EQYU-nyń Is basyndaǵy tóraǵasy, Lıtvanyń Syrtqy ister mınıstri Aýdronıýs Ajýbalıs Qazaqstan Prezıdenti Nursultan Nazarbaevtyń óziniń ókilettigi merzimin uzartý jóninde referendým ótkizbeý týraly sheshimine qoldaý bildirdi. Sheshim Konstıtýsııalyq Keńes Prezıdenttiń ókilettik merzimin referendým arqyly uzartý týraly zań Konstıtýsııalyq emes dep tanyǵannan keıin qabyldanǵan bolatyn.
Ajýbalıs, sondaı-aq Prezıdent Nazarbaevtyń merziminen buryn prezıdenttik saılaý ótkizý týraly usynysyn qaperge aldy.
«Uıymnyń sońǵy 11 jyldan keıin tuńǵysh ret ótkizilgen Astanadaǵy EQYU Sammıtinde biz aqylǵa qonymdy aralyqta demokratııalyq saılaýlar ótkizýge qatysty máseleni qosa alǵanda, EQYU mindettemelerine adaldyǵymyzdy taǵy da qýattaǵan bolatynbyz. Bul mindettemeler barlyq qatysýshy memleketterde saqtalýy tıis. Men Qazaqstan basshylyǵyna atalǵan máselede qoldaý bildiremin», – dep málimdegen EQYU-nyń Is basyndaǵy tóraǵasy.