kórsetedi. Osy rette úlken jaýapkershilikti arqalap otyrǵanymyz da belgili. Degenmen, ózimizdiń jaǵymyzdan qol qoıylǵan memorandýmnyń barlyq tarmaqtaryn sapaly ári ýaqtyly oryndaıtynymyzǵa kepildik beremiz», – dedi «Me­dı­ker» kompanııasynyń basqarma tóraıymy Gúljan Sadyrbaeva qol qoıý rásiminen keıin sóılegen sózinde. EKSPO-2017 kórmesinde ha­lyq­aralyq standarttar boıyn­sha arnaıy oqytylǵan mamandar – dárigerler, úıles­tirý­shi­ler men basqa da medısınalyq qyz­metkerler jumys atqaratyn bolady. Kórmeniń ashylýyna deıin olar kórmeniń halyq­ara­lyq qatysýshylary úshin me­dısınalyq qyzmet kórsetýge jáne EKSPO-2017 kórmesiniń bar­lyq kelýshileri úshin shuǵyl, jedel jáne basqa da medısınalyq kómekter kórsetýge tolyqtaı daıyn bolmaq. «Astana EKSPO-2017» ult­tyq kompanııasy» AQ-tyń bas­qarma tóraǵasy Ahmetjan Esi­mov bolsa, halyqaralyq qaty­sý­shy­larmen qatar, kórmege qatysý­shylarǵa kórsetiletin medısı­nalyq qyzmetti jańa tehnologııa­lardy qoldana otyryp  barynsha sapaly ári nátıjeli deńgeıge qoıý kerek ekenin atap kórsetti. «Qazaqstandaǵy iri de tanymal medısınalyq kompanııanyń «Astana EKSPO-2017» syndy aý­qymdy is-sharaǵa qatysýǵa daıyn ekeni biz úshin óte mańyz­dy. «Medıker» JShS-niń Qazaq­stan boıynsha keń kólemde taral­ǵan medısınalyq qyzmet júıesi bar. Árıne, «Medıker» kom­panııasynyń medısınalyq qyzmet kórsetýdegi tájirıbesi Qazaqstan úshin mańyzy joǵary is-sharany ótkizýge septigin tıgizbek», – dep atap ótti Ahmetjan Esimov. Osy oraıda eske salar bolsaq, «Medıker» JShS medısınalyq qyzmetter naryǵynda 15 jyldan astam qyzmet etip keledi. «Me­dıker» – bul Qazaqstan Respýb­lıkasynyń barlyq aımaǵynda óz klıentterine joǵary ká­si­bı  negizdegi medısınalyq qyzmet kórsetýdi usynatyn Qazaq­standaǵy eń senimdi iri kompanııa. «Medıkerdiń» basty maqsaty ulttyq jáne halyqaralyq sapa, ekologııa, qaýipsizdik  jáne eńbekti qorǵaý standarttaryna saı medısınalyq qyzmet kórsetý bolyp tabylady. «Medıker» kompanııasy «Bolashaqtyń energııasy» atty EKSPO-2017 halyqaralyq mamandandyrylǵan kórmesin tolyqtaı qoldaıdy, sondyqtan óz jumysyn ekologııanyń jo­ǵa­ry standarttaryn ustaný ar­qyly jáne qorshaǵan ortaǵa zııan­dy áserin tıgizbeı energııany únemdeý saıasatyna saı júrgizip otyr. Ulan SANJAR